Jerimaya 44:25 - FỊAFỊA BAỊBỤLỤ

²⁵ Mie Kụrọmamgba nyana KỊNỊNYANAḄỌ, Izirẹlị Tamụnọ ḅe, ḍukoarị ye: Ọmịnị na ọmịna ereme na ọ́ mịẹarị aị ḅụ ḍie-pakama tẹẹ, ó minini ye mẹ ọ́ ḅẹẹ sakị, ‘Ḅịḅị ḍima-a ḅara ḅụ wa minini ịlọ ma wa suma ḅa, mịnẹ wa kụnụaị dọkịma ḅa, pịkị iru sara So ḅẹ Ama-da Ere-oru ma pịrị ḅa.’ Ọkọ ḅẹḅẹ, ọ́ mịẹ ma-muu, ọmịnị ó minini ye mịẹẹ. Ọmịnị ọmịna ịlọ ma sumaa!

Jerimaya 44:25 Iomraidhean Croise

Jobu 34:22

Siye mịẹ apụ amịna ḅụụ ḅọị ḅẹ kpititẹ anịanịa furu-kịtịpụtẹ anga ofori.

Ayịzaya 28:15

Ọ́ ḅụụ boma tẹ ḅẹẹarị mịnẹ ọ́ fị na ḅara kẹ ḍiri pono tẹ ḍuḅu na ḅịḅị-kẹ-ogbosọ tẹẹ. Ó minini lama wararị mịnẹ opu ḅụụ-fụka ḅo ḅarị sakị anị ọ́ kọkọrọ ḅa, ọmịnị iruo-aị na oḅori-kẹ-kịnịsịn na ḅụ sịrẹrẹ tẹ mịẹtẹ ye ḅarị ọ́ la ḅịa ẹrẹsị.

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Izikẹlị 20:39

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Tẹ mịọkụ ọmịnị Izirẹlịapụ mamgba, ọmịnị ọmịna ḅụụ-ḅẹlẹye-ḅẹlẹye mịẹẹ! Ọ́ fịrịmẹnjị ọmịna oru-afụḅara ma pịrị tọrọkọ-tọrọkọ mu! Kụma àrị ọmịna aḅeri nụnụarị mịnẹ mie ḅọrọtẹ so ọmịnị ị̀ ḅịḅịpoki ḅa tẹ ị̀ fịafịa ẹrẹ kụn-a tẹ ye ḍie-ḍie oru-afụḅara pịrị dasịẹma ḅa.

Matiyo 14:9

Miemẹ nwẹnị amadaḅọ ḅe kururuma, kụma ò ye karị ḅara kẹ minini á pịrị ḅara mẹ na, ọ̀ sịn ḅo kobiri wararị inweni-ogbo mẹ na ẹrẹsị ọ̀ tọnm mịnẹ ini á ḅii ḅara mịẹ á pịrịị.

Judu 1:13

Ịn kịkarị ye, abajị ḅio ḍarịarị ọnụngọ ma tẹ fiko pakamarị aị. Ịna ḅụụ-jịrịma amịẹaị ma anie fiko mẹ. Ịn kịkarị ye, So-tọrụ ikelekelearị alolia, amịna sime-kiri nimi-a apụ, anie Tamụnọ kpiti tẹịn kanakana yọ tẹlẹma pịrị tẹ apụ ma.