Biblia Todo Logo
Bìoball air-loidhne

- Sanasan -




Jerimaya 44:22 - FỊAFỊA BAỊBỤLỤ

22 Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Faic an caibideil Dèan lethbhreac




Jerimaya 44:22
40 Iomraidhean Croise  

kẹ gotẹ ọkọ ḅẹẹarị, wa mị yọ mẹ ḅaa guluguluma ḅẹ-yearị, gbala ịn mị ye-yọ mẹ ḅẹ atomi ma gotẹ kọn-arị owu mẹ ḅo KỊNỊNYANAḄỌ ḅẹ tọrọkọ gburo-gburo tẹẹ. Anịẹrẹsị KỊNỊNYANAḄỌ ḅe wa fịrịma tẹẹ wa ḅo anị famaa.”


Anịtẹso KỊNỊNYANAḄỌ ḅe nwẹnị ḅẹẹ, “Ị̀ ḍumo-pịrị-ọwụ mẹ ḅarị tomi oju ḅio sime gbamaso ḅịa, kẹ gotẹ ọkọ ḅẹẹarị, ini anie meni; kụma ịn ḍumo mu kụra sonioa asi (120) la ḅa.”


Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.


Mie ḅụ, ọ́ Kụrọmamgba nyana KỊNỊNYANAḄỌ, Izirẹlị kụrọtẹ Tamụnọ ḅe ḍukoarị ye pokii mịọkụ, “Si kẹ ị̀ tọn-arị apụ, àrị ọmịna aḅụụ gbẹẹfị fị ḅa, tẹ ọ́ ḅarị jen kẹ ị̀ ḅụụ-fụkama ḅịa.


Ị́ kụnụaị fẹ ị̀ pịrị-a anịanịa ị́ anama ḅẹ ḅẹlẹkị kẹ ị̀ pịrị ḅụụ. Anie nakara ị́yẹrị rẹ ị́ asi kẹ ị̀ jịjịmam; ị́ mịẹ-mịẹ sara sime kura-a aị ma mie ị́ kẹ ị̀ ḅụụ ịnyọ fama yee.


Anị ẹkwẹn mẹ Ayịzaya pakịrịm, “Pokii, mịọkụ, Ama-da Devidi furo paka-ḅo, ịnyọ kẹ tomi tama tẹ ịn ḅarị inetẹ inema ḅịa si mẹ la ḅara mẹ paa boowa tẹ ị́ pịkị ịnyọ kẹ Tamụnọ sọ tama-a so ḅịa wararị ya?


Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.


Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.


Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.


Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.


Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.


Mị bebe amakiri mẹ si tẹ koro-sime ḅa, tẹ ḍiki-tọrụ ḅụ kpọma ḅụụ-gbiripuma ye sọ ḅa, tẹ anị na kpeki wararị asịẹ ma na nwẹnị kụra atesi oyi finji kẹ fịrịmẹnjị Babịlonịya ḅẹ amadaḅọ ḅe pịrị ḅa.


Jeruselemu na Juda ḅẹ ama mamgba na, pịkị anị ḅẹ amadapụ na sịḅịdapụ na sọ kẹ ịna ḅụ sụa tẹ in ḅuum, mịẹ tẹ ini ịkpa sọ ḅẹ ḅara, tẹ ḍiki-tọrụ ḅụ ḅalafamarị pịkị ḅụụ-gbiripumarị ye, mịẹ tẹ kịnị ịna ẹrẹ kẹ ye karị, anie mịọkụ sọ in paa mịẹarị ḅara.


KỊNỊNYANAḄỌ ḅe ori atomi kẹ gbin-koroma-so tẹẹ, ọkụkụ amịna fukuru koroma-so pembe ḅara. Ọmụ na mẹnjị si-aị ma na KỊNỊNYANAḄỌ ḅe owi ịganị mẹ na amakiri mẹ kẹ ḅo ịkpa sọma tẹẹ.


Ọ́ paa poki-a tọrọkọ-tọrọkọ muarị ḅẹḅẹ, anịsakị à mị Tamụnọ-warị mẹ kẹ à kẹ Silo mịẹ ḅara mịẹ ḅa, tẹ tomikiri ḅẹ asịẹ mamgba mị opu ama mẹ ẹrẹ kẹ ye karị ye sọma ḅa.”


Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.


Miemẹ ịna ḅụ paka ḅa ini arị ị̀ fịrịmẹnjị ịkịankoroapụ ma ḅụ ḅọrọtẹ kẹ ịn fịrịma-fịrịma-fịrịmarị oku mẹ poki tẹ mịẹ-a ẹrẹsị. In poki ḍụkụ-a.


Ọmịna ḅẹlẹmapụ mamgba ọ́ kẹ ḅioḅọrọma tẹ; ịn ḅarị jen kẹ ó gboloma ye kẹ ye-sịn-a. À si kẹ ọ́ tọn ḅọ ḅara kẹ owu kẹ ọ́ pakam; ọ́ da fomu-ḅara mẹ kụrọ ḅakam ọmịna asi ḅakam ẹrẹsị ọmịna si-sịḅịḅio sọ ḍụḅam.


À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”


Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”


“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”


Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.


Kụrọmamgba nyana KỊNỊNYANAḄỌ ḅe, Izirẹlị sunsin pịrịarị Tamụnọ ḅe, ḅẹẹm, “Ọmịnị ḅarana àrị ọkị-ḅo Jeruselemu na Juda ḅẹ osi ama ma na ọgọnọ gbana gulugulu mẹ ẹrị tẹẹ. Mịọkụ mẹ ḅụ sọ arị paa kaan-sara wararị, tẹ gbọrụḅọ-sọ arị ḅio anga-a,


Mie ḅụ arị ị̀ ịganị na ì owi-ịganị na ọsụma Juda ḅẹ ama ma na Jeruselemu ḅẹ etela ogbo ma na ọgọnọ sara tẹ fịnị kẹ arị ḅụ sụam. Arị kan-sara sime tẹ sịḅị-kanakanama ye sọ ḍiki apụ pịrịm, ḅo mịmgba la sọ arị simearị ḅara mẹ.


Ḍụḅarị kẹ pike Mohabụ pịrị; ala-a ini anị guluguluma ḅa. Anị ḅẹ ama ma si kọsị tẹ koro-sime ḅa, tẹ gbọrụḅọ-sọ ḅarị jen kẹ anịanga anga ḅịa.”


Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?


Tẹ sịẹ-sịẹ ma nimi ḅa mịnẹ Izirẹlịapụ ma gotẹ kun-ḅara ḅio sọ ye in si kẹ ị̀ mịẹm. Àrị in ḍiki-tọrụsin tẹ si kẹ ịn tọn apụ ma ịn nẹngịma tẹ ịn ḅaam ọmụ ḅio.


“Ị́ ị̀ ịganị mẹmgba ḅẹ kụrọ da ḅa tẹ anị ị́ ḅụụ ọfịrị nwẹnị ì furo ḅin sakị la ḅa. Mie-mẹmgba pakarị sakị, í ḅo minini ḅa mịnẹ yẹrị, KỊNỊNYANAḄỌ ḅe, ẹkwẹn ị́ pịrị tẹẹ, ị́ ị́ minini ye mịẹ-a ye mẹ ị̀ ịganịma tẹ gotẹ.


Izirẹlị mamgba í oloko ma kan tẹ ḍụkụ tẹ í ḍuko ye poki-a. Wa si kẹ ị́ mịẹm, tẹ anie ḅụ í wori-anume ma tẹ Mozizi, ị́ fịrịmẹnjịḅọ kẹ koroma aị ọkị-ḅo wamịna ọgọnọ gbanam.


Í ḍukom ị́ kẹ wamịnị na wamịna ḅẹrẹtọn-apụ na mịẹ ḅẹ ye mẹ ị́ mịẹm. Tomikiri ḅẹ jen opu ama tẹ ị́ ị́ kẹ Jeruselemu fomu-ḅara fomu ye ofori,


“Tẹ mịọkụ àrị ọ́ gbẹẹ-kọsịma kiri sara ḅa, tẹ ọmịnị iningi ḅa mbịaka sụa ḅinma pampamma wararị yedogi-kirimẹnjị-arụ ḅio fie ḅara.


Ọmịnị ịnyọ kẹ KỊNỊNYANAḄỌ ḅe tama fama tẹẹ, ọ́ kọn-arị ẹkwẹn ḅụ. Kụma ó gbelarị, “Ndẹẹ wa wẹrị tẹ ịnyọ kẹ ị́ tama ḅara?” Mị-ḅara mẹ ḍuko ḅụ, “Kụrọmamgba nyana KỊNỊNYANAḄỌ ḅe kuromarị mịnẹ siye mịẹ apụ mamgba iḅi apụ; karakara ye ḍuko ḅụ, ịna mịẹye ọ̀ ḅụụ-ḅẹlẹarị.” Anịanịa gbela ḅụ, “Tomi ọkịarị inema ḅụụ ḅụ ofori Tamụnọ ḅe, ndẹẹ ori?”


Mị-ḅara anie Tamụnọ sọ mịẹ tẹ ḅara. Ò ḅiim tomi ori ịganị mẹ ẹrị, tẹ pịkị ọ̀ kụrọ mẹ nimii. Kụma ọ̀ kpọma opu ye-inema nyana kẹ ori ịganị mẹ da tẹ fịị fa na-iḅi apụ ma pịrị lamam.


Lean sinn:

Sanasan


Sanasan