Jerimaya 42:14 - FỊAFỊA BAỊBỤLỤ

¹⁴ tẹ ḅẹẹarị, ‘ẹn-ẹn, wa so Ijiputi ama mẹ mu ḅa, wa ọmụ ẹrị ḅịa anga, anịanịa ọdụ fiearị ye naa, anịanịa fịye gotẹ ḅuru pọkọ-tarị; anịsakị wa anịanga anga ḅa.’

Jerimaya 42:14 Iomraidhean Croise

Paka-so 16:3

tẹ ịn ḅẹẹm, “Mimgbe wa kọkọ Ijiputi ama mẹ ḅụ sime tẹ KỊNỊNYANAḄỌ ḅe ḅara ḅẹ fịị kọn tẹ, wa iḅi afịaị ma akaka lẹgị-sime tẹ fị-fị furo ḅinmarị sakị mẹ, ọ́ gbala wa pakama mị ịkpa mẹ ḅio ḅo tẹ ḅuru-pọkọtarị kẹ mị bebe inweni-ogbo mẹ ḅaa ḅẹm.”

Paka-so 17:3

Kụma anịjụ minji ḅuu tomi ma pọkọ tarị lamam, tẹ tomi ma nwẹnị mbụrụmbụrụ Mozizi pịrị tẹ ḅẹẹ, “Í tiegotẹ Ijiputi ḅụ wa pakama-ḅo. Minji ḅuu pọkọ tarị kẹ wamịnị na, wamịna awọmẹ na, wamịna opu anama na ḅaama gotẹ mụnọọ?”

Ayịzaya 30:16

Anie nakara, ó kuromarị ye fọnya mangịarị asụ ọgọnọ ọmịnị na fịya-a apụ ḅụ mangị-so; anịsakị ọmịnị na fịya-a apụ ḅụ mangị-so mẹ ó kuraye mịẹm — mangị-so mẹ anie ọ́ mịẹ na-iḅi yee! Ó kuromam ọmịna asụ ma iḅiọkụ mangịarị, kụma ó ḍukarị apụ ma sarama mangị ọ́ nẹngị ḅa.

Ayịzaya 30:2

In mu Ijiputi ḅara ḅarasụa ḅiiarị ị̀ ḅịḅị gbela-a ḅara ḅụ. In ḅiiarị Ijiputi ịn gbaịn ḅọrọma. Mie ḅụ ini Ijiputi ḅẹ amadaḅọ kẹ ḅiokpọmarị.

Ayịzaya 31:1

Ḅarasụa gotẹ Ijiputi muarị apụ ma ịn fa tẹ! Ijiputi nyana wararị ḅakatẹ ọmụgbin aị ma ḅụ mie ịn sịrẹrẹarị — asụ ma na, kirimẹnjị-ọmụarụ ma na, ọmụapụ na, kụma ịn KỊNỊNYANAḄỌ ḅe ḅụ sịrẹrẹ-a, Izirẹlị tẹkẹarị Fịafịa Ḅọ ḅe, anịanịa ọ̀ ḅara ḅarasụa ḅii.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 4:21

À nwẹn ḍụrụkụarị ọmụ mẹ ẹrị mu tọ-sakị la ḅẹ, pịkị fie-siin-fiearị ọdụ poki mẹ naa?

Jerimaya 41:17

Ịn nwẹnị so Ijiputi mu ḅẹ tẹ saakị mẹnjị mu, tẹ nwẹnị Bẹtịlịhẹmụ kpeki wararị Gerutu-Kimihamụ ḅụ daasịẹ, anie

Jerimaya 43:7

Ịn KỊNỊNYANAḄỌ ḅe tọn ye poki tẹ mịẹ-a tẹ so Ijiputi mum, nwenii Tafanisi opu ama mẹ la.

Kịẹn-aḅịḅị 14:3

KỊNỊNYANAḄỌ ḅe tiegotẹ wa kẹ mị ama mẹ ḅo, wa ḅo okologie ḅụ ḅịkị ḅẹ ḅara aro? Wamịna sime-ereme na, wamịna ḍọkọḍọkọ-awọmẹ na nwẹnị ḅo pẹị, pẹị aị sọ; anị iḅitẹịn ḅịa wa pịkịma-so Ijiputi mu?”

Kịẹn-aḅịḅị 14:4

Ịn nwẹnị jụmọ-jụmọ ḅẹẹ, “Ó yee wa gbọrụ sịḅịdaḅọ sẹlẹ-ọkị, tẹ pịkịma-so Ijiputi mu.”

Kịẹn-aḅịḅị 16:13

Ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio ị́ wa pakama-ḅo tẹ kẹ ịkpa ḅio ḅaa ḅẹ ḅo ye mẹ amụ paa iḅi-a, mịnẹ ị́ pịkị ị́ ḅụụ kẹ sịḅịdaḅọ sọma wa pịrị ḅẹ?

Ditẹrọnọmị 17:16

Anị ḅio sime gberie anie ọ̀ tọnwa asụ nyana ọ̀ ḅụụ pịrị ḅẹ ḅii nyana ḅịa, anịanịa tọnwa asụ nyana gotẹ mịẹtẹ tomi ma pịkịma Ijiputi mu ḅịa, KỊNỊNYANAḄỌ ḅe ọ́ ḅẹẹ tẹ: Gbala-gbala ọ́ ḅarị jen-maaịn kẹ pịkịma anị etela mu ma nwẹn ḅẹẹ sakị.

Ditẹrọnọmị 29:19

Gbọrụḅọ-sọ ye karị ḅara kẹ fị ọḅọkụ mẹ ḅẹ ẹkwẹn-aḅịḅị ma naa tẹ ḅioḅẹngbọ ḅụ amịna ḅụụ boma tẹ ḅẹẹ ma: Ị̀ la ḅẹ ye ofori, àrị ị̀ kụrọtẹ ḅioḅẹngbọ ḅụ mẹnjị sọ! Miemẹ anị fomu-ḅara na gulugulu na dogi-ḅo tomi mamgba pịrị ḅa — iḅi-apụ na si-apụ na.