Jerimaya 47:2 - FỊAFỊA BAỊBỤLỤ

² Ori mẹẹ, “Ḍikii! Minji mẹ sun-sun gelearị mẹ ọgọnọ-jụ ẹgẹnẹ-minji kịka tẹ tọrụ ḅara kẹ owi ma ḅo ḅa. Anị ama kiri mẹ gbaịn ḅa anga-anga ḅụ na anị ḅụ sime ye na, opu ama ma na arị aḅio angarị apụ na. Kịnị ḅarasụa gotẹ oloku pakama ḅa, tomikiri emi ḅọ goḅọ-goḅọ tẹmẹ akụ ḅara kẹ owu ḅa.

Jerimaya 47:2 Iomraidhean Croise

Devidi-Anume 24:1

Tomikiri mẹ na anị ḅio sime aị mamgba na sime KỊNỊNYANAḄỌ ḅe pịrịm; kiri mẹ na anị ọgọnọ angarị aị mamgba na ò nye.

Devidi-Anume 50:12

“Ḅuru ị̀ tarịm ḅẹ kụma à ḍuko ọ́ pịrị ḅịa, tomikiri mẹ na anị ḅio simearị ye goyegoye na ì nye ẹrẹsị.

Devidi-Anume 96:11

Ọmịnị kiri na So-tọrụ na, ó ḅioḅẹlẹẹ! Abajị ḍụrụkụụ, tẹmẹ tẹ í ḅio sime ye goyegoye sọ ḍụrụkụ.

Devidi-Anume 98:7

Ị́yẹrị abajị, na tẹmẹ tẹ í ḅio simearị ye goyegoye na, ọ́ ḍụrụkụ; Ị́yẹrị kiri, na í ọgọnọ angarị aị mamgba na ó nume-suu!

Ayịzaya 14:31

Ọmịnị Filisiteniapụ opu ama mamgba, ọ́ ḅarasụa gotẹ oloku-oloku owu! Ọ́ tẹmẹ-naịn-naịn, ọmịnị-mgba! Tomikiri mẹ ḅẹ ọgọnọ-jụ ḅụ fọọn oḅuto ḅoarị — anie ọmụ-ogbo, ịna ḅụ tẹmẹ lọkọarị ḅọ ofori.

Ayịzaya 15:8

Mohabụ ikelema kuroma mamgba ḅụ owu pọkọ fiearị. Igilahịmu na Biya-elimu ḅụ sọ anị fiearị.

Ayịzaya 22:1

Mie Ịkịan Ẹrị Tụndụ-suku mẹ gboloma oku mẹẹ. Tiye ẹrẹsị ama mẹ ḅo atomi mamgba warị isun-isun ḅụ sime tẹ tii-arị?

Ayịzaya 28:17

Tomḅọ la kiri kẹ mḅọ pịrị anie kiri tọn ḍiki sọ suku-saakị mẹ pịrị ḅarịye, tẹ kịnị mingirima-a nwẹnị akaka mẹ pengearị ḅoto tọn ḍiki sọ ḅa.” Eene mgbọlị erise ḅo ọ́ ḅụụ ḅụ sịrẹrẹarị iruo aị mamgba fọnọ so ḅa, tẹ opu minji nwẹnị ọ́ ḍụa ḅọrọma ḅẹ tẹ ọ́ kẹ ḅiokpọmarị ye mẹ guluguluma ḅa.

Ayịzaya 59:19

Ịrụa mẹ saakịarị yọ ḅụ ọkị mu anị tuuideriarị yọ la, ḅẹḅọ-ḅẹḅọ ò ḍiki ḅalafaa ḅa, pịkị ori opu kụrọ sọ. Ò ḅo ḅarị ḅara owi minji na kụrọ fẹrụ na kịka ḅa.

Jerimaya 1:14

Ọ̀ nwẹnị ị̀ ḅẹẹ, “Ḅaa-guluguluma ọgọnọ-jụ daarị yọ ḅụ waa-sara ideri-ḅo mị amakiri mẹ ḅio angarị apụ mamgba ọgọnọ sara ḅa,

Jerimaya 46:12

Sịẹ-sịẹ ma ọmịna ḅụụ-jịrị gboloma ye naa tẹ ḅẹḅọ-ḅẹḅọ ọmịnị owuarị ye naa tẹ. Gbọrụ ọmụḅọ osi-ḅọ ḅụọ tala tẹ, tẹ ini maa apụ ḅịkị kiri koro tẹ.

Jerimaya 46:13

Ama-da Nebukadineza, Babịlonịya ḅẹ amadaḅọ ḅe, owu kẹ Ijiputi paka ḅẹ ḅo sakị, KỊNỊNYANAḄỌ ḅe ẹkwẹn ị̀ pịrịm. Ori mẹẹ:

Jerimaya 46:20

Ijiputi kịkarị ye anie tim-timtẹ nambulo, ọgọnọ-jụ ḅụ ḅo mgbele tẹịn ye ọkụ.

Jerimaya 46:24

Ini Ijiputi-ḅẹ-apụ ma kẹ ḅụụ-jịrị ḅio suutẹ ọgọnọ-jụ ḅo apụ ma ịn nẹngịma tẹẹ ọmụ kiri ḅụ. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 48:39

Mohabụ kọsị-sara tẹẹ! Owu pakamaa! Mohabụ tọrụ-tuu tẹẹ. Anị sii gulugulutẹ tẹẹ, tẹ anị ikelema-koro wararị asịẹ mamgba anị komboarị. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Danẹlị 11:22

Ori na tụḅụrụḅọ tụḅụrụḅọ, anị ḅọrọ Tamụnọ Sịḅịda-Agbamịẹḅọ ḅe sọ, ori mḅọ kpọrọrọ anga pịrị tẹ mḅọ fama ḅa.

Nahọmụ 1:8

Kụma seri ḅo ye-yọ mẹmgba gbaịn-arị opu minji, mie ọ̀ kẹ ori na fịya-a apụ ma gbọrsịḅị ini ọfịn sin ḅarịye: anịsakị ori ori na fịya-a apụ ma ḍuka kanakana ḅio suu ḅa.

1 Kọrịntị 10:26

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tomikiri mẹ na anị ḅio sime ye goyegoye na sime KỊNỊNYANAḄỌ ḅe pịrịm.”

1 Kọrịntị 10:28

Kụma kịnị ḅo ị́ ḅẹẹ mịnẹ, “Mị fịye mẹ ịn kẹ oru karịma tẹ fịye”, ḅẹẹ, ḅẹẹ, anị fịye mẹ fị ma, ye mẹ ḍuko ḅọ ḅe sịḅị ẹrẹsị, pịkị tẹmẹ ḅioḅẹngbọ gotẹ;

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!

Mịẹfinji 17:1

Anịtẹso sọnọma enjẹlị ma, tẹ sọnọma abọlị ma nyana apụ ma ḅẹ gbọrụḅọ, ị̀ dama-ḅo tẹ ḅẹẹm, “Ḅoo, anịsakị à Tamụnọ wẹrịtẹ fomu-ḅara kẹ anị eresoarị ama-mẹnjị-ẹrẹḅọ ma, tẹ tọnwa atọrụ gbori wararị opu ama mẹ pịrị ḅarị ḅara kẹ í ḍie.

Mịẹfinji 17:15

Enjẹlị ḅe pịkị ị̀ ḅẹẹm, “Minji ma tẹ ị̀ ẹrị aị ma, tẹ ama-mẹnjị-ẹrẹḅọ ma lẹgị wararị anga ma anie sịẹ, sịẹ ma na, tomi ma na, kịrị-kịrị atomi ma na, ama-ḅịḅị, ḅịḅị ma na.