Jerimaya 43:2 - FỊAFỊA BAỊBỤLỤ

² Anịtẹso Azaraya, Hosaya tụḅọ, na Johananị, Kariya tụḅọ, na osi Opu ẹkwẹn kọn-kọn atomi ma na ị̀ ḅẹẹm, “Í iruoarị. KỊNỊNYANAḄỌ wamịna Tamụnọ ḅe ị́ fịrịma-a í ḍuko wa pịrị wa mu Ijiputi ḅụ angama.

Jerimaya 43:2 Iomraidhean Croise

Suku-saakị 19:14

Mie ḅụ Lọtị mẹnjị paka mu ò fụan-apụ ma tẹ ori eremịna-awọmẹ ma na sime ḅẹ apụ ma ḅẹẹm, “Ọ́ saakịị, tẹ mị yọ mẹ ḅụ paka-soo; kẹ gotẹ ọkọ ḅẹẹarị, KỊNỊNYANAḄỌ ḅe mị opu ama mẹ ḅaa guluguluma ḅẹ-yearị.” Kụma ọ̀ nwẹnị ò fụan-apụ ma ḅụ kịnị-ḍẹrịma tii-kọn-arịḅọ kịka.

2 Paka-aị 36:13

Ọ̀ nwẹnị pịkị sịḅị kụrọma Amadaḅọ Nebukadineza tẹ ọ̀ mịẹ tẹ ọ̀ Tamụnọ ḅụụ ye karị ḅo ḅe pịrị; ori ọ̀ kọngọ kụrọma tẹ ò ḅioḅẹngbọ kụrọma pịkị KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.

Devidi-Anume 119:21

Í opu amịẹaị mịẹ apụ ḍiki ịganị ịganịm; ị́ tọn kuroma aị ma poki tẹ mịẹ-a apụ anie woritẹ apụ.

Devidi-Anume 12:3

Yei KỊNỊNYANAḄỌ, furuma-ẹkwẹn ma kọn-arị aḅẹlẹ ma mịẹ tẹ arị gbọsime! Ḅụụ-bomarị aḅịḅị ma gbaịn, ini mẹ,

Devidi-Anume 123:4

Ngọ-kọnapụ kpọma wa kombo alama tẹ ḅara ḅakam, tẹ ḅụụ-boma apụ tẹ pịkị kịnị ponomarị apụ ma wa ḍiki sima tẹ.

Paka-so 5:2

Kụma Fero nwẹnị ḅẹẹ, “Anị KỊNỊNYANAḄỌ ḅe anie tụḅọ, tẹ arị pọkọ poki tẹ Izirẹlị wẹrịso tẹ ịn so ḅẹ? KỊNỊNYANAḄỌ ḅe arị ò nimi-a, anịsakị anie sikima, à ḍụkụ tẹ Izirẹlị so ḅịa.”

Paka-so 9:17

Ị́ paa ị́ ḅụụ saakị-gelema tẹ ị̀ atomi ma ẹngbẹsẹ tẹ ịn wẹrịso tẹ ịn so-a.

Egberima-Ẹkwẹn 16:5

KỊNỊNYANAḄỌ ḅe opu ẹkwẹn kọn-arị ḅọ goḅọ-goḅọ ḍiki-ḅioḅuarị; gbala-gbala ọ̀ ḍụkụ tẹ fomu-ḅara ịn gbarị ḅịa.

Egberima-Ẹkwẹn 30:9

À nyana ọkọ nẹngịma kụma, ẹbịsịya à ḅẹẹ ḅa arị ị́ kẹ mịẹ ḅẹ ye ofori. Kụma arị igoin kụma ẹbịsịya à furu tẹ ị̀ Tamụnọ tọrụ-tuu ḅa.

Egberima-Ẹkwẹn 6:17

ḅụụ-gelemarị tọrụngbọ, iruo-ḅẹlẹ, mịẹye-ofori apụ ḅaarị aḅara,

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Ayịzaya 7:9

Izirẹlị kụrọ Sameriya nẹngị-a gbọrụ ḅọkọ ḅụ sọ, anị ḅẹ sịḅịda ama mẹ; tẹ Sameriya pịkị kụrọ Ama-da Pẹka nẹngị-a gbọrụ ḅọkọ ḅụ sọ.” “Í minini tẹ inema tọrọkọ mu-a ḅẹḅẹ, ị́yẹrị sọ í sime tọrọkọ mu ḅịa.”

Ayịzaya 9:8

KỊNỊNYANAḄỌ ḅe ḅẹrẹ-pẹlẹ Izirẹlị sịẹ ọgọnọ gbanatẹ, Jekọbụ furo-ḅẹ-apụ ma ọgọnọ.

Jerimaya 13:15

Izirẹlịapụ, KỊNỊNYANAḄỌ ḅe ẹkwẹn tẹẹ! Ọ́ ḅụụ-lẹgịma tẹ ò pokii.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 40:8

Mie ḅụ Isimẹlị, Natanaya tụḅọ na, Johananị, Kariya tụḅọ na, Sẹraya, Tanihumẹti tụḅọ, Ẹfayị owiapụ-awọmẹ ma tẹ Nẹtofa ḅụ ḅo apụ ma, na Jezanaya, Mahaka ḅụ ḅọ apụ ma, na Jezanaya, Mahaka ḅụ ḅo ḅọ ḅe na nwẹnị ịna atomi na Gedalaya dama-mu Mizipa ḅụ.

Jerimaya 41:16

Anịtẹso Johananị na ọmụapụ sịḅịdapụ ma tẹ ori na sime apụ ma na nwẹnị ò Mizipa ḅụ Gedalaya ḅaa tẹso, Isimẹlị kẹ ikoliapụ ḅara ḅụ ọkị-so sime apụ ma kẹ so, tẹ nwẹnị in ḍikiḍiki — ịna ḅụ ọmụapụ na, ereme na, awọmẹ na, ḅụụ-pootẹ owiapụ na simem.

Jerimaya 41:18

Babịlonịya ḅẹ apụ ma ḅara-gbarị ḅẹ ḅara. Ịn Babịlonịya ḅẹ apụ ma gotẹ ḅalafaam, anie Isimẹlị, Netanaya tụḅọ ḅe Gedalaya, Ahikamụ tụḅọ ḅe ḅaa ye mẹ ẹrẹsị, anie Babịlonịya ḅẹ amadaḅọ ḅe kẹ ama mẹ ḅụ ḅẹrẹtọnḅọ sọma ḅọ ḅe.

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 42:20

mịnẹ ọ́ fị dogi-ḅo ọ́ pịrị ḅẹ mịẹ-irima mịẹarị. Ọmịnị ị̀ ḅara ḅiim à KỊNỊNYANAḄỌ wamịna Tamụnọ ḅe tẹkẹ ọ́ pịrị, tẹ ó mininim mịnẹ ọ̀ tọnye-tọnye ọ́ mịẹ ḅa.

Jerimaya 42:5

Anịtẹso ini ị̀ ḅẹẹm, “Yee KỊNỊNYANAḄỌ ḅe karakara ḅioḅẹngbọ-kẹ-sịrẹrẹ-niḅi ḅẹrẹ-kiri-simeḅọ sọ wa pịrị, wa KỊNỊNYANAḄỌ wamịna Tamụnọ ḅe tọn tẹ ị̀ kẹ wa pịrị aị ma poki tẹ mịẹ-a ḅẹḅẹ.

Jerimaya 43:1

À KỊNỊNYANAḄỌ ịna Tamụnọ ḅe ị̀ fịrịmam à ḍuko ịn pịrị ḅẹ ye goyegoye ḍuko ịn pịrịm.

Jerimaya 44:16

“Wa poki ḅịa, KỊNỊNYANAḄỌ ḅe ẹrẹ ḅụ í ḍuko wa pịrị tẹ ye mẹ.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”

1 Pita 5:5

Ọmịnị asawọ ma sọ ọkọ ḍikima tẹ sịḅị-tuu omongiapụ ma pịrịị, tẹ ọmịnị-mgba ḅụụ iderima kẹ tọrọkọ kikima ḅịtẹ sọma tẹ fịrịmẹnjị jụmọ-jụmọ pịrịị, kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tamụnọ ḅụụ-gelemarị ḅọ na tụḅụrụarị, kụma ḅụụ iderimarị ḅọ mẹ mie ori iḅi tọrụ kẹ ḍikiarị.”