Jerimaya 45:3 - FỊAFỊA BAỊBỤLỤ

³ ị́ ḅẹẹarị, ‘À ḅara-siin-arị! KỊNỊNYANAḄỌ ḅe kururu kẹ ị̀ ḅụụ-fụka ma ḅụ sụa tẹẹ. Iningi ị̀ ḅaa tẹ, tẹ àrị inetẹ gbọrụ ịnyọsara sọ ḍọkị-ẹrịa!’

Jerimaya 45:3 Iomraidhean Croise

Jobu 23:2

“Mịmgbaa sọ ì ḍuko-sụaye mẹ akụarị mịẹ tẹ ì iningi mẹ ḅụ sọ ọ̀ ḅara iku wararị

Devidi-Anume 120:5

Ọmịnị ogboku sime tẹ anga mẹ, si Mẹsẹkị ḅio anga na gbasịm, anịanịa Keda ḅẹ apụ ogboku anga.

Devidi-Anume 27:13

À nimi wararị à ḍumo sime tẹ KỊNỊNYANAḄỌ ḅe iḅi mẹ ẹrị ḅa: mịẹ ḍumo sakị mẹ ḅụ.

Devidi-Anume 42:7

mu owolo mẹ suku-ḅio la tẹ tọrụ mẹ wọlọgịarị, pẹlẹ-pẹlẹ sararị minji ma ḍụrụkụarị ḅara mẹ ḅụ ị́ ọnụngọ ma ḍarị-ḍarị ḅo ị̀ gbaịn-arị.

Devidi-Anume 6:6

Ḅioḅẹngbọ-sii ị̀ ḅaa tẹẹ; ḍin goyegoye à kọn-arị owu ì iḅila taụmarị: owu minji ị̀ sịḅị-sakịye pisima fama tẹ.

Devidi-Anume 6:7

À ḅarị inetẹ iḅiọkụ ye ẹrị-a: ị̀ atọrụngbọ ma foin fama tẹ si kẹ ị̀ tọn apụ dogi-ḅo ị̀ pịrị owu gotẹ.

Devidi-Anume 69:3

À ḅarasụa sịn nwenii ịnyọ ị̀ ḅụụ fa tẹẹ, tẹ ị̀ pọkọ ḅẹ ololo sọ fụkarị, à tọrụ saakị tẹ kẹ ị́ ḅarasụa ḅoarị ḅoto ḍiki nwenii ị̀ atọrụngbọ fụka tẹ.

Egberima-Ẹkwẹn 24:10

Ye ḅo tọrụ ḅalaḅalama ḅara sime tẹso ị́ ḅụụ-lọkọarị ḅẹḅẹ, karakarama tẹ ị́ ḅụụ ịnyọ ofori.

Jerimaya 45:2

mịnẹ KỊNỊNYANAḄỌ Izirẹlịapụ tẹkẹarị Tamụnọ ḅe ḅẹẹ tẹẹ, “Baruku,

Jerimaya 8:18

Ì kururuu, inetẹ gwọ ḅịa; Ḅioḅẹngbọ ḅụ àrị obiarị.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Kururu Owu-apọkọ 1:13

Gele yọ ḅụ ọ̀ fịnị kẹ fịrịmam ị̀ mgbe ḅio ori anị iderima-ḅo suum; ori ịgbọ sụa ị̀ aḅụọ ma pịrịm, ori ị̀ pịkịma-ḅom, tọrụ furu tẹ ḅarị mịẹ nimi-a ḅara ḅụ ori ì kuroma-som, bebe ene mẹmgba ḅụ.

Kururu Owu-apọkọ 1:22

Yee ịna si amịẹaị mamgba ḅo ị́ tọrọkọ la, tẹ ị́ ị̀ na mịẹ tẹ ḅara mẹ kẹ ini na mịẹẹ, gbala ị̀ amịẹ-irima mamgba gotẹ ị̀ iningi ma tọnwa aị sọm tẹ ì ḅioḅẹngbọ nwẹnị naịn-ḅọrọ.

Kururu Owu-apọkọ 3:32

Kụma, ò kururu pakama sọ, ọ̀ sịḅị-kụrụkụrụ nyana ḅa, ò jike-a ḅẹlẹma mẹ wẹrịtẹ ḍụḅa la ḅara ḅụ.

2 Kọrịntị 4:1

Tamụnọ ò ḍiki-ḅụụjịrị ḅụ mị kọrịnama mẹ kẹ wa pịrị kọrịarị ẹrẹsị, wamịna ḅioḅẹngbọ lọkọ-a.

2 Kọrịntị 4:16

Miemẹ ẹrẹsị, jene-jene wamịna ḅioḅẹngbọ amụ lọkọ-a. Karakaraye wamịna meni-oju mẹ lọkọ ma-muarị sọ, wamịna tẹmẹ ḍumo ḅụ wa ịwọ ịnyọ sụarị ene-ḅaaene-ḅaaene.

Galesiya 6:9

Mie ḅụ, ó yee wa ịnyọ pọkọ-ta-a ḅara kẹ iḅi mịẹ; kẹ gotẹ ọkọ ḍukoarị, wa ḅara-siin-a kụma, sakị ḅo tẹ wa anị ḅẹ ye soku ḅa.

2 Tẹsalonịka 3:13

Kụma, ọmịnị, mịnapụ, ọ́ ḍụkụ tẹ iḅi mịẹ ḅụ ịnyọ ọ́ ta ma.