Jerimaya 46:5 - FỊAFỊA BAỊBỤLỤ

⁵ “Kụma à tiye ẹrịarị?” KỊNỊNYANAḄỌ ḅe gbelarị. “Ịn tẹmẹ-naịn-naịn ḅụ pịkị ọḅụ daarị. Ịna ọmụapụ ma ini in dee-pịkị tẹẹ; ḅalafa ịn gbaịn tẹ ini ine-ḅara ine-ḅara kẹ fọnya mangịarị tẹ ọḅụ ḍiki-a.

Jerimaya 46:5 Iomraidhean Croise

Suku-saakị 19:17

Ini ịn pakama-ḅo tẹso, gbọrụḅọ nwẹnị ḅẹẹ, “Ọmịnị ọmịna ḍumo-mangị kọn; ọ́ tọrụ pịkị ọḅụ ḍikima, anịanịa tụndụ ogboku mẹ ḅụ gbọrụ anga daasịẹ; ó ḍumo-mangị kọn tụndụ ma da-muu, anieofori ó ḅofa dọkị faa.”

Ayịzaya 13:8

Inimgba tẹmẹ-naịn-naịn tẹ akụye ịn nẹngịma ḅa, iyiarị ẹrẹḅọ da-da akụye kịkaye. Ịn jụmọ-jụmọ tọrụ ḅio ḍiki ḅa, ḅalafa ḅụ, tẹ ịna atọrụ ḅịya ḅa ḅụụ-jịrị ḅụ.

Ayịzaya 19:16

Gbọrụ ene ḅụ, Ijiputi-ḅẹ-apụ ma ereme ịnyọ ofori ḅalafa kọn-kọn ḅara kẹ ḅalafaa ḅa. Ịna oju sẹkị ḅa opu tẹmẹ-naịn-naịn ḅụ, anie ịn KỊNỊNYANAḄỌ ḅe sụn-pakama tẹ kẹ in fomu ḅẹ ḅara mẹ ẹrị sakị.

Ayịzaya 42:17

Inimgba tẹ oru-afụḅara kẹ ḅiokpọmarị apụ, mḅudu ma kẹ amịna atamụnọ sịn-arị apụ, iderima tẹ tọrụ-tuu ḅa.”

Ayịzaya 5:25

KỊNỊNYANAḄỌ ḅe ịganị ori atomi pịrịarị tẹ ọ̀ ḅara sụn pakama tẹ, kẹ in fomu, tụndụ ma jike ḅa, tẹ ḍụẹịn-ḍụẹịn-ḍụẹịn etela ma ḅụ sara-sime ḅa, fun sara ḅara. Anị nwẹnị ọkọ mịẹ tẹso, KỊNỊNYANAḄỌ ḅe ịganị kuno ḅịa, kụma ọ̀ ḅara paa sụn paka ḅa, kẹ in fomu.

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 46:15

Tiye ẹrẹsị ọmịna opu kụrọ tamụnọ Apisi ḅe ḅịkị? KỊNỊNYANAḄỌ ḅe ò fomu kiri gbinm!

Jerimaya 46:21

Árị ọkọ ḅo ọmụapụ kịngẹ sọ kala anambulo kịka tẹ ḅarasụa nyana á pịrị-a. Ịn sịẹsime tẹ owu-sọ-a; inimgba pịkị tẹ mangịm. Ịna si-so ene ḅo ịn lam, ini ịn ḅaa-guluguluma ḅẹ sakị mẹ.

Jerimaya 49:29

Kụrọ ḅara kẹ ịna akpụrụ-awarị ma ọkịị, pịkị ịna anama ogbo-ogbo ma sọ, ịna akpụrụ-warị kiki-pẹlẹ-aḅịtẹ ma na akpụrụ-awarị ma ḅio sime ye goyegoye na. Ịna ike-sụa-anama ma ọkị tẹ ḍuko tomi ma pịrị, ‘Tẹmẹ-naịn-naịnma ye ọmịnị ikelema-koro wararị-o!’

Jerimaya 49:5

Pakịrị-pakịrị ḅụ à tẹmẹ-naịn-naịnmaye ọkị-ḅo ọmịna ọgọnọ gbana ḅa. Ọmịnị-mgba mangị-so ḅa. Ọrụḅọ-ọrụḅọ amịna ḍumo-mangị kọn ḅa, tẹ ọmịna ọmụapụ ma kobiri kpoo ḅụ wẹrị ḅẹ gbọrụḅọ-sọ ḅarị paka ḅịa.

Jerimaya 6:25

Paka piri ọgọnọ mu kịngẹ sọ wa ḅarị ḅiokpọmatẹ paka mu-a, kịnị-na-fịya-a apụ ma owuna-aị ọlọ tẹ wa ikelema-koro wararị ye mẹ ḅẹ tẹmẹ-naịn-naịn gotẹ.”

Izikẹlị 32:10

À kẹ ị́ mịẹarị ye mẹ tọnwa asịẹ ḅụụ-gbiripuma ḅa. Àrị ì okologie kẹ ikelema-koro sakị amadapụ aḅụụ naa ḅa ḅalafa ḅụ. Ị́ ḅịkị ḅẹ eneḅaka mẹ ḅụ inimgba oju sẹkị ḅa ịna aḍumo gotẹ ḅalafa ḅụ.”

Izikẹlị 39:18

Ini ọmụapụ oju ma pẹị tẹ pịkị tomikiri ḅẹ ḅẹrẹtọn-apụ ọmbie ḅuu ḅa, inimgba ịn kẹ ịn ḅaa ḅarị ḅara gbala ejimina amẹẹ na anana amẹẹ na, anịanịa oḅori amẹẹ na, anịanịa tim-timtẹ anambulo ḅaa ḅara.

Nahọmụ 2:8

Ninive sime-ḅara anie gbala ḍaḅa, tẹ anị ḅio ḅẹ minji puu paka tẹ ye sime-ḅara. “Daasịẹ! Daasịẹ!” Ịn nwẹn olokum; kụma gbọrụḅọ-sọ tọrụ-pịkị ọḅụ ḍiki-a.

Nahọmụ 2:9

Kụrọ-ḅara kẹ seleḅa mẹ fọịịn, kụrọ-ḅara kẹ golu mẹ fọịịn! Ngọ-warị faa kụnụnụ paka ḅịa, anịanịa ḅụụ ḅụ yela ngọ goyegoye faa fama!

Zẹfanaya 1:14

KỊNỊNYANAḄỌ ḅe opu ene mẹ ḅo kpeki tẹẹ; kpeki lama tẹẹ, anị fọnya ḅoarị! Anị akụ ene sọ ḅa, kẹ gotẹ ọkọ ḍukoarị, ḅiokpọ tẹịn ọmụḅọ ḅe sọ ḅioḅẹngbọ ḅịkị ḅụ oloku pakama ḅa!