Jerimaya 43:13 - FỊAFỊA BAỊBỤLỤ

¹³ Ijiputi ḅẹ Hẹlịyopolisi ḅụ simearị tẹ ịn kẹ tọn-tọn ḅara wẹrị wararị kịnị kẹ ḅiokoroma aḍụḅarị mamgba ò guluguluma ḅa, tẹ Ijiputi ḅẹ atamụnọ-awarị ma dọkịma kiri lama ḅa.”

Jerimaya 43:13 Iomraidhean Croise

Suku-saakị 41:45

Tẹ Fero nwẹnị ẹrẹ kẹ Josẹfụ sịn Zafẹnatị-Paniya, tẹ ọ̀ nwẹnị Pọtifẹra, Oni anie pịkị Hẹlịyopolisi opu ama mẹ ḅẹ agbamịẹḅọ ẹrẹḅọtụḅọ Asẹnatị kẹ ọ̀ pịrị sime. Mie ḅụ Josẹfụ mẹnjị paka mu Ijiputi ḅẹ ama mamgba la famam.

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Ayịzaya 19:18

Anị ene mẹ ḅụ, Hiburu ḅịḅị mẹ Ijiputi ḅẹ sọnọa ama ḅụ ini anị fie ḅa. Anị anga ḅẹ apụ ma Kụrọmamgba nyana KỊNỊNYANAḄỌ ḅe ẹrẹ mie ịn kẹ ye karị ḅarịye. Ama ma ḅẹ gberie ini anị sịn ḅa, “Ịrụa mẹ Ama.”

Ayịzaya 46:2

Oru-afụḅara ma inetẹ ịn ḅọrọma ḅịa; ini in kuun-ọkị so tẹẹ. Mie Babịlọnị atamụnọ ma kunoma mẹ!

Jerimaya 10:11

(Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 25:19

Fero, Ijiputi ḅẹ amadaḅọ, ò ḍikiḍikiarị apụ na opu fịrịmẹnjịapụ na ori atomi mamgba na,

Jerimaya 43:12

Arị Ijiputi ḅẹ atamụnọ-awarị ma dọkịma ḅa, tẹ Babịlonịya ḅẹ amadaḅọ ḅe ịna atamụnọ ma dọkịma-a so-so ori arị tan so Babịlonịya mu ḅa. Anana-ḍikiḍikiḅọ amịna akapa ḅụ iku kpọmbị siin fama ḅara mie Babịlonịya ḅẹ amadaḅọ ḅe kẹ Ijiputi ḅẹ amakiri mẹ kpọmbị fịafịama ḅarị ḅara, anịtẹso ori owu-ḅara-iḅiḅọ sọ ḅa.

Jerimaya 44:1

KỊNỊNYANAḄỌ ḅe ẹkwẹn ị̀ pịrịm Izirẹlịapụ tẹ Ijiputi sịẹ ḅio angarị apụ ma gboloma ye, mịna opu ama ma ḅio — Migidọlị na, Tafanisi na, Mẹmụfịsị na, pịkị sịẹ mẹ ḅẹ suku-jụ da pakịrị anga na.

Jerimaya 46:25

Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍukoarị, “À fomu-ḅara kẹ Amọnị pịrị ḅẹ-yearị, Tibesi tamụnọ ḅe, Ijiputi na anị ḅẹ atamụnọ ma na amadapụ ma na kẹ sụa. Àrị Ijiputi ḅẹ amadaḅọ ḅe na ọ̀ kẹ ḅiokpọmarị apụ mamgba na ọkị

Izikẹlị 26:11

Ịna ḅụ asụ kpọlị tẹ ọmụgbin-arị apụ ma ḍụrụkụ ma etela ma ḅụ ḅọrọ ḅa, ini ọkọ mịẹarị ini ị́ atomi ḅụ okologie sụka apụ ma ḅaarị. Í opu ḅeriaị ma in sukuruma kiri gbin ḅa.

Izikẹlị 30:13

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị, “Arị oru-afụḅara ma na tamụnọ-a atamụnọ ma na guluguluma ḅa Mẹmụfịsị ḅụ. Ijiputi da ḅẹ ḅọ paka ḅịa, tẹ à tomi ma tẹmẹ-naịn-naịnma ḅa.

Izikẹlị 30:17

Hẹlịyopolisi na Bubasitisi na opu ama ma ḅẹ asawọ ma ọmụ ḅio fịị ḅa, tẹ ini ikoliapụ ḅara kẹ osi apụ kun-so ḅa.

Danẹlị 11:8

Ịna atamụnọ ma afụḅara ma na golu na seleḅa na tẹ kẹ tọn ḅara wẹrị ịna atamụnọ pịrị aị ma ori ọkị pịkị so Ijiputi mu ḅa. Ịn tọnwa akụra kẹ dein ḅụ sime tẹso,