Jerimaya 42:22 - FỊAFỊA BAỊBỤLỤ

²² Mie ḅụ, ọkọ ḅẹḅẹ, ó miemẹ kẹ ḅiokoroma: ọmịnị ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ, ó mu anga ḅẹ-ḅiiarị amakiri mẹ ḅụ.”

Jerimaya 42:22 Iomraidhean Croise

Ayịzaya 30:3

Kụma amadaḅọ ḅe kụrọ nyana tẹ kẹ ḅarasụa ịn pịrị ḅịa, tẹ Ijiputi ịn gbaịn ḅọrọma ḅarị mẹ opu ḅụụ-fụka kẹ kunoma ḅa.

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 42:17

Inimgba tẹ tọn-koroma tẹ mịnẹ in mu Ijiputi ḅụ anga ḅa ḅẹ apụ ma ọmụ ḅio, anịanịa obi ḅụ fịị ḅa. Ịna ḅụ gbọrụḅọ-sọ fịị-a so ḅịa, gbọrụḅọ-sọ àrị ọkị-ḅo ịna ọgọnọ gbana ḅarị opu ḅụụ-fụka mẹ gbarị ḅịa.’ ”

Jerimaya 43:11

Nebukadineza ḅo tẹ Ijiputi nẹngịma ḅa. Obi ḅụ fịị si-so sime pịrị apụ fịị ḅa, ikoliapụ ḅara kẹ kun-so si-so nyana apụ ini ikoliapụ ḅara kẹ in kun-so ḅa, tẹ ọmụ ḅio ịn ḅaa ḅẹ si-so nyana apụ ọmụ ḅio ini ịn ḅaa ḅa.

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Izikẹlị 33:27

“Ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ịna ḅeri nụnụarị mịnẹ yẹrị ḍumo wararị Tamụnọ ḅee ẹrẹsị, kaan-saratẹ opu ama ma ḅio angarị apụ ma ini ịn ḅaa ḅa. Piri ọgọnọ-jụ angarị apụ ma piri-ḅio-ḅẹ si anama ịn pẹị ḅa. Tụndụ ma ḅio na fukuru ma ḅio na ḅọị wararị apụ ma, obi ḅụ fịị ḅa.

Izikẹlị 6:11

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ḅara ḅaa! Ḅụọ kẹ kiri tẹịn! Kururu ḅụ owu, anie siye mẹmgba na ḅụụ-ngụngụma aị na tẹ Izirẹlịapụ mịẹ tẹ aị gotẹ. In mu ọmụ ḅio na, ḅuru-ḅa na obi na ḅụ fịị ḅẹ-yearị.

Izikẹlị 6:12

Ala-jụ simearị apụ obi tẹ fịị ḅa; kpeki anga simarị apụ ọmụ ḅio fịị ḅa; arị aị ma gbarị apụ ḅuru-ḅa ḅụ fịị ḅa. Ini ị̀ ịganị ḅẹ kụrọmamgba da ḅa.

Hosiya 9:6

Opu ḅụụ-fụka ḅoarị sakị ḅụ, tẹ tomi ma gala-galama sakị, Ijiputi-ḅẹ-apụ in kobiri kpoo ḅụ wẹrị ḅa — in kobiri tẹ ịn kẹ ḍiḅi ḅẹ ḅara anịanga Mẹmụfịsị ḅụ! Ịna seleḅa ngọ ma na ịna sime-ayọ ma tẹ gbọrụ sakị ḅụ sime-sime anga mẹ ḅụ osuka paka ḅa pịkị nangị asịn na.