Jerimaya 43:3 - FỊAFỊA BAỊBỤLỤ

³ Baruku, Nẹrịya tụḅọ í toluma tẹ ị́ wamịnị na tụḅụrụarị, mịẹ tẹ Babịlonịya ḅẹ apụ ma wa nẹngịma tẹ wa ḅaa anịanịa wa ọkị-so Babịlonịya mu ḅẹ ḅara.”

Jerimaya 43:3 Iomraidhean Croise

Devidi-Anume 109:4

Ini ị̀ na tụḅụrụarị, yẹrị ịn ḅẹlẹmarị tẹ tẹkẹ ịn pịrịtẹ sọ.

Jerimaya 32:12

arị arị kẹ Baruku pịrịm, anie Nẹrịya owiḅọtụḅọ, pịkị Masẹya taa-owiḅọtụḅọ ḅe. Hanamẹlị na, kiri mẹ ḅụ sime tẹ ḅara-pono kẹ fẹẹ ḍiri mẹ ḅio sụa apụ ma na, amadaḅọ onu mẹ ḅio sime owiapụ ma na tọrọkọ mie à kẹ ọ̀ pịrị yee.

Jerimaya 36:10

Anịtẹso, tomi mamgba pokiarị ogbo, Baruku in-ikoarị-abịlala mẹ ḅio sime ye goyegoye, tẹ àrị ọ̀ ḅẹ ye mẹ gom. Tamụnọ-warị mẹ ḅio ò miemẹ mịẹm, Gemaraya, Safani tụḅọ ḅe ḅio mẹ ḅụ, anie ama-da warị mẹ ḅẹ ḍiri-kẹẹḅọ ḅe ḅio ḅụ. Ò ḅio mẹ, ama-da warị mẹ ḅẹ ọgọnọ-jụ ḅụ Tamụnọ-warị mẹ ḅẹ Ịwọ Onu-ḅọkọ mẹ tolu-sọ anga mẹ kpekim.

Jerimaya 36:26

Anịtẹso ọ̀ tọn Jeramili, amadaḅọ tụḅọ ḅe pịrị tẹ Sẹraya, Azarẹlị tụḅọ ḅe na, Selemaya, Abudili tụḅọ ḅe na kẹ ọ̀ ḅụ sụam mịnẹ ini yẹrị na ì ḍiri-kẹẹḅọ Baruku na kun. Kụma KỊNỊNYANAḄỌ ḅe wa kikimam.

Jerimaya 36:4

Mie ḅụ à nwẹnị Baruku, Nẹrịya tụḅọ ḅe sịn tẹ KỊNỊNYANAḄỌ ḅe ḍuko ị̀ pịrị tẹ ye goyegoye ḍuko-ḍuko ọ̀ pịrị tẹ ori anị kẹẹ. Baruku mie mẹmgba kẹ in-ikoarị-abịlala mẹ ḅio kẹẹ koromam.

Jerimaya 38:4

Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Jerimaya 41:18

Babịlonịya ḅẹ apụ ma ḅara-gbarị ḅẹ ḅara. Ịn Babịlonịya ḅẹ apụ ma gotẹ ḅalafaam, anie Isimẹlị, Netanaya tụḅọ ḅe Gedalaya, Ahikamụ tụḅọ ḅe ḅaa ye mẹ ẹrẹsị, anie Babịlonịya ḅẹ amadaḅọ ḅe kẹ ama mẹ ḅụ ḅẹrẹtọnḅọ sọma ḅọ ḅe.

Jerimaya 43:6

owiapụ na, ereme na, awọmẹ na, amadaḅọ ḅe eremịna-awọmẹ ma na. Nebuzaradanị ḅẹrẹtọn ọmụapụ pịrị-ḅọ ḅe kẹ Gadalaya suku-ḅio wẹrị tẹ ò ḍikiḍiki sime apụ mamgba sọ ịn kẹ sụa som, Baruku na yẹrị na sọ ịna ḅụ simem.

Luku 6:26

“Tomi mamgba ọ́ kẹ iḅiye fiearị ḅẹḅẹ, ọ́ tẹkẹlẹ tẹẹ; ma gbọrụ aị ma mie ịna atẹngịapụ ma iruo ịkịankoroapụ ḅụ ḍuko aị ma.”