Jerimaya 43:7 - FỊAFỊA BAỊBỤLỤ

⁷ Ịn KỊNỊNYANAḄỌ ḅe tọn ye poki tẹ mịẹ-a tẹ so Ijiputi mum, nwenii Tafanisi opu ama mẹ la.

Jerimaya 43:7 Iomraidhean Croise

2 Amadapụ 25:26

Anịtẹso, tomi mamgba kala na opu na, ọmụ-ogbo mẹ ḅẹ ọmụ-alapụ ma na, nwẹnị saakị so Ijiputi mu, gbala ịn Babịlọnị ḅẹ apụ ma ḍiki-ḅalafarị ẹrẹsị.

2 Paka-aị 25:16

Kụma amụ ori ẹkwẹn pẹlẹ-a ogbo amadaḅọ ḅe nwẹnị ọ̀ ḅẹẹ, “Wa ị́ kẹ nimi kẹ amadaḅọ ḅe tolumaḅọ sọma tẹ? Dasịẹma! Í tiegotẹ fịị ḅio sọ na-iḅi?” Anieḅụ ịkịankoroḅọ ḅe dasịẹmam, kụma ọ̀ ḅẹẹm, “À nimi wararị mịnẹ Tamụnọ ị́ ḅaa ḅẹ tọn pẹlẹ tẹ, ị́ miemẹ mịẹ tẹ, pịkị à kẹ í toluma ye mẹ poki-a ẹrẹsị.”

Ayịzaya 30:2

In mu Ijiputi ḅara ḅarasụa ḅiiarị ị̀ ḅịḅị gbela-a ḅara ḅụ. In ḅiiarị Ijiputi ịn gbaịn ḅọrọma. Mie ḅụ ini Ijiputi ḅẹ amadaḅọ kẹ ḅiokpọmarị.

Ayịzaya 30:4

Karakaraye ịna tọrụ ḍima tẹ mu apụ ma Ijiputi ḅẹ maa opu ama, Zohanị na Hanisi na la tẹ sọ,

Jerimaya 2:16

Inn, Mẹmụfịsị na Tafanisi na ḅẹ apụ ọ̀ sịḅị fomu-puu tẹẹ.

Jerimaya 41:17

Ịn nwẹnị so Ijiputi mu ḅẹ tẹ saakị mẹnjị mu, tẹ nwẹnị Bẹtịlịhẹmụ kpeki wararị Gerutu-Kimihamụ ḅụ daasịẹ, anie

Jerimaya 42:21

Tẹ mịọkụ à ḍuko ọ́ pịrị tẹẹ, kụma ọ́ KỊNỊNYANAḄỌ wamịna Tamụnọ ḅe ị̀ fịrịma tẹ à ḍuko ọ́ pịrị ye goyegoye ó poki tẹ mịẹ-a.

Jerimaya 44:1

KỊNỊNYANAḄỌ ḅe ẹkwẹn ị̀ pịrịm Izirẹlịapụ tẹ Ijiputi sịẹ ḅio angarị apụ ma gboloma ye, mịna opu ama ma ḅio — Migidọlị na, Tafanisi na, Mẹmụfịsị na, pịkị sịẹ mẹ ḅẹ suku-jụ da pakịrị anga na.

Jerimaya 44:24

Anịtẹso Jerimaya kịnị mamgba ḅẹẹm, ereme sọ ịna ḅụ simem, “Ọmịnị Juda ḅẹ apụ tẹ Ijiputi ḅụ simearị apụ, ọ́ KỊNỊNYANAḄỌ ḅe ẹkwẹn naa.

Jerimaya 46:14

Ijiputi ḅẹ ama ma ḅio ḍuko wasama, Migidọlị na, Mẹmụfịsị na, Tafanisi na ḅụ, ọ́ tẹlẹma tẹ ọmịna aḅụụ ḍụa; ọmịnị-mgba ọmụ ḅio ini ọ́ ḅaa-guluguluma ḅa!

Izikẹlị 30:18

Kanakana Tafanisi gbaịn ḅa arị Ijiputi kụrọ mẹ ḅụọ anyịma, tẹ mịẹ tẹ Ijiputi kẹ ḅụụ-boma-boma ịnyọ ma à ḅụụ so sakị. Oḅuto Ijiputi ḅara ḅụ.