Jerimaya 45:5 - FỊAFỊA BAỊBỤLỤ

⁵ Í ḅiiarị in sikima ị́ na mị? Ọkọ mịẹ ma. Arị opu ḅụụ-fụka ọkị-ḅo tomḅọ nwẹn sịnḅọ-sịnḅọ pịrịarị, kụma anị sime-ḅara sime-ḅara sọ, kunoma í í ḍumo kẹ pụkọ-so ḅa í mu yọ mu yọ sọ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 45:5 Iomraidhean Croise

Suku-saakị 6:12

Tẹ Tamụnọ nwẹnị tomikiri mẹ ẹrị, anịsakị ḍikii, anị ḅụ ọkị-ọkị ye ofori, gbala tomi mamgba ịna etela mịẹ sima fama tẹ tomikiri mẹ ḅụ.

1 Amadapụ 3:11

anịẹrẹsị ọ̀ nwẹnị ọ̀ ḅẹẹ, “Ị́ nangwọ ḍumo ḅii ị́ ḅụụ pịrị, anịanịa ngọ, anịanịa ị́nịna fịya-a apụ ma fịị ḅii ḅẹ nakara, ị́ kẹ karakara-ḅara-ḅụ ḅẹrẹtọn ḅarị nimi ḅii ye mẹ ẹrẹsị,

1 Amadapụ 3:9

Anịẹrẹsị à ḅiiarị à kẹ karakara ḅụ ḅẹrẹtọn kẹ ị́ atomi ma pịrị tẹ pịkị kẹ iḅi na si na, kịrị lekiri ḅarị nimi kẹ ị̀ pịrịị. Anieofori à tọ-ḅara kẹ inetẹ ḅẹrẹtọn kẹ mie í gburo-gburotẹ atomi ma pịrị ḅẹ?”

2 Amadapụ 5:26

Kụma Ịlayịsa nwẹnị ọ̀ ḅẹẹ, “Tẹmẹ ḅụụ arị ị́nịna mum, tomḅọ ḅe ò kirimẹnjị-ọmụarụ mẹ ḅụụ pịkịtẹ ḅo ị́nịna bịama sakị. Mie ḅọrọ igbigi na, opu akapa na, olivu ḍụọ na, girepu-ḍụọ na, anana na pootẹ-anambulo na owiapụ afịrịmẹnjịapụ na eremịna afịrịmẹnjịapụ na ọkị sakị?

Devidi-Anume 131:1

KỊNỊNYANAḄỌ, ì opu amịẹaị ḅụ à ḅara-siin tẹ, à pịkị ọḅụ pịkị opu ẹkwẹn kọn gbin tẹẹ. Opu gboloma amịẹaị à ḅarị arị na mịẹ ye nyana-a, anịanịa kpọma ḅụụ-fụkama ḍuko-aị tẹ ị̀ nẹngịma ḅaka aị.

Ayịzaya 66:16

Fịnị na okologie na mie ọ̀ kẹ fomu-ḅara kẹ tomikiri ḅẹ atomi mamgba pịrị ḅarịye, anie ọ̀ ḅẹrẹ-ḅarasii ḅara kẹ ịn ḍọkị-ẹrị sakị — tẹ ịn tọnwa-apụ ḅaa ḅa.

Jerimaya 21:9

Opu ama mẹ ḅio sime-ḅọ sime-ḅọ, mḅọ ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ. Ḅẹḅọ-ḅẹḅọ tẹ paka mu ḅara sakị Babịlonịya ḅẹ apụ ma tẹ owu kẹ opu ama mẹ pakarị apụ ma pịrị-ḅọ pịrị-ḅọ, ini mḅọ ḅaa ḅịa, jen-a jen-a sọ mḅọ amịna ḍumo mẹ pụkọ-paka-so ḅa.

Jerimaya 25:15

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Mie iru mọngị, ị̀ ịganị anị ḅio ḅin wararị. Anị ọkị tẹ kẹ arị ị́ kẹ fịrịmarị asịẹ mamgba muu, tẹ ịn mịẹ tẹ ini anị ḅio ḅuu.

Jerimaya 25:16

Ini anị ḅio ḅuu sakị, in pụmbụma-pụmbụma tẹ ịna akuroma ḅarị tụkụ ḅịa, à kẹ ịn fịrịmarị ọmụ mẹ ẹrẹsị.”

Jerimaya 25:26

pịkị tomikiri mẹ ḅẹ ọgọnọ-jụ ḅẹ amadapụ mamgba, kpeki anga na sụma-jụ na simearị amadapụ mamgba, ọrụḅọ-ọrụḅọ tomikiri ḅụ amadapụ daarị ayọ mamgba. Inimgba ḅọrọ tẹso, Sisakị ḅe amadaḅọ sọ anị ḅuu ḅa.

Jerimaya 25:31

Tẹ pọkọ mẹ fie ma mu tomikiri ḅẹ ịkọlị ma la ḅa. KỊNỊNYANAḄỌ ḅe sịẹ-sịẹ ma na ḅẹrẹ nyana wararị. Ọ̀ kịnị mamgba kẹ ḅẹrẹkọn ḅo ḅa tẹ si-sịḅịḅio-sụapụ ma ḅaa ḅa KỊNỊNYANAḄỌ ḅe ọkọ ḅẹẹm.

Jerimaya 38:2

KỊNỊNYANAḄỌ ḅe ḅẹẹ tẹẹ, “Mị opu ama mẹ ḅio sime-ḅọ sime-ḅọ fịị ḅa ọmụ ḅio, anịanịa ḅuru-ḅa ḅụ, anịanịa obi ḅụ, Kụma mẹnjị paka mu tẹ amịna ḅụụ sịkị Babịlonịya ḅẹ apụ ma pịrị-ḅọ pịrị-ḅọ ini mḅọ ḅaa ḅịa, ḅarị jen-a sọ mḅọ amịna ḍumo mẹ kịngẹ kẹ paka-ḅo ḅa.”

Jerimaya 39:18

Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Zẹfanaya 3:8

KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Romu 12:16

Ọ́ gbọrụ ḅara kẹ ḅẹḅọ-ḅẹḅọ balaa. Ọmịnị opu amịẹaị mịẹ ma, kụma ọ́ ḅụụ lẹgịma tẹ kọrịnama kọrịị. Ọ́ ḅụụ kẹ ye-nimi ḅara ọkị ma.

Hiburu 13:5

Ọmịnị ọmịna aḍumo wẹrị ḅelema igbigi ḅẹlẹma ḅụ, tẹ ọ́ nyana ye ọmịnị na iḅi. Kẹ gotẹ ọkọ ḍukoarị, Tamụnọ ḅẹẹ tẹ, “Gbala-gbala àrị ị́ sịkị ḅịa; gbala-gbala àrị ị́ kẹ gbin koroma tẹ so ḅịa.”