Jerimaya 42:19 - FỊAFỊA BAỊBỤLỤ

¹⁹ Anịtẹso à paa ẹkwẹn tọrọkọ mum, “KỊNỊNYANAḄỌ ḅe ḍuko ọmịnị Juda ḅụ kirikọn-apụ ma pịrị tẹ ọmịnị Ijiputi mu ma. Tẹ mie ḅụ àrị ọmịna aḅeri nụnụarị mịọkụ

Jerimaya 42:19 Iomraidhean Croise

2 Paka-aị 24:19

Anịsọ ori ịna ogboku ḅụ ịkịankoroapụ ọkị tẹ kẹ in fịrịmam, in pịkịma-ḅo KỊNỊNYANAḄỌ ḅe pịrị ḅẹ ḅara; mịnapụ ma ịna mịẹ-irima mẹ ḍuko in pịrịm, kụma ini anị ọkị tẹ kẹ ye mịẹ-a.

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Ayịzaya 21:12

À pakịrịm, “Ḅaa ene ḅoarị kụma ḍin pịkị siin ḅo ḅa, í siin gbela ḅarị ḅẹḅẹ, pịkịma-ḅo tẹ gbelaa.”

Jerimaya 38:21

Kụma KỊNỊNYANAḄỌ ḅe ịkịan ḅara kẹ paka ḅẹ ye kẹ ì ḍie tẹ ị́ ḍụkụ tẹ ḅara saakị-a ḅẹḅẹ.

Izikẹlị 17:15

Kụma Juda ḅẹ amadaḅọ ḅe kọngọ-kụrọma tẹ kịnị kẹ Ijiputi fịrịma mu asụ amẹẹ na opu ọmụ-ogbo na nyana ḅẹm. Anị ò ḅii ḅara paka ḅẹ? Ori inetẹ pụkọ-so ḅẹ? Ori inetẹ ọḅọkụ mẹ kan tẹ fomu-ḅara da-a ḅara kẹ so ḅịa!

Izikẹlị 2:5

Arị kọngọ-kụrọma-apụ ma ini í poki ḅarị-o, in poki ḅịa-o, in nimi ḅa mịnẹ ịkịankoroḅọ ịna ogboku sime tẹẹ.”

Izikẹlị 3:21

Í iḅi tomḅọ ḅeri nụnụ mịnẹ mḅọ si mịẹ ma, tẹ mḅọ í poki tẹ si mịẹ-a ḅẹḅẹ, mḅọ ḍumo sime ḅa, tẹ í ḍumo sọ ḅọrọma ḅa.”

Kịẹn-aḅịḅị 14:3

KỊNỊNYANAḄỌ ḅe tiegotẹ wa kẹ mị ama mẹ ḅo, wa ḅo okologie ḅụ ḅịkị ḅẹ ḅara aro? Wamịna sime-ereme na, wamịna ḍọkọḍọkọ-awọmẹ na nwẹnị ḅo pẹị, pẹị aị sọ; anị iḅitẹịn ḅịa wa pịkịma-so Ijiputi mu?”

Fịrịmẹnjịapụ 2:40

Pita paa pịkị anị ịna ḅụụ sọ-mu ḅẹ ḅara kẹ ẹkwẹn kụrọma ịn pịrị tẹ ịn ḅẹẹm, “Si sịḅịḅio sụa apụ la ḅẹ ḅoarị fomu-ḅara mẹ, ọmịnị ọmịnị inetẹ ḅara, inetẹ ḅara mịẹ tẹ anị ọ́ lama.”

Ẹfisọsị 4:17

Ọkọẹrẹsị, KỊNỊNYANAḄỌ ḅe ẹrẹ ḅụ àrị ọmịna ḅeri nụnụarị: ọ́ ḅarị jen kẹ oru nimi apụ ḍumo kọnma, papaa akuroma nyana wararị apụ ma,

Ditẹrọnọmị 17:16

Anị ḅio sime gberie anie ọ̀ tọnwa asụ nyana ọ̀ ḅụụ pịrị ḅẹ ḅii nyana ḅịa, anịanịa tọnwa asụ nyana gotẹ mịẹtẹ tomi ma pịkịma Ijiputi mu ḅịa, KỊNỊNYANAḄỌ ḅe ọ́ ḅẹẹ tẹ: Gbala-gbala ọ́ ḅarị jen-maaịn kẹ pịkịma anị etela mu ma nwẹn ḅẹẹ sakị.

Ditẹrọnọmị 31:21

Tọnwa asi-aị na, tọnwa ḅụụ-fụka na ḅo ini ọgọnọ gbana sakị, mị nume mẹ ḅẹrẹ-kiri sime ye ḅara ḅụ ịn ẹngbẹsẹ ḅa, kẹ gotẹ ọkọ ḅẹẹarị, anị ḅioḅọrọ-ḅọrọ-a ye sọ ḅa ịna furo ḅẹ awọmẹ aḅịḅị ḅio ḅụ. Tẹrẹmẹ àrị ini ọkị-ḅo ama mẹ tẹ à ye karị ḅara kẹ mininim à pịrị ḅa ḅẹẹ ama mẹ la, ịn mịẹ ḅẹ sụa pakama-ḅoarị kuroma à nimi wararị.

1 Tẹsalonịka 4:6

Ọkọẹrẹsị, miemẹ ḅụ gbọrụḅọ-sọ mḅọ pembema Kịrayịsị ḍukamẹnjịḅọ iri tẹ tọrụ pakama mḅọ pịrị ma. Jen sakị miemẹ wa ḍuko ọ́ pịrị tẹ, tẹ mịọkụ wa pịkị kụrọma ọmịna aḅeri nụnụarị, mịnẹ ọkọ sime ye mịẹ arị apụ ma KỊNỊNYANAḄỌ ḅe fomu-ḅara kẹ ịn pịrị ḅa.