Jerimaya 42:17 - FỊAFỊA BAỊBỤLỤ

¹⁷ Inimgba tẹ tọn-koroma tẹ mịnẹ in mu Ijiputi ḅụ anga ḅa ḅẹ apụ ma ọmụ ḅio, anịanịa obi ḅụ fịị ḅa. Ịna ḅụ gbọrụḅọ-sọ fịị-a so ḅịa, gbọrụḅọ-sọ àrị ọkị-ḅo ịna ọgọnọ gbana ḅarị opu ḅụụ-fụka mẹ gbarị ḅịa.’ ”

Jerimaya 42:17 Iomraidhean Croise

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 38:2

KỊNỊNYANAḄỌ ḅe ḅẹẹ tẹẹ, “Mị opu ama mẹ ḅio sime-ḅọ sime-ḅọ fịị ḅa ọmụ ḅio, anịanịa ḅuru-ḅa ḅụ, anịanịa obi ḅụ, Kụma mẹnjị paka mu tẹ amịna ḅụụ sịkị Babịlonịya ḅẹ apụ ma pịrị-ḅọ pịrị-ḅọ ini mḅọ ḅaa ḅịa, ḅarị jen-a sọ mḅọ amịna ḍumo mẹ kịngẹ kẹ paka-ḅo ḅa.”

Jerimaya 42:15

Ọkọ ḅẹḅẹ, ọ́ KỊNỊNYANAḄỌ ḅe pọkọ naa, yei Juda ḅụ kirikọn-apụ, mie ọmụ-ogbo ma ḅẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko yee, ‘Ọmịnị ọmịna tọrụ kẹ Ijiputi sọ-mu ḅa ọgọnọ gbana tẹ mu anịanga anga ḅarị ḅẹḅẹ,

Jerimaya 42:22

Mie ḅụ, ọkọ ḅẹḅẹ, ó miemẹ kẹ ḅiokoroma: ọmịnị ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ, ó mu anga ḅẹ-ḅiiarị amakiri mẹ ḅụ.”

Jerimaya 44:28

Kụma ọmịna ḅụ ḅẹ boowa apụ fịị-a so tẹ Ijiputi ḅụ pịkị-so Juda mu ḅa. Anịtẹso fịị-a so apụ ma nimi ḅa tụḅọ ẹkwẹn ḅo karakara aị sọ, ị̀ aị mụnọọ ịna aị.

Izikẹlị 11:8

Ọ́ kọkọ ọmụ gotẹ ḅalafaarị? Okologie ọlọ owiapụ mie à kẹ fịrịma tẹ owu kẹ ọ́ paka ḅarịye.