Jerimaya 44:7 - FỊAFỊA BAỊBỤLỤ

⁷ “Tẹ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, gbelarị mịọkụ, tiye ẹrẹsị ọ́ mịẹ simetẹ siye kẹ ọmịna ḅụụ mịẹarị? Ó ḅiiarị ọ́ fịị gulugulu dogi-ḅo owiapụ na ereme na, awọmẹ na, ḍọkọḍọkọ-awọmẹ na ọgọnọ gbanarị mịẹ tẹ ọmịna ḅụ ḅẹ gbọrụḅọ sọ kirikọn ḅịa ḅara.

Jerimaya 44:7 Iomraidhean Croise

Egberima-Ẹkwẹn 1:18

kụma anị ḅara sime atomi ma tuuarị ḍiein mẹ in tuu ịna aḅụụ pịrịarị, ini koro tẹ fịị ḅarị ḍiein.

Egberima-Ẹkwẹn 15:32

Ị́ ye-ḍawọ ḍụkụ-a ḅẹḅẹ, í si kẹ ị́ ḅụụ mịẹarị. Ị́ daa-karakarama daa-ọkịarị ḅẹḅẹ, í nimi tarị ḅara nẹngị ḅa.

Egberima-Ẹkwẹn 5:22

Si-sịḅịḅio-sụa tomḅọ ḅe asi ma ọnya sọ wararị. Ò si ḅụ ḅẹ ịgbọ tolu mẹ ò kun sịẹmarị.

Egberima-Ẹkwẹn 8:36

Ị̀ ḍọkị ẹrị-a ḅọ mẹ, si kẹ amịna ḅụụ mịẹarị; ì ḍiki-ḅioḅuarị ḅọ goḅọ-goḅọ, fị ḅẹlẹmarị.”

Jerimaya 25:6

In ḍuko ọ́ pịrịm ó sunsin oru-atamụnọ ma pịrị ma, pịkị fịrị mẹnjị arị pịrị ma, tẹ ọ́ pịkị KỊNỊNYANAḄỌ ḅe ịganịma ma, sunsin oru-afụḅara tẹ ọmịnị tẹmẹ-aị piri ḅụ. Ọ́ KỊNỊNYANAḄỌ ḅe ḅịḅịpoki namịna, ọ̀ ḅarị fomu-ḅara kẹ ọ́ pịrị-a so tẹẹ.

Jerimaya 25:7

Kụma KỊNỊNYANAḄỌ ḅe ḅioju ḅẹẹarị mịnẹ ọ́ ḍụkụ tẹ ò poki-a. Anie nakara, ọmịnị ori ịganịma tẹ ọmịna oru-afụḅara ma ḅụ, tẹ mị fomu-ḅara mẹ dogi-ḅo ọmịna ọgọnọ gbanam.”

Jerimaya 26:19

Ama-da Hẹzịkaya na Juda ḅẹ apụ ma na ịn Mayịka ḅaa-a. Anie nakara Hẹzịkaya KỊNỊNYANAḄỌ ḅe mangịma tẹ ḅụụkụrọma tẹ mịẹ tẹ ò ḍiki-ḅụụjịrị nyana ọ̀ pịrịm. Tẹ KỊNỊNYANAḄỌ ḅe amịna kuroma ḍimam ọ̀ ḅẹẹm ori ọkị-ḅo ịna ọgọnọ gbana ḅa nwẹn ḅẹẹ opu ḅụụ-fụka mẹ gboloma ye ḅụ. Mịọkụ wa ḅalafama opu ḅụụ-fụka dogi-ḅo wamịna ọgọnọ gbana ḅẹ-yearị.

Jerimaya 3:24

Kụma wa sunsin Balị pịrịarị ye mẹ, anị ḅụụ-jịrịma tamụnọ ḅe, mịẹ tẹ wa anana na ja anama na ogbo-ogbo ma fama tẹ, owiapụ-awọmẹ na eremịna-awọmẹ na sọ, ye goyegoye tẹ wamịna elemu aḍapụ elemu sakị kụra ḅio kọrị pakama-ḅo aị ma.

Jerimaya 38:17

Anịtẹso à ḍuko Zẹdẹkaya pịrịm mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko tẹẹ, “Ị́ ḅara sakị Babịlonịya ḅẹ amadaḅọ ḅe ọmụ-alapụ ma pịrị ḅẹḅẹ, ini í ḍumo wẹrị kpaịnma ḅa, tẹ mị opu ama mẹ ḅarị dọkị ḅo kiri la ḅịa. Ị́yẹrị-o, ị́ warị suku-o, ịn wẹrị kpaịnma ḅa.

Jerimaya 42:20

mịnẹ ọ́ fị dogi-ḅo ọ́ pịrị ḅẹ mịẹ-irima mịẹarị. Ọmịnị ị̀ ḅara ḅiim à KỊNỊNYANAḄỌ wamịna Tamụnọ ḅe tẹkẹ ọ́ pịrị, tẹ ó mininim mịnẹ ọ̀ tọnye-tọnye ọ́ mịẹ ḅa.

Jerimaya 44:14

Juda koroma so tẹ Ijiputi mu atomi ma ḅụ gbọrụḅọ-sọ ḍumo tẹ fịị-a so ḅịa. Ini ḅẹ gbọrụḅọ-sọ pịkịma Juda mu ḅịa, in ḅiiarị ịn pịkị mu siin anga nwẹn ḅẹẹ anga mẹ. Gbọrụḅọ sọ pịkị so ḅịa, ọmụ mangị kọn boowa apụ sikima.”

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Jerimaya 51:22

kẹ owiapụ na ereme na ḅaa, kẹ omongiapụ na asawọ na ḅaa, kẹ owiapụ-awọmẹ na eremịna-awọmẹ na ḅaa,

Jerimaya 7:19

Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Kururu Owu-apọkọ 2:11

Owu ḅụ ị̀ atọrụngbọ agụnkwọ ḅịya tẹ foin tẹẹ; ị̀ ḅala sịḅịḅio pikiri tẹ owuarị inweni-ogbo ḅio emi ḅioḅu ḅụ ì ḅioḅẹngbọ ḅịkị koro tẹ, ị̀ atomi ma ẹrẹḅọtụḅọ ma gulugulu mẹ ẹrẹsị, gbala ḍọkọḍọkọ-awọmẹ na, ndo-ndoarị awọmẹ na naịn-naịn-ḅọrarị opu ama mẹ ḅẹ etela-ogbo ḅụ.

Kururu Owu-apọkọ 2:22

Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Habakọkụ 2:10

Kụma ị́ tọn pakama-ḅo tẹ mịẹ aị ma ḅụụ-jịrị dogi-ḅo ị́ warị suku pịrị tẹ; tọnwa-tọnwa ḅẹ asịẹ fama ḅụ fa dogi-ḅo ị́ ḅụụ pịrị kịngẹ mie ị́ mịẹ yee.

Kịẹn-aḅịḅị 16:38

Mịna atomi ma tẹ si mịẹ, tẹ kẹ amịna aḍumo fama apụ ma anyị tan apanị ma ọkị, yee arị amana kẹ ḅakụ, ḅakụ, mịẹ ẹfẹrẹ so, tẹ arị sime agbamịẹ-anga mẹ gbaịn pịrị; kẹ gotẹ ọkọ ḅẹẹarị, KỊNỊNYANAḄỌ ḅe tọrọkọ mie ini agba mẹ mịẹ ye ọkọẹrẹsị arị fịafịa wararị. Mị-ḅara ḅụ arị elekima sọ Izirẹlịapụ ma pịrị ḅa.”

Ditẹrọnọmị 32:25

Etela-ogbo ḅụ okologie mẹ kịnị ḅaa ḅa tẹ kala-ḅio ḅụ tẹmẹ-naịn-naịn paka ḅa asawọ na iriawọ na fịị ḅa, ndo-ndoarị tụḅọ ḅe na, iḅulu sịḅị ḅụ ḅịyatẹ owiḅọ ḅe na sọ.

Jọsụwa 6:21

Anịtẹso ini okologie kẹ opu ama mẹ ḅio ịkatakirikọn-a-ḅara kẹ owiapụ na, ereme na, asambịrịma apụ na, omongitẹ apụ na, pootẹ-anambulo na, anana na, yedogi-anama mamgba na ḅaam.

Ḅẹrẹkọn-apụ 21:11

Miemẹ anie ọ́ mịẹ ḅarịye: owiḅọ goḅọ-goḅọ na owiḅọ na gboloma tẹ ẹrẹḅọ goḅọ-goḅọ ọmịnị ịkatakirikọn-a-ḅara kẹ ịn ḅaa.”

1 Samụẹlị 15:3

Mịọkụ mu Amalẹkị ḅẹ apụ ma ḅaa tẹ ịkatakirikọn-a-ḅara kẹ ịn nyana aị mamgba sima famaa; àrị wẹrịso ma, kụma owiḅọ-o, ẹrẹḅọ-o, kalatụḅọ-o, ndo-ndoarị tụḅọ-o, pootẹ-nambulo-o, anana-o, ike-sụa-nama-o, yedogi-nama sọ.”

1 Samụẹlị 22:19

Anịsakị Nọbụ agbamịẹapụ ma opu ama mẹ ọ̀ kẹ okologie mẹ ḅụ suum; owiapụ na, ereme na, awọmẹ na, ndo-ndoarị awọmẹ na, pootẹ-anambulo na, yedogi-anama na, pịkị anana amẹẹ na sọ ọ̀ kẹ okologie mẹ ḅụ suum.