Jerimaya 44:6 - FỊAFỊA BAỊBỤLỤ

⁶ Mie ḅụ arị ị̀ ịganị na ì owi-ịganị na ọsụma Juda ḅẹ ama ma na Jeruselemu ḅẹ etela ogbo ma na ọgọnọ sara tẹ fịnị kẹ arị ḅụ sụam. Arị kan-sara sime tẹ sịḅị-kanakanama ye sọ ḍiki apụ pịrịm, ḅo mịmgba la sọ arị simearị ḅara mẹ.

Jerimaya 44:6 Iomraidhean Croise

Ayịzaya 1:7

Ị́ amakiri mẹ papaa gberere simearị, tẹ ini í opu ama na dọkịma kiri lama tẹ. Ị́ tọrụ, tọrụ kẹ ḍikiarị ogbo jen asịẹ ḅẹ apụ ḅo ị́ ḍụọ-akiri ọkị tẹ ye mamgba guluguluma tẹ.

Ayịzaya 51:17

Jeruselemu, saakị! Ị́ ḅụụ jike tẹ saakị sịẹ! Í fomu-ḅara da kọpụ mẹ ḅio ḅuu tẹ anie KỊNỊNYANAḄỌ ḅe ori ịganị ḅụ kẹ ị́ pịrị ḅuu ye mẹ; í ḅuu tẹ anị ị́ mịẹ tẹ ị́ pụmbụma-pụmbụmam.

Ayịzaya 51:20

Etela akaka goyegoye ḅụ í atomi ịnyọ faa ḅụ ḅịkị koro wararị; ịn kịkarị ye piri-deeḅọ ịgbọ ḍiein kun sịẹma wararị ḍuu. Tamụnọ ịganị ḅẹ kụrọ ịna ḅụụ ịnọ tẹ.

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 21:5

Arị owu kẹ ị́ paka ḅa ì opu kụrọ mẹmgba ḅụ, ị̀ ịganị ḅụ, ì opu ịganị ḅụ, ì owi ịganị ḅụ.

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Jerimaya 7:17

Juda ḅẹ opu ama ma ḅio na Jeruselemu etela ogbo ma ḅio na ịn mịẹarị aị ị́ ẹrị-a?

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Jerimaya 8:3

Tẹ mị si sịẹ mẹ ḅẹ apụ tẹ fịị-a so apụ ma, tẹ à gala-galama mu ayọ ḅụ angarị apụ ma, fịị ḅẹlẹma ịn paa ḍumo simearị ye nẹngị ḅa. Yẹrị Kụrọmamgba nyana KỊNỊNYANAḄỌ ḅe ọkọ ḅẹẹm.”

Kururu Owu-apọkọ 1:1

Jeruselemu mẹ tẹ tomi ḅin sime anga mẹ, anị tọ-ḅara kẹ yaụtẹ koro-sime tẹ mọ! Ndẹẹ á ḅo diḅọ-fịtẹ-ẹrẹḅọ sime-ḅara sime tẹ ḅara, árịma tẹ opu asịẹ ogbo ḅio gburo-gburo sime ḅọ ma Árị ma tẹ opu ama ogbo ḅio amadaḅọ tụḅọ sọ sime ḅọ ma, ḅo omoniḅọ sọ tẹẹ.

Kururu Owu-apọkọ 1:13

Gele yọ ḅụ ọ̀ fịnị kẹ fịrịmam ị̀ mgbe ḅio ori anị iderima-ḅo suum; ori ịgbọ sụa ị̀ aḅụọ ma pịrịm, ori ị̀ pịkịma-ḅom, tọrụ furu tẹ ḅarị mịẹ nimi-a ḅara ḅụ ori ì kuroma-som, bebe ene mẹmgba ḅụ.

Kururu Owu-apọkọ 5:18

Zayọnị tụndụ mẹ tẹ fa tẹ koro-simearị ye mẹ gotẹ, Jakalị nwẹn-sịn obiri pembe piri-ḅio-ḅẹ nama ḅe mie anị ọgọnọ ḍosi ma ḅọrọarị.

Izikẹlị 20:33

“Gbala-gbala piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, àrị ọmịna aḅeri nụnụarị mịnẹ ị̀ ịganị mie à kẹ ḅẹrẹtọn ọ́ pịrị ḅarịye kụrọ-ḅara ḅụ, ị̀ opu kụrọ mamgba ḅụ.

Izikẹlị 20:34

Àrị ị̀ kụrọ na ị̀ ịganị na kẹ ó ḍie ḅa, àrị ó kobiri gboloma tẹ ọ́ kẹ pịkị-ḅo ḅẹ sakị, ọ́ gala-gala mu la tẹ asịẹ mamgba ḅụ.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Izikẹlị 24:8

À wẹrịso tẹ ọmbie mẹ anịanga simem, anie anị kikima ḅịa anga mẹ, anie anị ịganị gbẹẹfị ḅiiarị anga mẹ.”

Izikẹlị 5:13

“Ị́ ị̀ ịganị mẹmgba ḅẹ kụrọ da ḅa tẹ anị ị́ ḅụụ ọfịrị nwẹnị ì furo ḅin sakị la ḅa. Mie-mẹmgba pakarị sakị, í ḅo minini ḅa mịnẹ yẹrị, KỊNỊNYANAḄỌ ḅe, ẹkwẹn ị́ pịrị tẹẹ, ị́ ị́ minini ye mịẹ-a ye mẹ ị̀ ịganịma tẹ gotẹ.

Izikẹlị 6:12

Ala-jụ simearị apụ obi tẹ fịị ḅa; kpeki anga simarị apụ ọmụ ḅio fịị ḅa; arị aị ma gbarị apụ ḅuru-ḅa ḅụ fịị ḅa. Ini ị̀ ịganị ḅẹ kụrọmamgba da ḅa.

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Danẹlị 9:12

Í ḍukom ị́ kẹ wamịnị na wamịna ḅẹrẹtọn-apụ na mịẹ ḅẹ ye mẹ ị́ mịẹm. Tomikiri ḅẹ jen opu ama tẹ ị́ ị́ kẹ Jeruselemu fomu-ḅara fomu ye ofori,

Lẹvitikọsị 26:28

anịrẹ owi ịganị ḅụ arị ọmịnị na tụḅụrụ ḅara mẹnjị ḅa, tẹ ọmịna asi gotẹ ḅarana arịḅẹ sọnọma akiri kẹ ó fomu ḅa.

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.

Nahọmụ 1:2

KỊNỊNYANAḄỌ ḅe anie afana Tamụnọ, tẹ gbẹẹfị ḅiiarị ḅọ; KỊNỊNYANAḄỌ ḅe ọ̀ gbẹẹfị ḅiiarị, tẹ pịkị kụrọ ịganị kọn-kọnm; KỊNỊNYANAḄỌ ḅe ori na fịya-a apụ ḅara gbẹẹfị ọkịarị tẹ ịganị wẹrị ori na fịya-a apụ pịrị-pịrịm.

Zẹkaraya 1:2

Kụrọmamgba nyana KỊNỊNYANAḄỌ ḅe ḍuko Zẹkaraya pịrịm ò ḍuko tomi ma pịrị, “Yẹrị KỊNỊNYANAḄỌ ḅe kpọma ịganị ọmịna elemu aḍapụ ma pịrịm,

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”

Zẹkaraya 7:14

Erise ḅara ḅụ àrị ini ọfịn so mu ja sịẹ ḅụ angamam. Mị iḅi amakiri mẹ nwẹnị papaa fatẹ gbin koro sime, gbọrụḅọ-sọ anị ḅio anga-a ḅara ḅụ.”