Jerimaya 42:3 - FỊAFỊA BAỊBỤLỤ

³ Tẹkẹ mịnẹ KỊNỊNYANAḄỌ wamịna Tamụnọ ḅe wa mu na-iḅi etela kẹ wa ḍie, pịkị wa mịẹ na-iḅi ye kẹ wa ḍie.”

Jerimaya 42:3 Iomraidhean Croise

1 Amadapụ 8:36

So-ḅio ḅụ ịn naa. Amadaḅọ ḅe na Izirẹlịapụ ma na asi ma wẹrịso ịn pịrị. Kuraye mẹ kẹ ịn toluma tẹ ịn mịẹ. Anịtẹso ọkụma, eene kẹ mie ị́ ama mẹ fịrịmaa, ị́ kẹ ị́ atomi pịrịm ịn gbọrsịḅị angaa tẹ nyanaa ḅẹ ama mẹ.”

Ẹzịra 8:21

Anịtẹso à nwẹnị Ahava tọrụ akaka mẹ ḅụ ḅuru-ịmọ kẹ kpo-kpo gbolo wasa, mịẹtẹ wa wamịna Tamụnọ tọrọkọ wamịna ḅụụ iderima tẹ ọ̀ ḅụụ ḅụ gono-gono etela ḍọkị wamịna ḅụụ na, wamịna awọmẹ na, wamịna ngọ mamgba na pịrị ḅẹ ḅara.

Devidi-Anume 27:11

KỊNỊNYANAḄỌ, í ḅiiarị à mịẹ nwẹn ḅẹẹ ye kẹ ì toluma, tẹ ye ị̀ la ḅịa etela ḅụ ị̀ tọrọkọ-sụn mu, si kẹ ị̀ tọn-arị apụ ḅakam ẹrẹsị.

Devidi-Anume 86:11

KỊNỊNYANAḄỌ, í ḅiiarị à mịẹ ḅẹ ye kẹ ì toluma, tẹ à ḅioḅẹngbọ-kẹ-sịrẹrẹ-niḅi ḅara kẹ ị́ ḅịḅị poki ḅa; ì toluma tẹ à ḅụụ mẹmgba saakị ị́ pịrị ḅara kẹ fịrịmẹnjị ị́ pịrị.

Egberima-Ẹkwẹn 3:6

Ị́ mịẹarị ye goyegoye ḅụ KỊNỊNYANAḄỌ ḅe kẹ ḅiokoromaa, tẹ ọ̀ karakara etela mẹ kẹ í ḍie ḅa.

Ayịzaya 2:3

tẹ ịna atomi ḅẹẹ ḅa, “Ó yee wa KỊNỊNYANAḄỌ ḅe tụndụ mẹ kpọlị iwo mu Izirẹlịapụ tẹkẹarị Tamụnọ ḅe Warị mẹ la. Ori ò ḅiiarị wa mịẹ ḅẹ ye kẹ wa toluma ḅa; wa ori sẹlẹ-ọkị tẹ etela mẹ ḅụ mẹnjị ḅa. KỊNỊNYANAḄỌ ḅe tolumaye mẹ Jeruselemu ḅụ paka-ḅoarị ẹrẹsị; Zayọnị mie ò sime tẹ ẹkwẹn ori atomi pịrịarị.”

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Mayịka 4:2

anịsakị sịẹ-sịẹ ma ḅụ ḅo atomi ma ḅẹẹ ḅa, “Ḅoo, ye wa KỊNỊNYANAḄỌ ḅe tụndụ mẹ kpọlị, tẹ Izirẹlịapụ tẹkẹarị Tamụnọ ḅe Tẹkẹ-warị mẹ mu; mịẹtẹ ori ori etela ma kẹ wa toluma, tẹ wa arị ḅụ mẹnjị ḅẹ ḅara. Gbala KỊNỊNYANAḄỌ ḅe ẹkwẹn-ḅịḅị mẹ Jeruselemu ḅụ ḅom, tẹ Zayọnị ḅụ ori ẹkwẹn ori atomi pịrịm.”

Ditẹrọnọmị 5:26

Kẹ gotẹ ọkọ ḅẹẹarị, meni mamgba ḅụ tụḅọ emi tẹ wa naa tẹ ḅara kẹ kọrị fịnị ogboku ḅụ ḍumo wararị Tamụnọ ḅe ẹkwẹn-arị tẹ naa tẹ paa ḍumo-sime tẹ ḅọ?

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.