Jerimaya 44:10 - FỊAFỊA BAỊBỤLỤ

¹⁰ Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 44:10 Iomraidhean Croise

1 Amadapụ 21:29

“Ehabụ ị̀ tọrọkọ ọ̀ ḅụụ iderima tẹ ḅara ị́ ẹrị tẹ? Ori ị̀ tọrọkọ ọ̀ ḅụụ iderima tẹ ẹrẹsị, à ḅarị ò ḍumo-ene ma ḅụ siye mẹ kẹ ḅo ḅịa; kụma ori owiḅọtụḅọ ḅe ḍumo-ene ma ḅụ mie à siye mẹ kẹ ọ̀ warị ọgọnọ ḅụ gbana ḅarịye.”

2 Amadapụ 22:19

tẹmẹ ḅụ ị́ si ḅụ pịkị tẹ KỊNỊNYANAḄỌ ḅe tọrọkọ ị́ ḅụụ sin-saram, ị́ à mị yọ mẹ na, anị ḅụ sime aị ma ḅụ à si ẹkwẹn kọn ḅara mẹ naa tẹso, mịnẹ ịn woritẹ fa tẹ ye-yọ sọ ḅa ḅẹ ye ḅụ ị́ nwẹnị ị́ akapa kan tẹ ị̀ tọrọkọ owu ye mẹ, yẹrị sọ àrị ị́ naa tẹ,’ KỊNỊNYANAḄỌ ḅe ọkọ ḅẹẹm.

2 Paka-aị 32:26

Kụma Hẹzịkaya nwẹnị ò ḅioḅẹngbọ ḅụ ọ̀ nyana opu amịẹaị ma ḅụ ọ̀ ḅụụ iderima, ori na Jeruselemu ḅụ simearị apụ ma na, anie mịẹ tẹ KỊNỊNYANAḄỌ ḅe ịganị ḅarị ini ọgọnọ gbana-a Hẹzịkaya ene ma ḅụ.

2 Paka-aị 33:12

Ò ḅo ḅụụ-ḅalaḅala ḅụ sọ tẹso, ọ̀ nwẹnị KỊNỊNYANAḄỌ ọ̀ Tamụnọ ḅe ḍiki-ḅụụjịrị ḅii, tẹ gburo-gburoma ori aḍapụ ma Tamụnọ ḅe tọrọkọ ọ̀ ḅụụ iderima.

2 Paka-aị 33:19

Ọ̀ kọn tẹkẹ na, Tamụnọ ori ọkụrụkụrụ ḅụ ọ̀ kẹ ọ̀ tẹkẹ ye mẹ ọkị ḅara na, ò si mẹmgba na, ọ̀ nyana-a minini na, tẹ ò gele ayeyọ nama tẹ Asẹra na ò ye kịkama tẹmẹ-aị ma dẹẹ koroma anga ma na, tẹrẹmẹ ori ọ̀ ḅụụ iderima ye na, Izirẹlị Amadapụ Ma Aḅụụ Paka-aị Ḍiri mẹ ḅio kẹẹ wararị.

2 Paka-aị 34:27

gbala ị́ si ḅụ pịkị ḅioḅẹngbọ nyanam tẹ ị́ ḅụụ iderimam Tamụnọ tọrọkọ ḅụ, ị́ mị anga mẹ na, anị ḅụ simearị apụ ma na ḅụụ paka ḅarịye naa tẹso, ori ẹkwẹn-ḅịḅị ḅụ, tẹ ị́ tọrọkọ ḅụ ị́ ị́ ḅụụ iderimam, tẹ ị́ akapa kan tẹ owum ẹrẹsị, yẹrị sọ àrị ị́ naa tẹẹ.

Devidi-Anume 34:18

KỊNỊNYANAḄỌ ḅe ḅioḅẹngbọ lọkọ tẹ apụ ma na kpeki wararị: ḅarị gbọrụ ḅiokpọ sọ nyana-a apụ ma ori ịn ḅọrọmarị.

Devidi-Anume 51:17

Yei Tamụnọ, à kẹ ḅo agba anie ḅụụ-lẹgịma tẹmẹ; ḅụụ-lẹgịma na si ḅụ pịkị na ḅioḅẹngbọ ị́ sịkị ḅịa.

Devidi-Anume 78:10

In Tamụnọ na ini na fị ọḅọkụ mẹ koko-a; ịn ḍụkụ tẹ ọ̀ tọn kuroma aị ma poki tẹ mịẹ-a.

Paka-so 10:3

Mie ḅụ Mozizi na, Erọnị na mẹnjị sọ Fero dama-mu tẹ ọ̀ ḅẹẹm, “Mie KỊNỊNYANAḄỌ, Hiburu ḅẹ apụ ma Tamụnọ ḅe ḍuko yee, ‘Anị mu tọ sakị la tẹrẹmẹ ị́ ị̀ tọrọkọ ị́ ḅụụ iderima ḅẹ? Ị̀ atomi ma wẹrịsoo, in so, mịẹtẹ ịn fịrịmẹnjị ị̀ pịrị ḅarị ḅara.

Paka-so 9:17

Ị́ paa ị́ ḅụụ saakị-gelema tẹ ị̀ atomi ma ẹngbẹsẹ tẹ ịn wẹrịso tẹ ịn so-a.

Paka-so 9:30

Kụma ị́yẹrị na, ị́ afịrịmẹnjịapụ na amụ ọ́ paa KỊNỊNYANA-TAMỤNỌ ḅe ḍiki-ḅalafa-a.”

Egberima-Ẹkwẹn 14:16

Ye-nimiapụ balarị ịn ḅụụ-fụka ḅio sọ ḅịa ḅara, kụma apantu amẹẹ ma bala-a ḅara kẹ fọnya ḅaka ḅara kẹ ye mịẹarị.

Egberima-Ẹkwẹn 16:6

Sịḅị-tuu tẹ pịkị ḅioḅẹngbọ kẹ ḅụụ ḅụ gbana na-iḅi ḅara simee, tẹ Tamụnọ í si-wẹrịso ḅa. KỊNỊNYANAḄỌ ḅe ḅịḅị pokii, anịsakị gbọrụ siye sọ ị́ ḅụụ paka ḅịa.

Egberima-Ẹkwẹn 28:14

Sakị mamgba KỊNỊNYANAḄỌ ḅe ḅịḅị pokii, anịsakị í ḅioḅẹlẹ ḅa. Ị́ kọngọ-kụrọmarị ḅẹḅẹ ị́ faa ḅa.

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Ayịzaya 42:24

Tụḅọ Izirẹlị koroma-so ama kẹ fọịn apụ pịrị? KỊNỊNYANAḄỌ ḅe ḅioju, in si kẹ mịẹ ḅọ ḅe! Wa ḍụkụ tẹ ò ḅiim wa ḍumo kọn ḅẹ ḅara kẹ ḍumo kọn-a anịanịa ọ̀ kẹ wa pịrị tolumaye mẹ poki tẹ mị.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Jerimaya 10:7

Tụḅọ ị́ kụn ḅịa, sịẹ mamgba amadaḅọ ḅe? Ị́ kụn gbẹm. Ị́ kịka gbọrụḅọ-sọ ofori sịẹ-sịẹ mamgba ḅẹ ye-nimiapụ ma ogboku, anịanịa ịna amadapụ ma ogboku.

Jerimaya 26:4

KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 32:23

Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Jerimaya 36:24

Kụma amadaḅọ ḅe-o, ọ̀ fịrịmẹnjị-opuapụ ma ḅẹ gbọrụḅọ-o, tẹ mie mẹmgba naa apụ ma gbọrụ ḅalafa anịanịa gbọrụ kururu sọ ḍie-pakama-a.

Jerimaya 44:23

Mịọkụ ḅo ọ́ la wararị opu ḅụụ-fụka mẹ ọmịnị agba mịẹ-mịẹ oru-atamụnọ ma pịrịarị ye na ọ́ kẹ Tamụnọ mịẹ si, anie ori oloko ma koko-a ḅụ, anị ḅọrọ ḅom.”

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 9:4

“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”

Malakayị 4:2

Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara.

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Luku 23:40

Anịtẹso osi-ḅọ ḅe nwẹnị ò ḍiki ịganị, “Ị́ Tamụnọ ḍiki ḅalafa-a aro? Í kọkọ ori na gbọrụ fomu-ḅara daarị.

Romu 11:20

Ọkọọ. In minini nyana-a mie in gotẹ ini anyịma sin ye, anị kụma ọmịna minini mie pịkị ọ́ kẹ kiri ḅụ wẹrị ye. Kụma ọmịnị anị kẹ opu amịẹaị mịẹ ma; anie nakara ọ́ ḅalafaa.

1 Pita 5:6

Ọkọẹrẹsị, ọmịnị ọmịna ḅụụ iderimaa, Tamụnọ kụrọtẹ ḅara mẹ suku-ḅio ḅụ, mịẹtẹ ori iḅi sakị ḅụ ọ̀ nwẹnị ọ́ saakị-gelema ḅẹ ḅara.

Mịẹfinji 15:4

KỊNỊNYANAḄỌ, tụḅọ í mangịma ḅịa? Tụḅọ í opu mẹ ḍuko-pakama ḍụkụ ḅịa? Ị́yẹrị ngẹrị anie fịafịa ḅọ. Tomikiri ḅẹ asịẹ mamgba ḅo tẹ sunsin ị́ pịrị ḅa, kịnị mamgba í iḅi amịẹaị ma ẹrị tẹ ẹrẹsị.”