Jerimaya 44:23 - FỊAFỊA BAỊBỤLỤ

²³ Mịọkụ ḅo ọ́ la wararị opu ḅụụ-fụka mẹ ọmịnị agba mịẹ-mịẹ oru-atamụnọ ma pịrịarị ye na ọ́ kẹ Tamụnọ mịẹ si, anie ori oloko ma koko-a ḅụ, anị ḅọrọ ḅom.”

Jerimaya 44:23 Iomraidhean Croise

1 Amadapụ 9:9

Tomi nwẹnị pakịrị ḅa, ‘Ịn KỊNỊNYANAḄỌ Ịna Tamụnọ ḅe tẹ Ijiputi ḅụ ịna atẹngịapụ ma pakama-ḅo ḅọ ḅe kẹ gbin-koromam. In nwẹnị ịna sịḅị-tuu kẹ oru-atamụnọ pịrị tẹ fịrịmẹnjị arị pịrị. Aniemẹ mie KỊNỊNYANAḄỌ ḅe gotẹ mị ḅụụ-fụka mẹ ọkị-ḅo ịna ọgọnọ gbana yee.’ ”

2 Amadapụ 17:15

Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.

2 Paka-aị 36:16

Kụma kombo mịẹ in Tamụnọ afịrịmẹnjịapụ ma kombo-kombo tẹ ori ẹkwẹn-aḅịḅị ḍiki-sima-sima tẹ ori ịkịankoroapụ ma kẹ kpọọtiarị nwenii KỊNỊNYANAḄỌ ḅe ịganị mẹ ori atomi ma da-paka nwenii ye-mịẹ tẹlẹma ḅara ḅarị ofori.

Nehimaya 13:18

Mị-ḅara mie ọmịna ḍapụ mịẹtẹ wamịna Tamụnọ mị siye mẹmgba kẹ wamịnị na, mị opu ama mẹ na ọgọnọ gbana ye ọkọ-a? Anịsọ ọ́ paa Ịnyọsara-Ene mẹ wọlọma-wọlọmatẹ jen ịganị ọkị-ḅo Izirẹlị ọgọnọ gbanarị”.

Devidi-Anume 119:136

Owu-minji ị̀ tọrụkuḅu sararị, tọrụ ọgọnọ ḅẹ minji pẹlẹ-pẹlẹ sara ḅara, kịnị í oloko mẹ poki tẹ mịẹ-a ẹrẹsị.

Devidi-Anume 119:150

Kụrọ-ḅara kẹ kịnị na mịẹarị tẹ ị̀ ḅaa ḅẹ ḍọkịarị apụ ma ḅo ì kpekiarị, anie gbala-gbala í oloko koko koko-a apụ ma.

Devidi-Anume 119:155

Si-sịḅịḅio-sụa apụ ma ịn ḅọrọma ḅịa, ini í oloko ma poki tẹ mịẹ-a gotẹ.

Devidi-Anume 78:10

In Tamụnọ na ini na fị ọḅọkụ mẹ koko-a; ịn ḍụkụ tẹ ọ̀ tọn kuroma aị ma poki tẹ mịẹ-a.

Devidi-Anume 78:56

Kụma ịn kọngọ kụrọma Kụrọ mamgba Nyana Tamụnọ ḅe pịrị tẹ ọ̀ daaḍikim. Ọ̀ tọn kuroma aị ma in poki tẹ mịẹ-a,

Jerimaya 26:4

KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 40:3

tẹ mịọkụ ò ḅiim ọ̀ mịẹ ḅẹ ye mẹ ọ̀ mịẹ tẹẹ. Mie-mẹmgba gotẹ mịẹ ye ị́ atomi ma si kẹ KỊNỊNYANAḄỌ ḅe mịẹ tẹ ọ̀ ḅịḅị poki-a.

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 44:18

Kụma agbamịẹ So ḅẹ Ama-da Ere-oru ma pịrị mẹ dasịẹma tẹ ḅarị iru sara á pịrị-a kụra ḅio, wa ḅarị gberie-sọ nyana-a, tẹ wamịna atomi pịkị ọmụ ḅio na ḅuru-ḅa na ḅụ fịị tẹẹ.”

Jerimaya 44:2

Kụrọmamgba nyana KỊNỊNYANAḄỌ ḅe, Izirẹlị sunsin pịrịarị Tamụnọ ḅe, ḅẹẹm, “Ọmịnị ḅarana àrị ọkị-ḅo Jeruselemu na Juda ḅẹ osi ama ma na ọgọnọ gbana gulugulu mẹ ẹrị tẹẹ. Mịọkụ mẹ ḅụ sọ arị paa kaan-sara wararị, tẹ gbọrụḅọ-sọ arị ḅio anga-a,

Jerimaya 44:21

“Àrị agba ma tẹ ọmịnị na ọmịna elemu-aḍapụ ma na, ọmịna amadapụ na, ọmịna sịḅịdapụ na, amakiri mẹ ḅẹ apụ ma na mịẹ aị ma, Juda ḅẹ ama ma ḅio na Jeruselemu etela-ogbo ma ḅio na ọ́ sịn-arị KỊNỊNYANAḄỌ ḅe ori arị gboloma ye nimi-a, anịanịa ọ̀ kẹ ḅioḅọrọma?

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Danẹlị 9:13

Mozizi Oloko ma ḅio in ḍuko koroma fomu-ḅara mamgba kẹ wa pịrị ḅụ. Kụma mịọkụ mẹ sọ, yei, KỊNỊNYANAḄỌ, wamịna Tamụnọ, amụ wa ḅụụkụrọma tẹ í ḅioḅẹlẹma-a wamịna asi ḅụ pịkị ḅụ, anịanịa ị́ karakara mẹ ḍukamẹnjị.

1 Kọrịntị 10:20

Ọkọ-a; á fiearị ye anie, oru nimi apụ mịẹarị agba ma ịn kẹ Tamụnọ pịrị-a, oru mie ịn kẹ pịrịarị ẹrẹsị à ḅii-a ọmịnị oru ma na mịẹye gboloma.

2 Kọrịntị 6:16

Ndẹẹ Tamụnọ-warị mẹ na oru-afụḅara na gberie mịẹ ḅẹ ḅara? Kẹ gotẹ ọkọ ḍukoarị, wamịnị anie ḍumo wararị Tamụnọ ḅe warị mẹ! Anie Tamụnọ ḅarana ḅẹẹ tẹ ḅara, “Àrị ị̀ atomi ma na sime tẹ ịna ogboku anga ḅa; àrị ịna Tamụnọ sọ tẹ ini ị̀ atomi sọ ḅa.”