Jerimaya 42:18 - FỊAFỊA BAỊBỤLỤ

¹⁸ “KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 42:18 Iomraidhean Croise

2 Paka-aị 34:25

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma oru-atamụnọ pịrị tẹ, kẹ ini ịna aḅara kẹ kọrịarị aị mamgba ḅụ sụa mịẹ tẹ; ini ị̀ ḅụụ-ḅẹsọ ye mịẹ tẹ ị̀ ịganị sịn saakị ḅẹ ḅara, anị ẹrẹsị ị̀ ịganị mẹ mị anga mẹ ḅụ ọsụma sara ḅa, anị sakị anị biin ḅịa.’

Ayịzaya 30:3

Kụma amadaḅọ ḅe kụrọ nyana tẹ kẹ ḅarasụa ịn pịrị ḅịa, tẹ Ijiputi ịn gbaịn ḅọrọma ḅarị mẹ opu ḅụụ-fụka kẹ kunoma ḅa.

Ayịzaya 65:15

À sẹlẹ ọkị tẹ apụ ma ọmịna ẹrẹ kẹ ye gbo ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mịẹ tẹ ọ́ fịị ḅa. Kụma arị ịwọ ẹrẹ kẹ ị̀ ḅịḅị pokiarị apụ ma pịrị ḅa.

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 22:27

Ó jen kẹ mị sịẹ mẹ ḅẹ amakiri mẹ ẹrị ḅẹ ḅii lama ḅa, kụma gbala-gbala ọ́ pịkị-ḅo ḅịa.”

Jerimaya 23:40

À sime mu ḅẹẹ-sakị ḅẹẹ-sakị la ḅarị ḅụụ-jịrị na tọrụ-tuu na ọkị-ḅo ịna ọgọnọ gbana ḅa, gbala-gbala kịnị kẹ ḅioḅọrọma ḅịa ye.”

Jerimaya 24:9

Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 26:6

Ọ́ paa poki-a tọrọkọ-tọrọkọ muarị ḅẹḅẹ, anịsakị à mị Tamụnọ-warị mẹ kẹ à kẹ Silo mịẹ ḅara mịẹ ḅa, tẹ tomikiri ḅẹ asịẹ mamgba mị opu ama mẹ ẹrẹ kẹ ye karị ye sọma ḅa.”

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 29:22

Ini ikoliapụ ḅara kẹ Jeruselemu ḅụ ọkị-so Babịlonịya mu apụ ma ye karị ḅẹ sakị ịn ḅẹẹ ḅa: ‘Yee KỊNỊNYANAḄỌ ḅe ọ̀ kẹ Zẹdẹkaya na Ehabụ na mịẹ ḅara kẹ ị́ na mịẹ, anie Babịlonịya ḅẹ amadaḅọ kẹ ḍumo tọrụ ḅụ fịnị ḅio fọị apụ ma!

Jerimaya 33:5

ịn Babịlonịya ḅẹ apụ na sọ sime ye mẹ ḅụ. Ị̀ owi ịganị ḅụ à ḅaa ḅẹ apụ ma aḍụẹịn ma arị ḅio ḅin ḅa. Àrị ị̀ tọrụ ḅọị ḅa mị opu ama mẹ ḅụ, anị ḅẹ si-sịḅịḅio mamgba gotẹ.

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Jerimaya 44:6

Mie ḅụ arị ị̀ ịganị na ì owi-ịganị na ọsụma Juda ḅẹ ama ma na Jeruselemu ḅẹ etela ogbo ma na ọgọnọ sara tẹ fịnị kẹ arị ḅụ sụam. Arị kan-sara sime tẹ sịḅị-kanakanama ye sọ ḍiki apụ pịrịm, ḅo mịmgba la sọ arị simearị ḅara mẹ.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Jerimaya 6:11

KỊNỊNYANAḄỌ, ị́ ịganị tẹ sime ịn pịrị ye mẹ, ị̀ ḅụụ ḅio sọ fịnị kọrị ḅara kọrịarị, tẹ à ḅarị inetẹ jen kẹ anị ọlọ-sịẹma-a.” Anịtẹso KỊNỊNYANAḄỌ ḅe ị̀ ḅẹẹm, “Ị̀ ịganị mẹ ọsụma etela ogbo ma ḅụ simearị awọmẹ ma ọgọnọ sara-a, pịkị asawọ ma tẹ kobiri wararị apụ ma ọgọnọ sọ. In diapụ na sime-ereme na ọkị-so ḅa, tẹ omongi lamatẹ apụ kịngẹ sọ ịn wẹrịso ḅịa.

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Kururu Owu-apọkọ 2:4

Kịnị na fịya-a ḅọ kịka ḅara ḅụ, ori ori iboli anda wa da tẹẹ; ọmụḅọ ḅara kẹ ori ama-ḅara kuroma tẹ; wamịna atọrụngbọ ḍiki ḅioḅẹlẹ aị mamgba ọ̀ ḅaa fama tẹẹ, kpọma-ḅẹlẹmarị Jeruselemu akpụrụ-warị mẹ ḅio ḅụ; fịnị kọrị ḅara mie ọ̀ kẹ ori owi-ịganị ọsụma pakama ḅara.

Kururu Owu-apọkọ 2:6

Ọ̀ ḍụọ kan-sara ḅara kẹ ọ̀ sịḅị-kikima-yọ kan-sara tẹ, ori tọn kopini alalị fị anga mẹ kan-sara sara mị; KỊNỊNYANAḄỌ ḅe mịẹ tẹ Zayọnị ḅụ kopini alalị na Ịnyọsara-Ene na kunoma tẹ, tẹ ọ̀ ḅalafama ịganị ḅụ, amadaḅọ na, agbamịẹḅọ na ḍiki-sima tẹẹ.

Kururu Owu-apọkọ 4:11

KỊNỊNYANAḄỌ ḅe ọ̀ kụrọ ịganị ịḅụkụ mẹ finji koromam, ori ori ọfịrị ịganị mẹ sara pakamam; Tẹ ọ̀ Zayọnị ḅụ fịnị kẹngẹma saram, aniemẹ tẹ anị ḅẹ sukutarị-ḍụḅarị dọkịma ye mẹ.

Izikẹlị 20:34

Àrị ị̀ kụrọ na ị̀ ịganị na kẹ ó ḍie ḅa, àrị ó kobiri gboloma tẹ ọ́ kẹ pịkị-ḅo ḅẹ sakị, ọ́ gala-gala mu la tẹ asịẹ mamgba ḅụ.

Izikẹlị 22:22

Jeruselemu ḅio in sime tẹ sanị ḅa, anie ye fọị tẹlẹma opu fịnị ḅio seleḅa sanịarị gbọrụ ḅara mẹ, anị tẹso, in nimi ḅa mịnẹ KỊNỊNYANAḄỌ ḅe ịganị mẹ ịna ḅụụ ịnọarị.”

Danẹlị 9:11

Izirẹlị mamgba í oloko ma kan tẹ ḍụkụ tẹ í ḍuko ye poki-a. Wa si kẹ ị́ mịẹm, tẹ anie ḅụ í wori-anume ma tẹ Mozizi, ị́ fịrịmẹnjịḅọ kẹ koroma aị ọkị-ḅo wamịna ọgọnọ gbanam.

Danẹlị 9:27

Anị ḅẹrẹtọnḅọ ḅe tọnwa-apụ na kụrọ-nyanatẹ ḅịḅị-kẹ-ogbosọ nyana ḅa sọnọma kụra ḅụ, tẹ anị sakị mẹ kẹ maa anga ḍiya ḅẹ gbọrụ anga ḅọrọtẹ so ori agbamịẹ ma na ḍiepịrị-aị na dasịẹma ḅa. ‘Ḅalafa Sịḅị-jịrịmaye Mẹ’ ịn nwẹn kẹ Tamụnọ-warị mẹ ḅio geletẹịn anga ḅụ gbana ḅa, tẹ anịanga sime nwenii anị kẹ anị kẹ anịanga koroma ḅọ ḅe ḅo Tamụnọ tẹlẹma ọ̀ pịrị kunoma mẹ na bịama ḅa.”

Hosiya 7:16

Ini ị̀ ḅụụ pịkị so-so tẹ kụrọ nyana-a tamụnọ dama-muarị. Ḅioḅẹngbọ kẹ ịna ḅụụ ḅụ gbana na-iḅi-a ḅara mẹ gbala fangala-fangalatẹ iboli ḅụ ḅioḅẹngbọ kẹ gbana na-iḅi-a ḅara ọkụ. Ịna sịḅịdapụ ma opu ẹkwẹn opu ẹkwẹn kọn-arị ye mẹ ẹrẹsị ịn kụrọ-kụrọ fịị kọn ḅa, tẹ Ijiputi ḅẹ apụ ma ḍẹrị ḅa.”

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Zẹkaraya 8:13

Juda na Izirẹlị na ḅẹ atomi! Ḅọrọtẹ sakị ḅụ igoniapụ ye karị jụmọ-jụmọ pịrị tẹ ḅẹẹ-ḅẹẹm, ‘yee Juda na Izirẹlị na ọgọnọ sara gbọrụ opu ḅụụ-fụka ma ḅo ọmịna ọgọnọ sọ sara!’ Kụma àrị ọ́ ḅọrọma ḅa, anịtẹso arị ja asịẹ ma jụmọ-jụmọ ḅẹẹ ḅa, ‘yee ọmịnị sọ ḅo Juda na Izirẹlị na pịrị aboma ma nyana!’ Mie ḅụ ọ́ tẹmẹ-kpọma tẹ ḅalafa ma.”

Kịẹn-aḅịḅị 5:27

Ori á mịẹtẹ á minji mẹ ḅuu tẹso, anịtẹrẹmẹ arị á di ḅe iri, tẹ á ḅụụ pilema tẹ ḅẹḅẹ, minji mẹ tẹ wori-nume ọkị-ḅoarị ye mẹ arị oju ḅio sọ-mu tẹ akụarị fụka saakị ḅa, tẹ sun-gele, tẹ á ḅụọ-ẹtẹnẹ siin-sara tẹ nwọnị, tẹ ẹrẹḅọ ma ḅo árị atomi ogbo-ḅio ḅụ kịnị-ḅioḅumaḅọ sọ ḅa.

Mịẹfinji 14:10

mḅọ ḅarana Tamụnọ iru mẹ ḅuu ḅa, anie ori opu ịganị mẹ ḅẹ iru mẹ, tẹ ọ̀ kẹ ori ịganị mẹ ḅẹ kọpụ mẹ ḅio, gwa-a ḅara, kẹ sụa ḅinma wararị ye mẹ. Miemẹ mịẹ apụ mamgba kọrị fịnị na ịn kẹ sọlụfọ sịn-arị ḍụḅarị mẹ na ḅụụ-fụka da ḅa, Tamụnọ fịafịa enjẹlị ma na Anana Tụḅọ ḅe na tọrọkọ ḅụ.