Jerimaya 44:21 - FỊAFỊA BAỊBỤLỤ

²¹ “Àrị agba ma tẹ ọmịnị na ọmịna elemu-aḍapụ ma na, ọmịna amadapụ na, ọmịna sịḅịdapụ na, amakiri mẹ ḅẹ apụ ma na mịẹ aị ma, Juda ḅẹ ama ma ḅio na Jeruselemu etela-ogbo ma ḅio na ọ́ sịn-arị KỊNỊNYANAḄỌ ḅe ori arị gboloma ye nimi-a, anịanịa ọ̀ kẹ ḅioḅọrọma?

Jerimaya 44:21 Iomraidhean Croise

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

Devidi-Anume 79:8

Wamịna elemu aḍapụ mịẹ asi ma gotẹ fomu-ḅara kẹ wa pịrị ma. Mịọkụ ọkụrụkụrụ nyana wa pịrịị; wa kẹ ḅiokpọmarị gberie-sọ ḅarị ofori.

Ayịzaya 64:9

ọkọ ẹrẹsị ḅarị ịganị wa pịrị ḅaka ma, anịanịa si kịẹn wa pịrị mu ḅẹẹ-sakị ḅẹẹ-sakị la. Wamịnị ị́ atomii; ọkụrụkụrụ nyana wa pịrịị.

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 14:10

KỊNỊNYANAḄỌ ḅe mịna apụ ma gboloma ye ḅụ ḍukoarị: “ini ị̀ ḅụụ mangị-so ḅẹlẹmarị, tẹ ini ịna ḅụụ ọlọ ḅịa. Mie ḅụ ịna mịẹ ye ị̀ ḅụụ ḅẹlẹ-a. Ịn mịẹ tẹ iri-aị ma à kẹ ḅiokoroma ḅa, tẹ fomu-ḅara kẹ ịn pịrị ḅa ịna asi ẹrẹsị.”

Jerimaya 32:32

anie Juda na Jeruselemu ḅẹ apụ ma na, ịna amadapụ na sịḅịdapụ na ịna agbamịẹapụ na ịkịankoroapụ na mịẹ tẹ si-aị mamgba gotẹ.

Jerimaya 44:17

Wa ḅiim wa mịẹ ḅẹ ye goyegoye wa mịẹ ḅa. Wa agba mịẹ wamịna oru-tamụnọ, So Amada-Ẹrẹḅọ ma pịrị ḅa, tẹ pịkị iru sara á pịrị ḅa, anie wamịnị na, wamịna elemu-aḍapụ na, wamịna amadapụ na wamịna sịḅịdapụ na mịẹ sime gbọrụ ḅara mẹ Juda ḅẹ ama ma ḅio na Jeruselemu etela-ogbo ma na ḅụ. Wa ọkọ mịẹ tẹso, wa fịye nyanam, wa lọkọlọkọm, ḅụụ-fụka sọ ḅo-ḅo wa la-a.

Jerimaya 44:20

Anịtẹso àrị owiapụ mamgba na ereme na tẹ mịẹ ḅara mẹ kẹ ị̀ pakịrị apụ ma ḅẹẹm,

Jerimaya 44:9

Juda ḅẹ ama ma ḅio na, Jeruselemu etela-ogbo ma ḅụ na ọmịna elemu-aḍapụ na. Juda ḅẹ amadapụ ma na ịna ereme na, ọmịnị na ọmịna tapụ na mịẹ tẹ si-sịḅịḅio amịẹaị ma ọ́ kẹ ḅioḅọrọma tẹ?

Izikẹlị 16:24

etela akaka goyegoye ḅụ í oru-afụḅara tẹkẹ ayọ nama tẹ ama-mẹnjị eremịna ḍumo kọnm.

Hosiya 7:2

Gbala-gbala anị ịna aḅioḅẹngbọ sọ-sọa mịnẹ mị siye mẹmgba à kẹ ḅiokoroma ḅa; kụma ịna asi in gbori-ikelema wararị, tẹ àrị inetẹ àrị ẹrị ḅịa ọkụ ofori.”

Emọsị 8:7

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe karị tẹẹ, “Gbala-gbala ịna si amịẹaị ma à kẹ ḅioḅọrọma ḅịa.

Ditẹrọnọmị 32:19

KỊNỊNYANAḄỌ ḅe arị ẹrịm, tẹ ịn sịkị simam, ori owiapụ-awọmẹ na, ori eremịna-awọmẹ na kẹ ori ịganịma ye gotẹ.

Ditẹrọnọmị 32:34

Miemẹ ngọ warị ḅio ị̀ na ofori, ị̀ ngọ-koko-aḅio ma ḅio gbaịn sime-a?

Mịẹfinji 16:19

Opu ama mẹ tẹra kiri puum, tẹ tomikiri ḅẹ asịẹ ma ḅẹ opu ama mamgba fa famam. Tamụnọ opu Babịlọnị mẹ sọ kẹ ḅio kuromam, tẹ mịẹtẹ árị ọ̀ kọpụ mẹ ḅio sime iru mẹ ḅuum — anie ori opu ịganị iru mẹ.

Mịẹfinji 18:5

Kẹ gotẹ ọkọ ḍukoarị, árị asi ma tunduru gele mu so la tẹ, tẹ Tamụnọ árị iri amẹnjị ma kẹ ḅiokoroma tẹ.

1 Samụẹlị 15:3

Mịọkụ mu Amalẹkị ḅẹ apụ ma ḅaa tẹ ịkatakirikọn-a-ḅara kẹ ịn nyana aị mamgba sima famaa; àrị wẹrịso ma, kụma owiḅọ-o, ẹrẹḅọ-o, kalatụḅọ-o, ndo-ndoarị tụḅọ-o, pootẹ-nambulo-o, anana-o, ike-sụa-nama-o, yedogi-nama sọ.”