Jerimaya 48:13 - FỊAFỊA BAỊBỤLỤ

¹³ Anịtẹso Mohabụ ḅẹ apụ ma ẹrị ḅa ye ḅarị in ḅiotọn ḅara paka-a, ini na ịna tamụnọ Kẹmosi na, anị gbọrụ ḅara mie anị sime Izirẹlịapụ ma na ịn kẹ ḅiokpọma sime ịna tamụnọ Bẹtẹlị ḅe na pịrị ḅara.

Jerimaya 48:13 Iomraidhean Croise

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

1 Amadapụ 11:7

Jeruselemu ḅụ ịrụa-saakịarị-anga mẹ ḅẹ tụndụ ọgọnọ ḅụ ọ̀ nwẹnị gbọrụ oru-warị nama, kẹ sunsin Mohabụ ḅẹ tọn-tọn oru-tamụnọ Kẹmosi pịrị ḅẹ anga na, pịkị jen oru-warị na kẹ Amọnị ḅẹ tọn-tọn oru-tamụnọ Mịlịkọmụ tẹkẹ ḅarị anga na nama.

1 Amadapụ 18:40

Ịlayịja nwẹnị ịn ḅẹẹ, “Ọ́ Balị ịkịankoroapụ ma ọlọọ, ọ́ ḍụkụ tẹ ịna ḅụụ gbọrụḅọ-sọ mangị-so ma.” Ịn nwẹnị ini ọlọọ, tẹ Ịlayịja nwẹnị ịna kẹ ideri Kisọnị tọrụ mẹ ḅo, tẹ nwẹnị anịanga ḅụ in ḅaa.

2 Paka-aị 25:15

Anị ẹrẹsị KỊNỊNYANAḄỌ ḅe nwẹnị Amazaya ḅụụ ịganị nyana tẹ gbọrụ ịkịankoroḅọ kẹ ọ̀ fịrịma, oriḅe tẹ ọ̀ ḅẹẹm, “í tiegotẹ pịkịma gbọrụ atomi atamụnọ tẹ ì ḅara ḅụ amịna tomi ḍu ḅọrọma-a atamụnọ ma ḍọkụma-mu?”

Ayịzaya 16:12

Mohabụ ḅẹ apụ ma ịnyọ ịna ḅụ fa tẹ, tẹkẹ gotẹ tụndụ ọgọnọ ḅẹ tẹkẹ-ayọ ma mẹnjị iwo-na-ideri-na pịkị ịna tamụnọ awarị mu ma mẹnjị iwo-na-ideri-na pịkị ịna tamụnọ awarị mu ma ḅọrọ na ḅụ, tẹkẹ ẹrẹsị, kụma gbọrụ iḅi sọ anị kẹ ịn mịẹ ḅịa.

Ayịzaya 2:20

Anị ene mẹ ḅụ, in golu na seleḅa na kẹ tẹmẹ ịna ḅụụ pịrị oru-afụḅara ma ịn kẹ gbin koroma so piri-ofunguru amẹẹ na poku amẹẹ na pịrị ḅa.

Ayịzaya 45:16

Oru-afụḅara mịẹarị apụ mamgba ḅụụ-jịrị ḅa; inimgba tọrụ-tuu ḅa.

Ayịzaya 45:20

KỊNỊNYANAḄỌ ḅe mẹẹ: Ó ḅo kobirii, sịẹ-sịẹ ma ḅẹ atomi; tẹ tomikiri mẹ daarị kụrọ mẹ ḅịkị ye ḅụ fịị-a so apụ, ọ́ ḅẹrẹkọn mẹ ḅoo! Tomi ma ịn sịn kẹ kịra oru-afụḅara ma dogi mẹnjịma-mẹnjịmarị tẹ inetẹ ịn ḅọrọma ḅịa atamụnọ ma tẹkẹarị arị atomi ma in nimi gberie-sọ ofori!

Jerimaya 48:12

Mie ḅụ mịọkụ, sakị mẹ ḅoarị, anie à kịnị fịrịma tẹ in mu iru ọsụma pakama ḅara kẹ Mohabụ ọsụma pakama ḅa. Ini ịna iru-ajongo ma ḅio iru mẹ ọsụma-ọsụma sara fama tẹ jongo ma ḅaa kọsịma ḅa.

Jerimaya 48:39

Mohabụ kọsị-sara tẹẹ! Owu pakamaa! Mohabụ tọrụ-tuu tẹẹ. Anị sii gulugulutẹ tẹẹ, tẹ anị ikelema-koro wararị asịẹ mamgba anị komboarị. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 48:46

Mohabụ ḅẹ apụ ma ḍiki-sịḅị-kụrụkụrụụ! Sunsin Kẹmosi pịrị sime apụ ma gulugulu tẹẹ, ini ịna owiapụ-awọmẹ na eremịna-awọmẹ na kun-so tẹẹ ikoliapụ ḅara ḅụ.

Jerimaya 48:7

“Mohabụ, ị́ ị́ ịnyọ na ị́ nyana sara aị na kẹ ḅiokpọmam, kụma mịọkụ í ḅioju sọ ini ị́ nẹngịma ḅa; ị́ tamụnọ Kẹmosi ḅe ini ori ọkị so ḅa, ini ori amadapụ awọmẹ na agbamịẹapụ na ọkị so ḅarị sakị mẹ ḅụ.

Ḅẹrẹkọn-apụ 11:24

Ị́ oru-tamụnọ Kẹmosi kẹ ị́ pịrị ye ị́ ọkị í nye sọma ḅịa? Anịsakị KỊNỊNYANAḄỌ wamịna Tamụnọ ḅe wamịna tọrọkọ dee-siin tẹ kẹ wa pịrị ye pịrị ye, wa ọkị nyana ḅa.