Jerimaya 44:3 - FỊAFỊA BAỊBỤLỤ

³ ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 44:3 Iomraidhean Croise

Nehimaya 9:33

Anịsọ ị́ karakaram, wamịna ọgọnọ gbana ye mamgba ḅụ; kẹ gotẹ ọkọ ḅẹẹarị, ị́ ị́ minini ye kokom, wamịnị masi si-sịḅịḅio-sụam.

Ayịzaya 3:8

Inn, Jeruselemu fa tẹẹ! Juda ḅịkị koroarị! In ḍukoarị ye na mịẹarị ye na goyegoye KỊNỊNYANAḄỌ ḅe na tụḅụrụarị. Ịn ḅịḅị ḅọị-a ḅara kẹ KỊNỊNYANAḄỌ ḅe ḅioju mịẹ-simarị.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 16:10

“Í mie mẹmgba ḍuko ịn pịrị sakị, ini í gbela ḅa à gotẹ tọn-pẹlẹ tẹ mị kụrọ-ḅara mẹ kẹ in fomuarị ye. In gbela ḅa ịn mịẹ siye, tẹ ḅẹrẹ ịna ḅara si ye, anie ịn kẹ KỊNỊNYANAḄỌ, ịna Tamụnọ ḅe, mị si.

Jerimaya 22:9

Anịtẹso ịn pakịrị ḅa mịnẹ ọmịnị yẹrị ọmịna Tamụnọ ḅe na ọmịnị na fị ọḅọkụ mẹ kẹ gbin koroma tẹ sunsin oru-atamụnọ pịrị tẹ fịrịmẹnjị arị pịrị tẹẹ.”

Jerimaya 29:19

Miemẹ ịna ḅụ paka ḅa ini arị ị̀ fịrịmẹnjị ịkịankoroapụ ma ḅụ ḅọrọtẹ kẹ ịn fịrịma-fịrịma-fịrịmarị oku mẹ poki tẹ mịẹ-a ẹrẹsị. In poki ḍụkụ-a.

Jerimaya 32:30

Izirẹlị na Juda na ḅẹ apụ ma ḅẹ tarị suku ḅụ saakị kụra ḅio ini ì ḅioḅẹngbọ sima tẹ ị̀ ịganịma tẹ ịn mịẹ tẹ aị ḅụ.

Jerimaya 44:23

Mịọkụ ḅo ọ́ la wararị opu ḅụụ-fụka mẹ ọmịnị agba mịẹ-mịẹ oru-atamụnọ ma pịrịarị ye na ọ́ kẹ Tamụnọ mịẹ si, anie ori oloko ma koko-a ḅụ, anị ḅọrọ ḅom.”

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Jerimaya 5:29

Kụma yẹrị KỊNỊNYANAḄỌ ḅe mịna aị ma gotẹ fomu-ḅara kẹ ịn pịrị ḅa; à mị sịẹ mẹ ḅara gbẹẹfị ḅii ḅa.

Jerimaya 7:19

Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.

Danẹlị 9:5

“Wa si mịẹ tẹẹ, wa si tẹẹ, wa kura-aye mịẹ tẹẹ. Wa ị́ tọn wa pịrịm wa mịẹ ḅẹ ye sịkị tẹ ọḅụ pịkị ị́ kẹ wa ḍie kuraye mẹ gbin tẹẹ.

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 29:25

Anịtẹso ọkụma tomi nwẹnị ḅẹẹ ḅa: Anị gotẹ ọkọ mịẹ ye, ịn KỊNỊNYANAḄỌ ịna aḍapụ ma Tamụnọ ḅe ọḅọkụ mẹ tẹ ori Ijiputi ḅẹ ama mẹ ḅio ini ọkị-ḅo sakị mẹ ḅụ ini na fị ye mẹ sịkịm,

Ditẹrọnọmị 29:26

tẹ mu fịrịmẹnjị oru-atamụnọ pịrị, tẹ sunsin ịn pịrịm, oru-atamụnọ tẹ amụ ịn nimi-a aị; arị aị ma tẹ amụ ọ̀ tọn ịn pịrị-a aị ma.

Ditẹrọnọmị 32:17

In agba mịẹ si-atẹmẹ tẹ tamụnọ-a aị pịrịm, ịn mịẹ gbala-gbala amụ in nimi-a atamụnọ pịrịm, kẹ ịwọ oru-atamụnọ tẹ sakị ḅụra tẹ sọ-ḅo aị pịrịm, arị aị ma tẹ ọmịna aḍapụ gbala-gbala amụ ḍiki-ḅalafa-a aị ma,

Hiburu 3:16

Tamụnọ pọkọ naa tẹ ori na tụḅụrụ atomi ma ḅọrọ tọ apụ? Inimgba tẹ Mozizi tọrọkọ-sụn tẹ Ijiputi ḅụ pakama-ḅo apụ ma.