Jerimaya 46:2 - FỊAFỊA BAỊBỤLỤ

² Ijiputi ḅụ saakị. Mie ò ḍuko ị̀ pịrị ye Ijiputi ḅẹ Amadaḅọ Neko ọmụ-ogbo gboloma ye ḅụ, anie Babịlonịya ḅẹ Ama-da Nebukadineza tọrọkọ owu-ḅara-sii ye mẹ, Kakẹmisi ḅụ, Yuferetisi Tọrụ kpeki ye mẹ, Jehohakịmụ ḅo Juda da tẹ ini karama kụra mẹ ḅụ:

Jerimaya 46:2 Iomraidhean Croise

2 Amadapụ 18:21

Ḍikii, mịọkụ Ijiputi ḅụ mie ị́ sịrẹrẹ wararị ye, anị kpọ-a sịn mkpara tẹ anyị tẹ anị kẹ ḅụụ daa ḅọ daa ḅọ ḅara temi ḅarịye mẹ. Anị ḅara mie Fero Ijiputi ḅẹ amadaḅọ ḅe kẹ ọ̀ ḅụụ ḅụ sịrẹrẹ apụ mamgba na sime-ḅara.’ ”

2 Amadapụ 23:29

Ori ama-daarị eneḅaka ḅụ Ijiputi ḅẹ amadaḅọ Fero Neko Asiriya ḅẹ amadaḅọ na owu sọ ḅẹ Yuferetisi tọrụ mu tẹso, Amadaḅọ Josaya nwẹnị ọ̀ dasịẹma ḅẹ mu; Fero Neko ori ẹrị tẹso, ọ̀ nwẹnị ọ̀ ḅaa Mẹgido ḅụ.

2 Amadapụ 23:33

Fero Neko nwẹnị ọ̀ kẹ ikoli ḅio su Ribula ḅụ Hamatị ama ḅio, mịẹtẹ ọ̀ ḅarị inetẹ Jeruselemu ḅụ ama-da ḅịa ḅara, tẹ nwẹnị ama-oso-igbigi seleḅa tẹra puku fa puku amesi na pakịrị oyia ẹndẹ na (300,000), golu kpo sọnọma ẹndẹ oyia asi finji (3,000) kẹ ama ọgọnọ gbana.

2 Amadapụ 24:7

Ijiputi ḅẹ amadaḅọ ḅarị jen kẹ ori ama ḅio mẹnjị paka-ḅo-a, gbala Babịlọnị ḅẹ amadaḅọ sime ọ̀ pịrị anga mamgba Ijiputi ḅẹ Kuroro mẹ ḅụ ọkị mu Yuferetisi tọrụ mẹ la ọkị fama tẹ.

Ayịzaya 10:9

Yẹrị Kalino na Kakẹmisi na opu ama ma ọkịm ọmụ ḅụ, pịkị Hamatị na Apadi na opu ama ma sọ. À Sameriya na Damasịkọsị na sọ nẹngịmam.

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Ayịzaya 19:19

Anị ene mẹ ḅụ, Ijiputi amakiri mẹ ḅụ ini agbamịẹ-anga nama KỊNỊNYANAḄỌ ḅe pịrị ḅa, tẹ ḍụḅarị ḅeriye nama sịẹma tẹ kẹ ori ẹrẹ go ḅa Ijiputi na jen-apụ na oke ḅụ.

Jerimaya 25:1

Jehohakịmụ Josaya tụḅọ ḅe Juda da tẹ ini akụra karama kụra mẹ ḅụ, à KỊNỊNYANAḄỌ ḅe ḅara ḅo oku nyanam, anie Juda ḅẹ apụ mamgba gboloma ye. (Miemẹ anie Nebukadineza Babịlonịya da tẹ tarị kụra mẹ ḅụ)

Jerimaya 25:19

Fero, Ijiputi ḅẹ amadaḅọ, ò ḍikiḍikiarị apụ na opu fịrịmẹnjịapụ na ori atomi mamgba na,

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 36:1

Jehohakịmụ, Josaya tụḅọ ḅe juda da tẹ ini karama kụra mẹ ḅụ, KỊNỊNYANAḄỌ ḅe ị̀ ḅẹẹm,

Jerimaya 43:11

Nebukadineza ḅo tẹ Ijiputi nẹngịma ḅa. Obi ḅụ fịị si-so sime pịrị apụ fịị ḅa, ikoliapụ ḅara kẹ kun-so si-so nyana apụ ini ikoliapụ ḅara kẹ in kun-so ḅa, tẹ ọmụ ḅio ịn ḅaa ḅẹ si-so nyana apụ ọmụ ḅio ini ịn ḅaa ḅa.

Jerimaya 45:1

Jehohakịmụ, Josaya owiḅọtụḅọ ḅe Juda da tẹ ini karama kụra mẹ ḅụ, Baruku à ḍuko ọ̀ pịrị ye kẹẹ koromam. Anịtẹso à ḍuko ọ̀ pịrịm,

Jerimaya 46:14

Ijiputi ḅẹ ama ma ḅio ḍuko wasama, Migidọlị na, Mẹmụfịsị na, Tafanisi na ḅụ, ọ́ tẹlẹma tẹ ọmịna aḅụụ ḍụa; ọmịnị-mgba ọmụ ḅio ini ọ́ ḅaa-guluguluma ḅa!