Jerimaya 42:2 - FỊAFỊA BAỊBỤLỤ

² tẹ ị̀ ḅẹẹm, “Sisi wa ḅiiarị ye mịẹ wa pịrịị! KỊNỊNYANAḄỌ wamịna Tamụnọ ḅe tẹkẹ wa pịrịị. Tẹkẹ wamịnị-mgba tẹ fịị-a so apụ ma pịrịị. Gbọrụ sakị wamịna ḅụ ḅẹ tọnwa-apụ simem; kụma mịọkụ wamịna ḅụ boowa apụ kịngẹ kọn tẹẹ, í inetẹ ẹrịarị ḅara ḅụ.

Jerimaya 42:2 Iomraidhean Croise

1 Amadapụ 13:6

Amadaḅọ Jerobohamụ nwẹnị Tamụnọ tomḅọ ḅe ḅẹẹ, “KỊNỊNYANAḄỌ, ị́ Tamụnọ ḅe ḍiki-ḅụụjịrị ḅii, tẹ tẹkẹ ị̀ pịrị, mịẹtẹ ị̀ ḅara mẹ ḅo anị sime-ḅara sime ḅẹ ḅara”. Tẹ Tamụnọ tomḅọ ḅe nwẹnị KỊNỊNYANAḄỌ ḅe ḅara ḅụ ḅii, tẹ amadaḅọ ḅe ḅara mẹ nwẹnị ḅo anị sime-ḅara sime.

Devidi-Anume 119:170

Ị̀ tẹkẹ pokii, tẹ ị̀ ḅọrọmaa, ị́ wẹrịtẹ minini ḅara ḅụ!

Paka-so 8:28

Anie ḅụ Fero nwẹnị ḅẹẹ, “Mu ịkpa mẹ ḅio agba mịẹ KỊNỊNYANAḄỌ ọmịna Tamụnọ ḅe pịrị gotẹ arị ọ́ wẹrịso tẹ ó mu ḅa; kụma ó so ala-jụ mu ma. Ọ́ KỊNỊNYANAḄỌ ḅe tẹkẹ ị̀ pịrịị.”

Paka-so 9:28

Ọ́ KỊNỊNYANAḄỌ ḅe tẹkẹẹ; kẹ gotẹ ọkọ ḅẹẹarị, mị so-alagba mẹ tẹ tẹịn-arị ye mẹ na, sararị so-aḍụḅarị ma na iḅi tẹẹ; à wẹrịso tẹ ó so ḅa, ọ́ ḅarị jen kẹ mịanga sime ḅịa.”

Ayịzaya 1:15

“Ọ́ ḅara saakị so da tẹ tẹkẹ ḅarị sakị arị ó ḍiki ḅịa. Ọ́ tẹkẹ mu laa ḅara laa ḅara sọ, à poki ḅịa, kẹ gotẹ ọkọ ḍukoarị, ọmbie ọmịna aḅara ọmbịma fama wararị.

Ayịzaya 1:9

Kụrọmamgba nyana KỊNỊNYANAḄỌ ḅe mịẹ tẹ ja atomi kọn wa pịrị-a namịna mimgbe Jeruselemu papaa gulugulu fa tẹẹ, tẹ wa ḅo gbọrsịḅị Sọdọmụ na Gomora na sime-ḅara sime tẹ.

Ayịzaya 37:4

Asiriya tomikiri mẹ daarịḅọ ḅe ọ̀ sịḅịda fịrịmẹnjịḅọ fịrịma-ḅom ò ḅo ḍumo wararị Tamụnọ ḅe mịẹ-simaa. Yee KỊNỊNYANAḄỌ ị́ Tamụnọ ḅe, mịna mịẹ-sima aị ma ḍuko apụ ma fomu-ḅara kẹ ịn pịrị. Mie ḅụ Tamụnọ tẹkẹ wamịna atomi ma ḅụ kirikọn-apụ ma pịrị.”

Ayịzaya 42:20

Izirẹlị, í ye ẹrị lama tẹẹ, kụma anị tiye fie ị́ pịrị? Í ḅeri nyana wararị kẹ ye-naa ḅẹm, kụma karakaramatẹ ị́ naa ḅo ye tiye?”

Jerimaya 15:11

KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 21:2

“Sisi ḍuko KỊNỊNYANAḄỌ ḅe pịrị wa pịrịị, Babịlonịya ḅẹ Ama-da Nebukadineza ori ọmụ-ogbo kẹ opu ama mẹ ikelema-koro tẹ anị ọkị ḅẹ ẹrẹsị. Ẹbịsịya KỊNỊNYANAḄỌ ḅe ọ̀ ḅụụ-buama-aị ma ḅẹ gberie mịẹ wa pịrị tẹ kụrọ-ḅara kẹ ọ̀ mịẹ tẹ ọ̀ pịkị-so ḅa.”

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Jerimaya 37:20

Tẹ mịọkụ, Í Opu ḅụ, arị ị́ tẹkẹm ì poki tẹ à ḅiiarị ye mịẹ ị̀ pịrị. Sisi ḅarị ị̀ kẹ pịkị Jonatanị warị ḅẹ ikoli mẹ mu ma. Ị́ ọkọ mịẹ kụma, piki-pikiye-ofori ḅara ḅụ à fịị ḅa.”

Jerimaya 37:3

Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 38:14

Jen gbọrụ sakị ḅụ Ama-da Zẹdẹkaya ị̀ kẹ ò sime anga ḅom Tamụnọ-warị mẹ ḅẹ tẹrẹị karama ḅọkọ mẹ ḅụ, tẹ ori ị̀ ḅẹẹm, “À ye kẹ í gbela ḅẹ ḅiiarị, tẹ à ḅiiarị í bebe karakara mẹ ḍuko ị̀ pịrị.”

Jerimaya 40:15

Anịtẹso Johananị jụmọ ofori anga ḅụ ọ̀ ḅẹẹm, “Yee à mu Isimẹlị ḅaa, tẹ gbọrụḅọ-sọ anị mịẹ ḅọ nimi ḅịa. Tiye ẹrẹsị kịnị ọ̀ wẹrịso tẹ ori ị́ ḅaa ḅẹ? Anie mịẹ tẹ Juu-ḅẹ-apụ mamgba tẹ ḅo ị́ ḅụ kobiri tẹ apụ mamgba gala-gala ḅa, tẹ anị nwẹnị opu ḅụụ-fụka dogi-ḅo Juda ḅụ kirikọn-apụ mamgba pịrị ḅa.”

Jerimaya 42:20

mịnẹ ọ́ fị dogi-ḅo ọ́ pịrị ḅẹ mịẹ-irima mịẹarị. Ọmịnị ị̀ ḅara ḅiim à KỊNỊNYANAḄỌ wamịna Tamụnọ ḅe tẹkẹ ọ́ pịrị, tẹ ó mininim mịnẹ ọ̀ tọnye-tọnye ọ́ mịẹ ḅa.

Kururu Owu-apọkọ 1:1

Jeruselemu mẹ tẹ tomi ḅin sime anga mẹ, anị tọ-ḅara kẹ yaụtẹ koro-sime tẹ mọ! Ndẹẹ á ḅo diḅọ-fịtẹ-ẹrẹḅọ sime-ḅara sime tẹ ḅara, árịma tẹ opu asịẹ ogbo ḅio gburo-gburo sime ḅọ ma Árị ma tẹ opu ama ogbo ḅio amadaḅọ tụḅọ sọ sime ḅọ ma, ḅo omoniḅọ sọ tẹẹ.

Izikẹlị 12:16

À mịẹ tẹ ịna ḅụ boowa apụ ọmụ mẹ ḅio na ḅuru-ḅa mẹ ḅio na, kịrị-kịrị obi ma na ḅio na fịị-a so ḅa, mịẹ tẹ anịanga sịẹ-sịẹ ma ogboku ḅụ in lekiri ḅẹ ḅara ịna amịẹaị ma ḅụụ-ngụngụma la ḅara, tẹ minini ḅa mịnẹ yẹrị anie KỊNỊNYANAḄỌ ḅe.”

Hosiya 8:10

Kụma àrị in kobiri gboloma tẹ in fomu ḅẹ-yearị. Ala-a ini akụye ḅụ gụnụ ḅa, Asiriya tomikiri mẹ daarị ḅọ ḅe in ponomarị sakị.”

Lẹvitikọsị 26:22

Anịsakị arị ọmịna ogbo-ḅio ḅụ piri-ḅio-ḅẹ anama ma fima ḅa, arị aị ma tẹ ọmịna aḅara ọmịna awọmẹ pụkọ-pụkọ ọkị-ọkị tẹ ọmịna opu anama ma ḅaa-ḅaa tẹ kịẹn-ḅịḅị ḅụ mịẹtẹ ọ́ kịsị ḅarị aị ma; anie mịẹtẹ ọmịna etela ma ḅo fatẹ ḅara sime ḅa.”

Emọsị 7:2

Ị̀ ịkịan mẹ ḅio à ẹrịm Igurube ma ịwọ ịnyịnya goyegoye fị siinm amakiri mẹ ḅụ, anị tẹso à ḅẹẹm, “Tẹịn-Ḅẹrẹtọn-Kụrọ-Nyana KỊNỊNYANAḄỌ, si-wẹrịso ị̀ atomi pịrịị! Ndẹẹ ini inetẹ ḍumo sime ḅẹ ḅara? Ini ịrụ ḅakam, ịn pịkị ịnyọ nyana-a!”

Matiyo 24:22

Kụma Tamụnọ ḅarana anị sime mu la ḅarị ene ma kịẹn-ḅịḅị mẹ kpụlụma kụra-ḅio iḅerea; ori ọkọ mịẹ-a namịna, kpọkpọ gbọrụ tomḅọ sọ kirikọn ḅịa. Ọ̀ sẹlẹ ọ̀ ḅụụ pịrị tẹ atomi ma gotẹ, Tamụnọ ene ma kịẹn-ḅịḅị mẹ kpụlụma ḅa.

Fịrịmẹnjịapụ 8:24

Sayịmọnị nwẹnị Pita na Jọnị na ḅẹẹ, “Sisi ọ́ KỊNỊNYANAḄỌ ḅe tẹkẹ ị̀ pịrịị, mịẹtẹ ó ḍuko aị ma ḅẹ gberie-sọ ị̀ ḅụụ paka ḅịa ḅara.”

Ditẹrọnọmị 28:62

Ó tomina-ogbo ḅụ So-tọrụ ḅẹ alolia ma ḅin ḅara ḅin sime sọ, kịẹn-ḅịḅị ḅụ ọmịna ḅụụ boowa apụ mie kirikọn ḅarịye; gbala ọ́ KỊNỊNYANAḄỌ ọmịna Tamụnọ ḅe pọkọ poki-a ẹrẹsị.

Ditẹrọnọmị 28:63

Anịsakị iḅi kẹ ọ́ mịẹ na, ọ́ mịẹ tẹ ọ́ kama na ḅụ KỊNỊNYANAḄỌ ḅe tọrụ-ḅẹlẹ nyana ḅara, mie KỊNỊNYANAḄỌ ḅe ọ́ ḅịkị-koro na, fịị-fama na ọkị-ḅo ọmịnị ọgọnọ gbana ḅụ tọrụ-ḅẹlẹ nyana ḅarị ḅara ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 4:27

Anịsakị KỊNỊNYANAḄỌ ḅe ọ́ gala-galama ḅa tomi ma ogbo-ḅio ḅụ, tẹ opu asịẹ ma ogbo-ḅio KỊNỊNYANAḄỌ ḅe ó dee mu suu ḅarị anga ḅụ ọmịna aḅụụ kirikọn ḅarị apụ kịẹn-ḅịḅị kịsị ḅa.

Jemụsị 5:16

Anị ḅara ḅụ, ó si-go jụmọ-jụmọ pịrịị, tẹ pịkị tẹkẹ jụmọ-jụmọ pịrịị, mịẹtẹ ọ́ gwọ ḅarị ḅara. Karakaraye-mịẹḅọ kọn-arị tẹkẹ mẹ kụrọ nyana wararị, anị ḅii ye mịẹ ḅụ.

1 Samụẹlị 12:19

Tẹ tomi mamgba nwẹnị Samụwẹlị ḅẹẹ, “KỊNỊNYANAḄỌ ị́ Tamụnọ ḅe tẹkẹ ị́ afịrịmẹnjịapụ pịrị, mịẹtẹ wa fịị ḅịa ḅara, kẹ gotẹ ọkọ ḅẹẹarị, wa pịkị gbọrụ amadaḅọ ḅii wamịna-aḅụụ pịrị tẹ mị siye mẹ kẹ mu wamịna asi mamgba ḅụ sụa tẹ ḅẹẹ-sakị.”

1 Samụẹlị 12:23

Anie sikima, yee anị ḅioḅọrọma ye sọ mịnẹ yẹrị tẹkẹ ọ́ pịrị dasịẹma tẹ KỊNỊNYANAḄỌ ḅe ḅụụ si mịẹ ḅarị mẹ; anịsakị arị iḅitẹ karakara etela mẹ kẹ ó toluma ḅa.

1 Samụẹlị 7:8

Izirẹlịapụ ma nwẹnị Samụwẹlị ḅẹẹ, “Owu KỊNỊNYANAḄỌ wamịna Tamụnọ ḅe pịrị wa pịrị mẹ dasịẹma ma, mịẹ tẹ ò Filisiteniapụ ma ḅara-ḅio wa ḅọrọma ḅẹ ḅara.”