Jerimaya 43:10 - FỊAFỊA BAỊBỤLỤ

¹⁰ Anie ḅọrọ tẹso, ḍuko ịn pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ fịrịmẹnjịḅọ Ama-da Nebukadineza, Babịlonịya ḅẹ ḅọ ḅe, kẹ ḅo ḅẹ-yearị, tẹ ori amịna emine kẹ ma aḍụḅarị ma tẹ ḍiḅi aị ma ọgọnọ sịẹma tẹ amịna ama-da akpụrụ-warị mẹ arị gbaịn ḅa.

Jerimaya 43:10 Iomraidhean Croise

1 Amadapụ 20:12

Bẹnị-hadadị amadapụ ma na igurugu-awarị ma ḅio iru ḅuuarị ogbo, ọ̀ mị oku-ḅịḅị mẹ naa tẹso, ọ̀ nwẹnị ori atomi ma ḅẹẹ, “ọmịnị ọmịna sime akiri ọkịị.” Tẹ ịn nwẹnị ịna sime akiri ma ḅụ simem, owu kẹ opu ama mẹ paka ḅẹ ḅara.

1 Amadapụ 20:16

Ene-ogbo ḅụ ịn nwẹnị paka mu, Bẹnị-hadadị na ọ̀ ḅụụ sọ wararị amadapụ suei maa apụ finji ma igurugu awarị ma ḅio sime tẹ iru ḅuu-pụn-arị ogbo,

Devidi-Anume 18:11

Ọ̀ kanakana kẹ amịna ḅụụ gbaịnm; kpiti lamatẹ oḅuto, eene kuroma ḅẹ-yearị ye, ori ikelema-korom.

Devidi-Anume 27:5

Ḅụụ-fụka sakị ḅụ ori ị̀ sịḅị kikima ḅa; ori ị̀ kẹ ọ̀ warị ḅio koko kpaịnma ḅa tẹ ị̀ kẹ geletẹ, ye ḅo ị̀ la ḅịa ịkụ ọgọnọ-jụ ḅio gbana ḅa.

Devidi-Anume 31:20

Ị́ tọrọkọ ye ịn la ḅịa anga mẹ ḅụ ị́ ịn ḅọịarị, tomi ḅiya ịn pịrịarị aị ma ḅụ; ye ịn la ḅịa sịḅị-kikima-yọ ḅụ ị́ ịn ḅọịarị, si kẹ ịn tọn arị apụ kẹ in wori gulugulumarị aị ḅụ.

Ayịzaya 44:28

À Sayịrọsị ḅẹẹarị, ‘Ị́yẹrị anie ḅẹrẹtọn tomi pịrị ị̀ pịrị ḅarị ḅọ; à ḅii ye mie ị́ mịẹ ḅarịye; ị́ tọn tẹ in siin Jeruselemu nama ḅa pịkị Tamụnọ-warị mẹ ḅẹ suku mẹ saakị ḅa.’ ”

Ayịzaya 45:1

KỊNỊNYANAḄỌ ḅe Sayịrọsị sẹlẹ pakama-ḅo tẹẹ, ori ama-daa! Ori ọ̀ tọn tẹ ọ̀ sịẹ-sịẹ ma nẹngịma ḅa; ori ọ̀ kẹ fịrịmarị, ò mu amadapụ kụrọ siin ịna aḅara; KỊNỊNYANAḄỌ ḅe opu ama ma ḅẹ ogigo aḅọkọ ma finji ọ̀ pịrị ḅa. KỊNỊNYANAḄỌ Sayịrọsị ḅẹẹarị:

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Jerimaya 43:9

“Ḍụḅa-ḍụḅatẹ aḍụḅarị ọkị tẹ kẹ ḅọrọ kọnsịnị warị sọarị ḅọkọ mẹ suku ḅụ ḍiḅii, mị opu ama mẹ ḅio. Tẹ ị́ ọkọ mịẹarị sakị, yee Izirẹlịapụ ị́ ẹrị.

Jerimaya 46:13

Ama-da Nebukadineza, Babịlonịya ḅẹ amadaḅọ ḅe, owu kẹ Ijiputi paka ḅẹ ḅo sakị, KỊNỊNYANAḄỌ ḅe ẹkwẹn ị̀ pịrịm. Ori mẹẹ:

Jerimaya 49:38

Àrị ịna amadaḅọ ḅe na ịna sịḅịdapụ ma na ḅaa guluguluma tẹ ì emine kẹ anịanga sịẹma ḅa.

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Danẹlị 2:21

Ori anie ḅẹrẹtọn sakị-sakị ma pịrịarị; ori mie kịnị kẹ ama-damarị pịkị amadapụ sin-arị ori mie nimi na yefieye naa na kẹ kịnị pịrịarị.

Matiyo 22:7

Amadaḅọ ḅe nwẹnị ịganị lama; mie ḅụ ori ori ọmụapụ fịrịma mu arị kịnị-ḅaapụ ma ḅaa tẹ ịna ama dọkịmam.