Jerimaya 47:5 - FỊAFỊA BAỊBỤLỤ

⁵ Opu kururu ḅo Gaza ḅẹ apụ la tẹ, tẹ Asẹkẹlọnị ḅẹ apụ gbọsime wararị Filisiteni ḅụ kirikọn-apụ ma kururu mu tọ-sakị la ḅẹ?

Jerimaya 47:5 Iomraidhean Croise

1 Amadapụ 18:28

In nwẹnị kụrọma oloku tẹ ịna mịẹ-mịẹye ḅara ḅụ okologie na, nangwọtẹ sịn kẹ ḅịḅị pịọ-pịọtẹ oḅuarị ikulele ḅụ sụa tẹ kẹ ịna ḅụụ pẹlẹ-pẹlẹ tẹ temi nwenii ọmbie nwẹnị ịna ḅụụ joi-joima sara ḅin.

Ayịzaya 15:2

Dibọnị ḅẹ apụ kpọlị iwo tụndụ mẹ ḅẹ tẹkẹ anga mẹ ḅụ owu ḅẹ mu tẹ. Mohabụ ḅẹ apụ kururu ḅụ Nebo na Medeba na opu ama ma gotẹ owuarị. In kururu ḅụ ịna asịḅị na mpọrị na sịn siin tẹ.

Jerimaya 16:1

KỊNỊNYANAḄỌ ḅe siin ẹkwẹn ị́ pịrị tẹ ḅẹẹm,

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 25:20

pịkị anịanga ḅụ simearị ja asịẹ ma ḅẹ apụ mamgba na; Uzu ḅẹ amadapụ mamgba na, Filisiteni ḅẹ amadapụ mamgba na. (Asịkẹlọnị ḅẹ apụ, Gaza ḅẹ apụ, Ẹkịrọnị ḅẹ apụ, pịkị ini ma tẹ kirikọn-apụ ma na, Asịdọdị ḅụ)

Jerimaya 41:5

owiapụ inia si nwẹnị Sẹkẹmụ na Silo na Sameriya na ḅụ sime tẹ ḅo la. Ini ịna asịḅị sẹịn-kpụkpụnụmam, tẹ ịna akapa kan tẹ ịna oju pẹlẹ-pẹlẹ pokolomam. Ini mbịaka na kụnụaị na ọkị-ḅo Tamụnọ-warị mẹ ḅio ḅo agbamịẹ ḅẹm.

Jerimaya 47:1

Tẹrẹmẹ Ijiputi ḅẹ amadaḅọ ḅe owu kẹ Gaza paka KỊNỊNYANAḄỌ ḅe ẹkwẹn ị̀ pịrịtẹ Filisiteni gboloma ye ḅụ.

Jerimaya 47:4

Filisiteni kaan-guluguluma ḅẹ sakị mẹ ḅo la tẹẹ, Taya na Sayịdọnị na ḅụ ḅo ḅarị ḅarasụa mẹ tẹ kiri kọn ye mẹ kiki ḅa. Yẹrị, KỊNỊNYANAḄỌ ḅe, Filisiteniapụ ma ḅaa guluguluma ḅa, inimgba tẹ Kiriti pọkụ-ḅọkọ ḅụ sime tẹ ḅo apụ ma.

Jerimaya 48:37

Inimgba ịna asịḅị sịn siin tẹ pịkị ịna mpọrị ma sẹịn-siin tẹẹ. Ini ịna aḅara puu-puu tẹ ịnọ paka wararị, tẹ ọrụḅọ-ọrụḅọ akpa ịnwaịn wararị.

Izikẹlị 25:16

Tẹ mie ḅụ à ḍuko-wasamarị mịnẹ arị owu kẹ Filisiteni paka tẹ ịn fama lịaị-lịaịma ḅa. Filisiteni ḅẹ lẹsẹrẹ-kiri mẹ ḅụ kirikọntẹ ḍumo wararị ḅọ goḅọ-goḅọ à guluguluma ḅa.

Izikẹlị 7:18

Ini akpa ḅiri ḅa, tẹ ịna bebe oju gbẹdẹ-gbẹdẹ ḅa. Ini ịna asịḅị sẹịn-siin ḅa, tẹ inimgba tọrụ-tuu ḅa.

Lẹvitikọsị 19:28

Ọ́ ḍụẹịn ḍuu gotẹ ọmịna oju-kiri puu, anịanịa akaka-anda kẹ ọmịna oju ḅụ sụa ma, yẹrị anie KỊNỊNYANAḄỌ ḅee.”

Lẹvitikọsị 21:5

Gbọrụ agbamịẹḅọ sọ amịna sịḅị sẹịn, anịanịa amịna ḅekeke ḅẹ mpọrị agara sẹịn, anịanịa ogie kẹ gbọrụ ḅara sọ kẹ amịna oju puu ma.

Mayịka 1:16

Juda ḅẹ apụ, Ọmịnị ọ́ ḅẹlẹma awọmẹ gotẹ kururu ḅụ ọmịna asịḅị sẹịn siin. Ẹdẹlẹ ma asịḅị firi ḅara kẹ ọmịnị ọmịna asịḅị kịrị firii; gbala ini ọmịna ḅara ọmịna awọmẹ ma ọkị mu omoni sọma ḅa ẹrẹsị.

Makị 5:5

Ḍin na eneḅaka na ḅụ ò ḍuḅu ma ogboku na tụndụ ma ọgọnọ na mẹnjị-mẹnjị ikelekele tẹ kararama-oloku-oloku tẹ ḍụḅarị kẹ amịna oju pẹlẹ pẹlẹm.

Ditẹrọnọmị 14:1

Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Ḅẹrẹkọn-apụ 1:18

Juda, Gaza na, anị ḅẹ ye-yọ na kẹ sụa na, Asịkẹlọnị na, anị ḅẹ ye-yọ na kẹ sụa na, Ẹkịrọnị na, anị ḅẹ ye-yọ na kẹ sụa ọkịm.