Jerimaya 43:6 - FỊAFỊA BAỊBỤLỤ

⁶ owiapụ na, ereme na, awọmẹ na, amadaḅọ ḅe eremịna-awọmẹ ma na. Nebuzaradanị ḅẹrẹtọn ọmụapụ pịrị-ḅọ ḅe kẹ Gadalaya suku-ḅio wẹrị tẹ ò ḍikiḍiki sime apụ mamgba sọ ịn kẹ sụa som, Baruku na yẹrị na sọ ịna ḅụ simem.

Jerimaya 43:6 Iomraidhean Croise

Jerimaya 38:22

Anị ḅio ḅụ arị ẹrịm Juda ḅẹ Amada-Opu-warị mẹ ḅio kirikọn ereme mamgba ini ịn kẹ mẹnjị paka mu Babịlonịya ḅẹ amadaḅọ ḅe ọmụ-alapụ ma pịrịm.” In muarị sakị in ḍuko ye poki: Amadaḅọ ḅe ḅụụ iḅitẹịn ikiapụ ọ̀ da irima tẹẹ, ini rẹ ḅẹrẹtọn ọ̀ pịrịm. Tẹ mịọkụ ori aḅụọ opou ḅio ḍiḅi sọ-mu tẹso ori ikiapụ ma ò koroma-so tẹẹ.

Jerimaya 39:10

Juda ḅẹ amakiri mẹ ḅụ ori koroma so apụ anie igoin-tẹịn apụ, tẹ gberie-sọ nyana-a apụ, tẹ ọ̀ kụrọ aḍụọ na ḍụọ kọrị akiri na kẹ ịn pịrịm.

Jerimaya 40:11

Ma ma mịẹarị sakị Izirẹlịapụ mamgba tẹ Mohabụ, Amọnị, Idọmụ na jen asịẹ ma ḅụ sime apụ ma naa tẹ mịnẹ Babịlonịya ḅẹ amadaḅọ ḅe minini ja Izirẹlịapụ pịrịtẹ in Juda ḅụ sime, ọ̀ pịkị Gadalaya kẹ ḅẹrẹtọnḅọ mịẹ tẹẹ.

Jerimaya 40:7

Juda ḅẹ fịrịmẹnjị-opuapụ na ọmụapụ na ḅẹ jen-apụ amụ ḅara saakị Babịlonịya ḅẹ ọmụapụ ma pịrị-a. Ịn naam mịnẹ Babịlonịya ḅẹ amadaḅọ ḅe Gedalaya kẹ ḅẹrẹtọnḅọ sọma tẹ ọ̀ kẹ ama mẹ ḅụ ini ọkị so Babịlonịya mu-a apụ ma ḍikiḍikiḅọ mịẹ tẹ ama mẹ ḅio igoin-tẹịn apụ ma.

Jerimaya 41:10

Anịtẹso Isimẹlị nwẹnị amadaḅọ ḅe eremịna-awọmẹ ma na Mizipa ḅụ, ḅẹrẹtọn ọmụapụ ma pịrịarị ọmụ-alaḅọ Nebuzaradanị ḅe kẹ Gedalaya suku-ḅio wẹrị apụ ma ḅụ kirikọn-apụ mamgba na ọkị-so, ikoliapụ ḅara ḅụ, tẹ ịn kẹ Amọnị ibe pakịrị anga da-mum.

Jerimaya 43:3

Baruku, Nẹrịya tụḅọ í toluma tẹ ị́ wamịnị na tụḅụrụarị, mịẹ tẹ Babịlonịya ḅẹ apụ ma wa nẹngịma tẹ wa ḅaa anịanịa wa ọkị-so Babịlonịya mu ḅẹ ḅara.”

Jerimaya 45:1

Jehohakịmụ, Josaya owiḅọtụḅọ ḅe Juda da tẹ ini karama kụra mẹ ḅụ, Baruku à ḍuko ọ̀ pịrị ye kẹẹ koromam. Anịtẹso à ḍuko ọ̀ pịrịm,

Jerimaya 52:10

Ribila ḅụ Zẹdẹkaya amịna atọrụngbọ kẹ ḍikiarị ogbo Nebukadineza ori owiapụ-awọmẹ ḅaa famam tẹ pịkị ọ̀ fịrịmẹnjị-opuapụ ma sọ kẹ si mịẹ apụ ḅara ḅaam.

Kururu Owu-apọkọ 3:1

Yẹrị anie tomḅọ tẹ tọrụngbọ kẹ ḅụụ-fụka ẹrị tẹ ḅọ ọ̀ kụrọ ịganị mẹ ḅẹ fomuye suku-ḅio ḅụ.

Jọnị 21:18

À karakara mẹ ḍuko ị́ pịrịarị, ị́ asambịrịma sakị ḅarana ị́ ḅụụ tẹlẹma tẹ í ḅiotọn anga, tọn anga mu mum, kụma ị́ ḅo omongi sakị, ị́ ị́ aḅara sụn-pakama tẹ jụmọ ị́ fịna tẹ ị́ kẹ í ḅii-a anga mu ḅa.”