Jerimaya 47:3 - FỊAFỊA BAỊBỤLỤ

³ Ini asụ aḅụọ kiri ḅụ fiearị ye naa ḅa, kirimẹnjị-arụ ma kiri ḅụ gbolokiarị ye, arịḅẹ aḅụọ ma ḍarị ye na. Ḍapụ-na-iyingiapụ-na tọrụ pịkị ọḅụ ḍiki ḅịa ịna awọmẹ gotẹ, ịna aḅara ma ịna akaka kpalasaịma siin sara ḅa.

Jerimaya 47:3 Iomraidhean Croise

Ayịzaya 5:28

Ịna aḍịẹịn oḅuarị, tẹ ịna iboli ma tẹlẹma wararị, tẹịn pakama. Ịna asụ ma ḅụọ ḅẹ okuro ma, kụrọ-tẹịn ḍụḅarị kụrọ-ḅara nẹngị wararị, tẹ ịna kirimẹnjị-ọmụarụ ogbo ma aḅụọ ma pịkị-pịkị koroarị ḅara, nume-naowu ọkụ.

Jerimaya 46:9

Tọn asụ ma pịrị in muu, tẹ kirimẹnjị-ọmụarụ sọ mbelembelee! Ọmụapụ fịrịma pakamaa; Sudanị na Libiya na ḅụ ḅo owiapụ, ekpeke na ini na, tẹ Lidiya ḅụ ḅo aka-nimi iboli dogiapụ.”

Jerimaya 50:42

Ini ịna iboli na okologie na ọkị tẹ; ini ma anie kụrọ-kụrọ ḅara kẹ kịnị na mịẹarị tẹ ọkụrụkụrụ nyana-a apụ. Ini ịna asụ ọgọnọ sime tẹ ḅoarị tẹ anị fiearị ḅara Abajị ḍụrụkụarị ḅara kịkarị. Ịn tẹlẹma wararị Babịlonịya na ọmụgbin.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Izikẹlị 23:24

Ini owu kẹ ị́ paka ḅa ọgọnọ-jụ da pakịrị anga mẹ ḅụ, opu ọmụ-ogbo kẹ ḅo ḅụ, na kirimẹnjị-ọmụarụ amẹẹ na ye dogi kirimẹnjị-arụ amẹẹ na sọ. Ịn ḅụụ-ḍụa ḅụ ekpeke na okpoko-asun na nyana wararị, ini í ikelema-koro ḅa. Àrị ị́ saḅama ịn pịrị ḅa tẹ ini ịna oloko ma ḍiki tẹ ị́ kọn ḅa.

Nahọmụ 2:4

Kirimẹnjị-ọmụarụ ma owima opu etela ma ḅụ dọkụm, ịna ama-ogbo ma ḅụ dọkụ iwo-na-ideri-nam, in pọnjị atọnjọ kọrị ḅara kọrịm, so-alagba ye tẹịn tẹ gbarị-a ḅara ịna aḅara nwẹn kẹ ye dam.

Nahọmụ 2:8

Ninive sime-ḅara anie gbala ḍaḅa, tẹ anị ḅio ḅẹ minji puu paka tẹ ye sime-ḅara. “Daasịẹ! Daasịẹ!” Ịn nwẹn olokum; kụma gbọrụḅọ-sọ tọrụ-pịkị ọḅụ ḍiki-a.

Mịẹfinji 9:9

Ọmụ gbin ikulele ekpe gbaịnye kịkaye ịna ekpe gbaịn wararị; tẹ in fiin-arị tẹ ịna apamba fie ḅara gbala, tọnwa kirimẹnjị-ọmụarụ tẹ asụ fọnọ mẹnjị ọmụ gbin ḅẹ muarị aị fie ḅara.

Ḅẹrẹkọn-apụ 5:22

Anịtẹso asụ ma ịna aḅụọ ḅẹ okuro ma kẹ ḍosi-ḍosi kiri mẹ tẹịn-tẹịn fiema ma-ḅom.