Jerimaya 47:6 - FỊAFỊA BAỊBỤLỤ

⁶ Oloku pakama, ‘KỊNỊNYANAḄỌ ḅe okologie! Ị́ pẹlẹ-pẹlẹ sara mu tọ-sakị la ḅẹ? Pịkị mu í lubulu ḅio sọ, anịanga sime tẹ ịnyọsara!’

Jerimaya 47:6 Iomraidhean Croise

2 Samụẹlị 2:26

Anịtẹso Abụna nwẹnị Johabụ sịn, “Okologie mẹ anị guluguluma gbamaso ḅẹ? Mịnẹ kunoma mẹ akụ ḅẹ ḅara ị́ nimi-a? Anị mu tọ sakị la tẹrẹmẹ ị́ ị́ atomi sịn ḅẹ ịna amịnapụ ḍuka mẹ ḅụ ịn pịkịị?”

1 Paka-aị 21:27

Anịtẹso KỊNỊNYANAḄỌ ḅe tọn enjẹlị ḅe pịrịm tẹ ọ̀ nwẹnị ori okologie kẹ anị ḅẹ lubulu ḅio suu.

Devidi-Anume 17:13

KỊNỊNYANAḄỌ, ḅoo! Si kẹ ị̀ tọn apụ ma na kuḅu dama tẹ ịn nẹngịma-a! Í okologie kẹ si-sịḅịḅio-sụapụ ma ḅara-ḅio ị̀ ḅọrọma-a;

Ayịzaya 10:15

Kụma KỊNỊNYANAḄỌ ḅe ḅẹẹm, “Kumbu inetẹ ọkị ḅẹ mịnẹ anị anị ọlọ tẹ kẹ ye pẹlẹarị tomḅọ nẹngịm? Fụkụ-fụkụma ye la anị kẹ ye pẹlẹarị tomḅọ nẹngị? Sịn-ikiḅa tomḅọ sakị gelema-gelema-a, tomḅọ anie sịn-ikiḅa sakị gelema-gelema ye.”

Ayịzaya 10:5

KỊNỊNYANAḄỌ ḅe mẹẹ, “Asiriya! Àrị Asiriya kẹ mgbele sọma tẹ kẹ àrị ịganị pịrịarị apụ fomuarị.

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 15:3

Yẹrị, KỊNỊNYANAḄỌ ḅe tọn-pẹlẹ tẹẹ mịnẹ opu ḅalafama aị ịna ḅụ paka ḅa: ini ọmụ ḅio ịn ḅaa ḅa; obiri amẹẹ ịna oju-akpakpa ma fọnọ-so ḅa; feni arị pẹị ḅa, tẹ piri-ḅio-ḅẹ anama kiri kọn aị ma kanị pẹị ḅa.

Jerimaya 25:27

Anịtẹso KỊNỊNYANAḄỌ ḅe ị̀ ḅẹẹm, “ḍuko tomi ma pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọn in pịrịarị ini iru mẹ ḅuu nwenii anị ịna tọrụ-ḅaa tẹ ini ọsụ nwenii in ḅịkị koro tẹ ḅarị inetẹ saakị-so, anie à kẹ in fịrịmarị okologie mẹ gotẹ.”

Jerimaya 4:21

À nwẹn ḍụrụkụarị ọmụ mẹ ẹrị mu tọ-sakị la ḅẹ, pịkị fie-siin-fiearị ọdụ poki mẹ naa?

Jerimaya 48:10

(Amịna ḅioḅẹngbọ mẹmgba kẹ KỊNỊNYANAḄỌ ḅe kọrịnama mẹ kọrị-a tomḅọ ḅe worii! Pẹlẹ kọsịma tẹ ḅaa-a tomḅọ ḅe worii!)

Jerimaya 50:35

KỊNỊNYANAḄỌ ḅe mẹẹ: Fịị sime Babịlonịya pịrịị! Fịị sime anị ḅẹ apụ pịrị, sime anị ḅẹ ḅẹrẹtọn apụ pịrịị, sime anị ḅẹ ye-nimi atomi pịrịị.

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Izikẹlị 21:30

“Okologie mẹ saakị-gelema! Ị́ tẹmẹ anga mẹ ḅụ arị ị́ kọn ḅa, í iyi amakiri mẹ ḅụ.

Zẹkaraya 13:7

Kụrọmamgba nyana KỊNỊNYANAḄỌ ḅe ḅẹẹarị, “Mono ḅụ saakị, okologie, tẹ owu kẹ namakọrị ị̀ pịrịarị anana-ḍikiḍikiḅọ ḅe paka! Ọ̀ ḅaa, tẹ anana ma gala-gala ḅa. Yẹrị owu kẹ ị̀ atomi paka ḅa,

Jọnị 18:11

Jizọsị nwẹnị Pita ḅẹẹ, “Í ogie kẹ anị paka-ḅo lubulu mẹ ḅio suu! Í kuromarị ị̀ Ḍa kẹ ị̀ pịrị wararị tọrụsiẹrị kọpụ mẹ ḅio simearị ye mẹ à ḅuu ma?”

Ḅẹrẹkọn-apụ 7:20

Tẹra akpo ma nwẹnị ọdụ ma ofuro, tẹ jongo ma fomu-fomu ḅaa, nwẹnị ịna ere-ḅara ḅụ pọnjị atọnjọ ma ọlọ, tẹ ịna ama-ḅara kẹ ọdụ ma ọlọ tẹ ofuro ḅẹ ḅara; tẹ ịn nwẹnị oloku, “Sime KỊNỊNYANAḄỌ ḅe na, Gidiyọnị na pịrị gbọrụ okologie!”