Jerimaya 48:11 - FỊAFỊA BAỊBỤLỤ

¹¹ KỊNỊNYANAḄỌ ḅe ḅẹẹm, “Sakị mamgba Mohabụ ye-ḅụụ-la-a ḅara kẹ sime tẹ, tẹ gbala-gbala kịnị amụ in kun so jen-anga mu-a. Mohabụ kịkarị ye anie jike-a tẹ kẹ wẹrị wararị iru jongo tẹ gbala-gbala amụ pẹlẹma jen gbọrụ jongo ḅio sọ sụa ye. Anị ḅẹ ḅẹlẹ mẹ gbala-gbala amụ si-a, tẹ anị paa ḅẹlẹ mu ḅẹẹ-sakị ḅẹẹ-sakị laarị.”

Jerimaya 48:11 Iomraidhean Croise

Devidi-Anume 123:4

Ngọ-kọnapụ kpọma wa kombo alama tẹ ḅara ḅakam, tẹ ḅụụ-boma apụ tẹ pịkị kịnị ponomarị apụ ma wa ḍiki sima tẹ.

Devidi-Anume 55:19

Tamụnọ, Anịngẹ-kụraḅio ḅẹrẹtọn mu ḅẹẹ-sakị ḅẹẹ-sakị laarị ḅọ, ị́ ị̀ naa tẹ mịẹ tẹ owu ịna ḅara sii ḅa; in ḍima ḍụkụ-a ẹrẹsị, tẹ ịn pịkị ò ḍiki-ḅalafa-a.

Egberima-Ẹkwẹn 1:32

Ye-mịẹmịẹ-ḅara nimi-a apụ fịị ḅa ịn nimi sịkịarị ẹrẹsị. Oḅori-sọarị atomi ma ịna ye-kẹ-yesịn-a mẹ ịn ḅaa gulugulumarị.

Ayịzaya 16:6

Juda ḅẹ apụ ḅẹẹarị, “Wa naa tẹ mịnẹ Mohabụ ḅẹ apụ anie opu-amịẹaị mịẹ-mịẹ apụ. Wa nimi wararị inima anie opu ẹkwẹn kọn, kọn apụ, pịkị amịna ḅụụ ọkị jen-apụ nẹngịma, nẹngịma apụ, kụma ịna aḅụụ boma ma ḅio ye ofori.”

Ayịzaya 24:3

In tomikiri mẹ sima kọsịma tẹ anị fama ḅa. KỊNỊNYANAḄỌ ḅe ḍuko tẹ, anị mịẹ ḅa.

Ayịzaya 25:6

Mị anga Zayọnị tụndụ ọgọnọ ḅụ Kụrọmamgba nyana KỊNỊNYANAḄỌ ḅe opu alalị tẹlẹma tomikiri ḅẹ asịẹ mamgba pịrị ḅa — yela tẹịn fịye na iḅi tẹịn iru na kẹ fị ḅẹ alalị.

Jerimaya 22:21

Ye ọmịnị na loloarị sakị KỊNỊNYANAḄỌ ḅe ẹkwẹn ọ́ pịrịm, kụma ó poki ḍụkụ-a. Ọmịna ḍumo mamgba ḅụ ó miemẹ mịẹ tẹẹ; gbala-gbala ó minini tẹ KỊNỊNYANAḄỌ ḅe ḅịḅị poki-poki-a.

Jerimaya 48:12

Mie ḅụ mịọkụ, sakị mẹ ḅoarị, anie à kịnị fịrịma tẹ in mu iru ọsụma pakama ḅara kẹ Mohabụ ọsụma pakama ḅa. Ini ịna iru-ajongo ma ḅio iru mẹ ọsụma-ọsụma sara fama tẹ jongo ma ḅaa kọsịma ḅa.

Jerimaya 48:29

Mohabụ mẹ anị ḅụụ-gelema ḅakam! Ịn kẹ ḅụụ-gelema ḅara na, opu aị opu aị ḍuko ḅara na, ịna atomi ma ịna aḅụụ ọkị tẹịnma jen-apụ nẹngịarị ḅara na, ịn kẹ ịna aḅụụ ḍikiarị ḅaka ḅara mẹ na, à naa tẹẹ.

Jerimaya 51:34

Babịlonịya ḅẹ amadaḅọ ḅe Jeruselemu keni tẹ anị pẹịm. Opu ama mẹ ḅio ò ye kọnma-a, jongo ḅio minji ọsụma fama ḅara ò jim-jim kịka tẹ anị mẹnịm. Ori ò ḅii aị ọkịm tẹ kirikọn-aị kẹ wakị ngumam.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

Nahọmụ 2:2

(Kẹ gotẹ ọkọ ḅẹẹarị, KỊNỊNYANAḄỌ ḅe Jekọbụ ama-da opu mẹ pịkịma ḅoarị Izirẹlị ama-da opu mẹ sime-ḅara, gbala kụrọ-ḅara kẹ ngọ fọịn apụ ịn fọịn tẹ ịna ịkpangị ma sima sara tẹẹ.)

Zẹfanaya 1:12

“Anị sakị ḅụ à kpọọ tọnjọ ọkị tẹ Kireinma ḍọkị-ḍiki ḅa Jeruselemu ḅụ. Àrị árị atomi ma tẹ ọkịarị ye ini na iḅi wararị tẹ ḅiokpọ wararị apụ ma fomu ḅa, anie amịna ḅụụ ḅẹẹarị apụ ma, ‘KỊNỊNYANAḄỌ ḅe gbala-gbala ò gberie-sọ mịẹ-mịẹ-a, mị ḅọkọ anịanịa osi ye.’

Zẹkaraya 1:15

tẹ àrị ịganị nyana sịẹ-sịẹ ma tẹ gbene na dein na tọrụ-ḅẹlẹ nyanarị apụ ma pịrị lama wararị. Kẹ gotẹ ọkọ ḍukoarị àrị ị̀ atomi ḅụ ị̀ ịganị dasịẹmarị sakị arị asịẹ ma ịna ḅụụ-fụka mịẹ tẹ arị sii ḅakarị.