Jerimaya 42:21 - FỊAFỊA BAỊBỤLỤ

²¹ Tẹ mịọkụ à ḍuko ọ́ pịrị tẹẹ, kụma ọ́ KỊNỊNYANAḄỌ wamịna Tamụnọ ḅe ị̀ fịrịma tẹ à ḍuko ọ́ pịrị ye goyegoye ó poki tẹ mịẹ-a.

Jerimaya 42:21 Iomraidhean Croise

Devidi-Anume 81:12

Ọkọẹrẹsị àrị ịn wẹrịso tẹ ini ịna kọngọ kụrọma etela ma mẹnjị tẹ in ḅii-ye ḅii-ye mịẹm.

Jerimaya 43:1

À KỊNỊNYANAḄỌ ịna Tamụnọ ḅe ị̀ fịrịmam à ḍuko ịn pịrị ḅẹ ye goyegoye ḍuko ịn pịrịm.

Jerimaya 43:4

Mie ḅụ Johananị-o, ọmụ-alapụ ma-o, tomi ma ḅụ ḅẹ gbọrụḅọ kịngẹ-o, KỊNỊNYANAḄỌ ḅe tọn ye mẹ poki tẹ Juda ḅẹ amakiri mẹ ḅụ sime-a.

Jerimaya 43:7

Ịn KỊNỊNYANAḄỌ ḅe tọn ye poki tẹ mịẹ-a tẹ so Ijiputi mum, nwenii Tafanisi opu ama mẹ la.

Izikẹlị 2:7

À ḍuko ị́ pịrịye pịrịye í ḍuko ịn pịrị ḅa, in poki-o, in poki-a-o. Ini kọngọ-kụrọma-apụ mẹ kẹ ḅiokoroma.

Izikẹlị 3:17

Ori mẹẹ, “Fịị-fịị tomḅọ, àrị ị́ kẹ Ama-koruḅọ mịẹ Izirẹlị sịẹ mẹ pịrịarị. Ị́yẹrị à kẹ ị́ pịrịarị ḅeri nụnụ oku ma da-saḅama ịn pịrị ḅa.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Izikẹlị 33:32

Ịna ḅụ í simearị ḅara anie papaa ḅẹlẹma anume suu-suu kịnị ḅioḅẹlẹmarị ḅọ anịanịa ọbọ farịḅọ. Ị́ ẹkwẹn mamgba in pokiarị kụma kpọkpọ gbọrụmgbọ-sọ ịn kẹ ye mịẹ-a arị ḅụ.

Fịrịmẹnjịapụ 20:20

Ọ́ nimi wararị mịnẹ, anị ḅọrọ etela-ogbo-o, ḅọrọ ọmịna awarị ḅio-o, arị ẹkwẹn ọ́ pịrị-pịrị tẹ ye kẹ ó tolumarị sakị, kẹ ḅarasụa ọ́ pịrị na-iḅi tẹ à kikima ye ofori.

Ditẹrọnọmị 29:19

Gbọrụḅọ-sọ ye karị ḅara kẹ fị ọḅọkụ mẹ ḅẹ ẹkwẹn-aḅịḅị ma naa tẹ ḅioḅẹngbọ ḅụ amịna ḅụụ boma tẹ ḅẹẹ ma: Ị̀ la ḅẹ ye ofori, àrị ị̀ kụrọtẹ ḅioḅẹngbọ ḅụ mẹnjị sọ! Miemẹ anị fomu-ḅara na gulugulu na dogi-ḅo tomi mamgba pịrị ḅa — iḅi-apụ na si-apụ na.

Ditẹrọnọmị 30:15

“Ḍikii, mịmgba ḅụ à ḍumo na, iḅi na; fịị na, siye na, kẹ ọmịna tọrọkọ koroma tẹ.

Ditẹrọnọmị 30:19

À mịmgba So na Kiri na sịn ḅẹrẹ-kiri sime aị mịẹ ọ́ pịrịarị, mịnẹ à ḍumo na fị na, Tamụnọ boma na Tamụnọ wori-nume na kẹ ọmịna tọrọkọ koroma tẹẹ; anịẹrẹsị ó ḍumo sẹlẹ-ọkị, mịẹtẹ ọmịnị na, ọmịna aḅụụ paka-ḅo apụ na ḍumo ḅẹ ḅara.