Jerimaya 42:6 - FỊAFỊA BAỊBỤLỤ

⁶ Anị wamịna ḅụụ ḅẹlẹ-o, ḅụụ ḅẹlẹ-a-o, wa KỊNỊNYANAḄỌ wamịna Tamụnọ ḅe ḅịḅị poki ḅa, anie wa ḅiiarị ị́ ọ̀ tẹkẹ wa pịrị nwẹn ḅẹẹ ḅọ ḅe. Ye mamgba wamịnị na-iḅi ḅa wa ọ̀ ḅịḅị pokim ḅẹḅẹ.”

Jerimaya 42:6 Iomraidhean Croise

Devidi-Anume 128:2

Ị́ kọrịnama ḅụ paka-ḅo ye mie ị́ kẹ ị́ ḅụụ-fụka mịẹ ḅarịye; tẹ í ḅioḅẹlẹ ḅa, pịkị lọkọlọkọ ḅa.

Devidi-Anume 78:36

Kụma ịna ẹkwẹn ma iruo aị famam; ini ḍuko tẹ ịna tẹmẹ-la ye ofori.

Paka-so 24:7

Anịtẹso ori ọḅọkụ mẹ ḅẹ ḍiri mẹ ọkịm, tẹ tomi ma anị naarị ḅara kẹ anị gom; tẹ ịn nwẹnị pakịrị tẹ ḅẹẹ, “Ẹkwẹn tẹ KỊNỊNYANAḄỌ ḅe kọn tẹ ye mẹmgba wa mịẹ ḅa, anịsakị wa ḅịḅịpoki ḅa.”

Ayịzaya 3:10

Karakaraye-mịẹapụ ḅioḅẹlẹ ḅa, tẹ ye pịkị ini na iḅi ḅa. Ini ịn kọrị ḅo ye ḅẹ iḅi fị ḅa.

Jerimaya 22:15

Anie mịẹ tẹ í iḅi ja amadapụ nẹngị í sida awarị nama ye mẹ ḅụ, iḅi jen-apụ aị nẹngị aị ma? Ị́ ḍa ḅin tẹ ḅioḅẹlẹ ḍumo kọn ị́ nẹngịm. Ọ̀ sakị mamgba kịnị-inoma-a iḅi ḍumo kọnm, tẹ lolom ọ̀ mịẹ ye mịẹ ye ḅụ.

Jerimaya 43:4

Mie ḅụ Johananị-o, ọmụ-alapụ ma-o, tomi ma ḅụ ḅẹ gbọrụḅọ kịngẹ-o, KỊNỊNYANAḄỌ ḅe tọn ye mẹ poki tẹ Juda ḅẹ amakiri mẹ ḅụ sime-a.

Jerimaya 7:23

Kụma à tọn ịn pịrịm ini ị̀ ḅịḅị pokii, anie ḅụ àrị ịna Tamụnọ sọ tẹ ini ì atomi sọ ḅẹm. Tẹ à ḍuko ịn pịrịm ini à tọn ịn pịrị ḅara ḍiki ḍumo kọn, mịẹ tẹ ye ini na iḅi ḅarị ḅara.

Romu 7:13

Anị kụma iḅiye mẹ rẹ ḅo ị̀ ḅaa ye sọ tẹ? Gbọrụ ḅọkọ sọ ḅụ-a. Si mie mịẹ ye. Iḅiye mẹ ḅụ mie fịị ḅọrọ ḅo ị̀ la ye, anị amịna sime si ḅara mẹ ḍie-pakama ḅẹ ḅara. Mie ḅụ oloko mẹ tọn koroma ye mẹ ḅụ mie si kpọma ḅalafama ḅara kẹ amịna ḅụụ ḍie giregirema ye.

Romu 7:7

Ndẹẹ wa ḍuko ḅẹ ye? Oloko na si na gberie mụnọọ? Ọkọ-a. Kụma Oloko mẹ anie mịẹtẹ à si nimi ye. Oloko mẹ ḅẹẹm, “Jụmọ nye mọnị ma”, anieofori à tọ-ḅara mịẹ tẹ ye mọnị siye ḅara nimi ḅẹ?

Romu 8:7

Anie ḅụ, tomḅọ si sime-ḅara ḅẹrẹtọn tomḅọ pịrịarị ḅẹḅẹ, mḅọ Tamụnọ na fịya-a ḅọ sọ tẹ, mḅọ Tamụnọ oloko koko koko-a, karakaraye ḅụ mḅọ inetẹ koko ḅịa.

Ditẹrọnọmị 5:27

Sọma mu kpekii, tẹ KỊNỊNYANAḄỌ wamịna Tamụnọ ḅe ḍuko ḅẹ aị mamgba naa; tẹ KỊNỊNYANAḄỌ wamịna Tamụnọ ḅe ḍuko ị́ pịrị ḅarị aị mamgba ḍuko wa pịrị; anịsakị wa arị naa tẹ mịẹ ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Jọsụwa 24:24

Tẹ tomi ma nwẹnị Jọsụwa ḅẹẹ, “KỊNỊNYANAḄỌ wamịna Tamụnọ ḅe mie wa fịrịmẹnjị pịrị ḅarị ḅọ, anịsakị ọ̀ pọkọ mie wa poki ḅarịye.”