Jerimaya 43:11 - FỊAFỊA BAỊBỤLỤ

¹¹ Nebukadineza ḅo tẹ Ijiputi nẹngịma ḅa. Obi ḅụ fịị si-so sime pịrị apụ fịị ḅa, ikoliapụ ḅara kẹ kun-so si-so nyana apụ ini ikoliapụ ḅara kẹ in kun-so ḅa, tẹ ọmụ ḅio ịn ḅaa ḅẹ si-so nyana apụ ọmụ ḅio ini ịn ḅaa ḅa.

Jerimaya 43:11 Iomraidhean Croise

Jobu 20:29

Mie tomḅọ ḅe ḍiekiri, Tamụnọ sụa oloko ḅụ sime ọ̀ pịrị kiri.”

Jerimaya 15:2

Ini ịn tọ-anga mu ḅarị mọ kẹ í gbela sakị, ḍuko ịn pịrị mịnẹ yẹrị ḅẹẹm: obi ḅụ fịị sime jen-apụ pịrịm; anịanga mie ini mu ḅarịye! Ọmụ ḅio fịị sime osi apụ pịrịm; anịanga mie ini mu ḅarịye! Ḅuru-ḅa fịị sime jen-apụ pịrịm; anịanga mie ini mu ḅarịye! Ikoliapụ ḅara kẹ kun-so sime osi apụ pịrịm; anịanga mie ini mu ḅarịye!

Jerimaya 25:15

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Mie iru mọngị, ị̀ ịganị anị ḅio ḅin wararị. Anị ọkị tẹ kẹ arị ị́ kẹ fịrịmarị asịẹ mamgba muu, tẹ ịn mịẹ tẹ ini anị ḅio ḅuu.

Jerimaya 25:19

Fero, Ijiputi ḅẹ amadaḅọ, ò ḍikiḍikiarị apụ na opu fịrịmẹnjịapụ na ori atomi mamgba na,

Jerimaya 42:22

Mie ḅụ, ọkọ ḅẹḅẹ, ó miemẹ kẹ ḅiokoroma: ọmịnị ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ, ó mu anga ḅẹ-ḅiiarị amakiri mẹ ḅụ.”

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 44:13

À fomu-ḅara kẹ Ijiputi ḅio angarị apụ ma pịrị ḅa, à kẹ Jeruselemu fomu gbọrụ ḅara mẹ — ọmụ ḅụ, ḅuru-ḅa ḅụ, pịkị obi ḅụ.

Izikẹlị 29:11

Gbọrụ tomḅọ sọ, anịanịa nama sọ mẹnjị tolu-ḅọrọ ḅịa. Kụra amesi kụra amesi na gbasị ye ḅụ gberie-sọ anị yọ anga ḅịa.

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Zẹkaraya 11:9

Anịtẹso àrị anana ogbo mẹ ḅẹẹm, “À ḅarị jen kẹ ó ḍikiḍikiḅọ sọ ḅịa. Yee fịị ḅẹ apụ, fịị. Yee in guluguluma ḅẹ apụ, gulugulu. Kiri kọn apụ jụmọ-jụmọ guluguluma ḅa.”

Mịẹfinji 13:10

Ḅẹḅọ-ḅẹḅọ tẹ kun-ḅara ḅio sọọ ḅẹ ḅọ, piki-pikiye-ofori ḅara ḅụ, ini mḅọ kun ḅa; ḅẹḅọ-ḅẹḅọ tẹ ogie ḅịḅị ḅụ fịị ḅẹ ḅọ, piki-pikiye-ofori ḅara ḅụ, ogie mie mḅọ ḅaa ḅarịye. Miemẹ anị ye-inema na minini na ḅiiarị Tamụnọ atomi ma pakịrị anga ḅụ.