Jerimaya 46:8 - FỊAFỊA BAỊBỤLỤ

⁸ Anie Ijiputi, Nayịlị tọrụ kịka tẹ sun-arị, tọrụ tẹ sun amịna akaka gbaịn-arị ye kịkarị. Ijiputi ḅẹẹm: À sun gele tẹ bebe tomikiri mẹ gbaịn ḅa; àrị opu ama ma na anị ḅio anga apụ ma na guluguluma ḅa.

Jerimaya 46:8 Iomraidhean Croise

Izikẹlị 29:3

Ḅẹẹ mịnẹ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko Ijiputi ḅẹ amadaḅọ ḅe pịrịarị ye: ‘yẹrị anie ị́nịna fịya-a ḅọ, ị́yẹrị mamataḅaye opu awakịḅa ḅe, tẹ tọrụ mẹ ḅio ḅọlọlọ simearị ḅọ. Ị́ ḅẹẹarị ị́yẹrị Nayịlị tọrụ mẹ nyanam, tẹ anị tẹmẹm.

Izikẹlị 32:2

Ori mẹẹ, “Fịị-fịị tomḅọ, sịḅị-oḅokuma ḅara kẹ Ijiputi ḅẹ amadaḅọ ḅe ḅeri nụnụ. Mie ị̀ ḅara ḅo oku mẹ da-saḅama ọ̀ pịrịị: Sịẹ-sịẹ ma ogboku ḅụ í ye mịẹarị ḅara ọkụkụ ọkụ, kụma ị́ kịka anị ḅara nẹngị ye isiḅiri, tẹ minji fomu-ma tọrụ okin saḅarị ye. Ị́ ị́ aḅụọ kẹ lịka wọlọgị tẹ tọrụ mẹ ḅẹ minji mẹ simarị.

Danẹlị 11:10

Siriya ḅẹ amadaḅọ ḅe owiapụ-awọmẹ ḅụụ-tẹlẹma ọmụ pịrị tẹ gbọrụ opu ọmụ-ogbo kobiri ḅa. Ini ḅẹ gberie seri-minji owi sọ ḅara kẹ mu owu kẹ ini na fịya-a apụ kụrọnị-yọ paka ḅa.

Emọsị 8:8

Anịtẹso kiri mẹ jike ḅa, tẹ amakiri mẹ ḅụ sime-ḅọ sime-ḅọ ḅụụ-ḅalaḅala ḅa. Bebe amakiri mẹ jike ḅa; anị saakị gele tẹ ḅịkị ḅa Nayịlị Tọrụ mẹ mịẹ ḅara.