Jerimaya 46:4 - FỊAFỊA BAỊBỤLỤ

⁴ Ọmịnị ọmịna asụ ma tẹlẹma tẹ arị kpọlịị! Ọmịnị ọgbụrụ-sụn tẹ ọmịna okpoko-asun suree! Ọmịna aḅẹkẹrẹ farị oḅumaa! Ọmịna owuna-aị ọkị ḅirii!

Jerimaya 46:4 Iomraidhean Croise

2 Paka-aị 26:14

Uzaya ekpeke na, sụḅa na, ikulele okpoko-sun na, ikulele ọmụgbin-akapa na, iboli na, ḍiki ḅụ fangala tẹ kẹ ye gbin aḍụḅarị na kẹ ọmụ-ogbo mẹmgba pịrị famam.

Nehimaya 4:16

Anị ene mẹ ḅụ ọkị tọrọkọ mu, ị̀ afịrịmẹnjịapụ kẹ maa anga ḍiya ḅẹ gbọrụ pakịrị mu kọrịnama kọrịm, tẹ pakịrị sụḅa na, ekpeke na, iboli na ọlọtẹ ọmụgbin ikulele akapa sụam; tẹ tọrọkọ-tarịapụ ma nwẹnị Juda warị mẹmgba,

Ayịzaya 8:9

Ḅalafa ḅụ ó kobirii, ọmịnị sịẹ-sịẹ! Tomikiri ḅẹ ala-jụ ḅụ sime apụ, ó pokii. Ọ́ tẹlẹma tẹ owu-sọọ, kụma ọ́ ḅalafaa! Inn, ọ́ tẹlẹmaa, kụma ọ́ ḅalafaa.

Jerimaya 46:14

Ijiputi ḅẹ ama ma ḅio ḍuko wasama, Migidọlị na, Mẹmụfịsị na, Tafanisi na ḅụ, ọ́ tẹlẹma tẹ ọmịna aḅụụ ḍụa; ọmịnị-mgba ọmụ ḅio ini ọ́ ḅaa-guluguluma ḅa!

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:3

Sakị kẹ ịna ọmụapụ ma pịrị tẹ ini ịna iboli ma tẹịn anịanịa owuna-aị ḅiri asawọ amẹẹ ma wẹrịso ma! Bebe ọmụ-ogbo mẹ ḅaa siin!

Izikẹlị 21:28

Fịị-fịị tomḅọ, ịkịan koroo. Ḍuko wasamaa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko Amọnị ḅẹ apụ ma pịrịarị ye mẹ, anie Izirẹlị mịẹ-simarị apụ ma. Ịn ḅẹẹ: okologie tẹlẹma sime wararị, kẹ ḅaa guluguluma; anị sịkịrị-vịọị wararị kẹ kịnị ḅaa, So-tọrụ ḅalapụ ḅọrọ ḅara kẹ wanamụarị.

Jowẹlị 3:9

“Miemẹ ḍuko wasamaa, sịẹ-sịẹ ma ogboku: ‘Ọ́ ḅụụ tẹlẹma ọmụ pịrịị! Ọmụapụ sịn ḅoo! Ị́ ọmụgbin-apụ kobiri tẹ ịn mẹnjị paka!

1 Samụẹlị 17:38

Anịtẹso Sọlụ nwẹnị ori owu-ḅiri-aị kẹ Devidi ḅirima; ori ojo-ikulele okpoko-sun kẹ ọ̀ sịḅị surem, tẹ gbọrụ ikulele ọmụgbin kapa kẹ ọ̀ sụam.

1 Samụẹlị 17:5

Ori ojo-ikulele kẹ mịẹ okpoko-sun kẹ ọ̀ sịḅị surem, tẹ ikulele kẹ mịẹ ọmụ-kapa sụam; kapa mẹ ḅẹ iku anie ojo apakịrị ḅẹ pakịrị oyi maa ẹndẹ finji na pakịrị oyia asi na iku (5,000) ḅara.