Jerimaya 47:7 - FỊAFỊA BAỊBỤLỤ

⁷ Kụma ndẹẹ àrị inetẹ ịnyọsara ḅẹ ḅara, arị anị kọrị ḅẹ ye kẹ anị pịrị tẹ so sakị? À tọn anị pịrị tẹ anị owu kẹ Asẹkẹlọnị na anị ḅio angarị apụ na paka.”

Jerimaya 47:7 Iomraidhean Croise

Ayịzaya 10:6

Àrị Asiriya fịrịma mu owu kẹ Tamụnọ nimi-a sịẹ paka ḅẹm, ị̀ ịganịma apụ ma. Àrị ịn fịrịmam in mu ye fọịn, furu, pịkị tomi ma nanga kiri pịrị, etela mẹnjịarịḅọ lịka nanga ḅara.”

Ayịzaya 13:3

KỊNỊNYANAḄỌ ḅe ori ọmụapụ sịn pakama-ḅo tẹ, ḅụụ-tọn-arị tẹ ḅiokpọ nyana wararị apụ ma, mịnẹ in mu fịafịa ọmụ mẹ gbin, tẹ fomu-ḅara kẹ ori ịganị nyana pịrị wararị apụ ma pịrịị.

Ayịzaya 37:26

“Jene-jene amụ ị́ naa-a mịnẹ yẹrị mie-mẹmgba tọn wẹrịm iḅere-iḅerea kụra ḅio? Tẹ mịọkụ arị anị mịẹ tẹ. Yẹrị kụrọ mẹ kẹ ị́ pịrịm ị́ kẹ amịna aḅụụ mịẹ kụrọma, kụrọma tẹ opu ama ma kẹ ḅo sịra sọma.

Jerimaya 48:10

(Amịna ḅioḅẹngbọ mẹmgba kẹ KỊNỊNYANAḄỌ ḅe kọrịnama mẹ kọrị-a tomḅọ ḅe worii! Pẹlẹ kọsịma tẹ ḅaa-a tomḅọ ḅe worii!)

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Izikẹlị 21:14

“Fịị-fịị tomḅọ, mịọkụ ịkịankoro. Ị́ aḅara farị, tẹ okologie mẹ pẹlẹ-siin pẹlẹ ḅa. Kịnị-ḅaaḅa okologiee, okologie tẹ tẹmẹ-naịn-naịnmarị tẹ pẹị ḅẹ nama ḅaa ḅara kẹ kịnị-ḅaaḅa sararị ye.

Izikẹlị 21:30

“Okologie mẹ saakị-gelema! Ị́ tẹmẹ anga mẹ ḅụ arị ị́ kọn ḅa, í iyi amakiri mẹ ḅụ.

Izikẹlị 21:9

“Fịị-fịị tomḅọ, ịkịankoro. Yẹrị KỊNỊNYANAḄỌ ḅe ḍukoarị ye ḍuko tomi ma pịrị: Okologie, farị oḅuma tẹ sịkịrị vịọịmatẹ okologie.

Izikẹlị 25:16

Tẹ mie ḅụ à ḍuko-wasamarị mịnẹ arị owu kẹ Filisiteni paka tẹ ịn fama lịaị-lịaịma ḅa. Filisiteni ḅẹ lẹsẹrẹ-kiri mẹ ḅụ kirikọntẹ ḍumo wararị ḅọ goḅọ-goḅọ à guluguluma ḅa.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Mayịka 6:9

KỊNỊNYANAḄỌ ḅe nwẹnị ẹkwẹn opu ama mẹ pịrị tẹ ḅẹẹ, “Ị̀ ẹrẹ mẹ ḍiki ḅalafa mẹ anie gburo-gburotẹ opu nimi; Anịẹrẹsị ọ́ naa, yei ọmịnị furo tẹ opu ama mẹ ḅio kobiriarị apụ!

1 Samụẹlị 15:3

Mịọkụ mu Amalẹkị ḅẹ apụ ma ḅaa tẹ ịkatakirikọn-a-ḅara kẹ ịn nyana aị mamgba sima famaa; àrị wẹrịso ma, kụma owiḅọ-o, ẹrẹḅọ-o, kalatụḅọ-o, ndo-ndoarị tụḅọ-o, pootẹ-nambulo-o, anana-o, ike-sụa-nama-o, yedogi-nama sọ.”