Jerimaya 42:11 - FỊAFỊA BAỊBỤLỤ

¹¹ Ọ́ ḅarị Babịlonịya ḅẹ amadaḅọ ḅe gotẹ ḅalafa ma. Àrị ọmịnị na emi, tẹ ọ̀ kụrọ ḅụ ọ́ pụkọ-pakamaḅo ḅa.

Jerimaya 42:11 Iomraidhean Croise

2 Amadapụ 25:26

Anịtẹso, tomi mamgba kala na opu na, ọmụ-ogbo mẹ ḅẹ ọmụ-alapụ ma na, nwẹnị saakị so Ijiputi mu, gbala ịn Babịlọnị ḅẹ apụ ma ḍiki-ḅalafarị ẹrẹsị.

Devidi-Anume 118:6

KỊNỊNYANAḄỌ ḅe ị̀ na emi, à ḅalafa ḅịa; tụḅọ inetẹ tiye kẹ ị̀ mịẹ ḅẹ?

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 46:7

Kụrọ mamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 43:2

Í owolo minji ḅio ḅọrọarị sakị, arị ị́ na sime ḅa; ị́ ḅụụ-fụka í ḅilema fama ḅịa. Ị́ kọrị-fịnị ḅio tolu-ḅọrọarị sakị, ị́ dọkị ḅịa; ḅo ị́ laarị kụrọtẹ daaḍiki ma ye kẹ ị́ lama ḅịa.

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 1:8

In gotẹ ḅalafa ma, kẹ gotẹ ọkọ ḍukoarị, yẹrị ị́ na sime tẹ ị́ gbaịn-ḅọrọma ḅa. Yẹrị, KỊNỊNYANAḄỌ ḅe ọkọ ḅẹẹm!”

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Jerimaya 27:11

Kụma gbọrụ sịẹ sịḅị-tuu Babịlonịya ḅẹ amadaḅọ ḅe pịrị tẹ fịrịmẹnjị ọ̀ pịrịarị ḅẹḅẹ, anịsakị à mịẹ tẹ anị amịna ḅara kuḅu ḅẹ amakiri ḅụ sime tẹ ḍụọ ḍiḅi-ḍiḅi tẹ anị yọ anga ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 27:12

Anị gbọrụ ye mẹ mie à ḍuko Juda ḅẹ amadaḅọ Zẹdẹkaya pịrị ye, “Sịḅị-tuu Babịlonịya ḅẹ amadaḅọ ḅe pịrịị. Fịrịmẹnjị ori na ori atomi na pịrịị, anịsakị í ḍumo ḅa.

Jerimaya 27:17

Ọmịnị in poki ma! Ọ́ sịḅị-tuu Babịlonịya ḅẹ amadaḅọ ḅe pịrị, anịsakị ó ḍumo ḅa! Tiye ẹrẹsị mị opu ama mẹ sara sọ ḅẹ?

Jerimaya 41:18

Babịlonịya ḅẹ apụ ma ḅara-gbarị ḅẹ ḅara. Ịn Babịlonịya ḅẹ apụ ma gotẹ ḅalafaam, anie Isimẹlị, Netanaya tụḅọ ḅe Gedalaya, Ahikamụ tụḅọ ḅe ḅaa ye mẹ ẹrẹsị, anie Babịlonịya ḅẹ amadaḅọ ḅe kẹ ama mẹ ḅụ ḅẹrẹtọnḅọ sọma ḅọ ḅe.

Kịẹn-aḅịḅị 14:9

Ọmịnị rẹ paa sịḅị-kụrọma KỊNỊNYANAḄỌ ḅe pịrị ma, tẹ ama mẹ ḅẹ atomi ma ḍiki-ḅalafa ma, kẹ gotẹ ọkọ ḅẹẹarị, ini anie sime wa pịrị fịye; ịna ḅụụ-ḍikiḍikiye mẹ ịna aḅụụ ḅụ sikima tẹ, anịsakị KỊNỊNYANAḄỌ ḅe wamịnị na emi; ọmịnị ịn ḍiki-ḅalafa ma.”

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Fịrịmẹnjịapụ 18:10

kẹ gotẹ ọkọ ḍukoarị, àrị ị́ na emi. Gbọrụḅọ-sọ inetẹ ye kẹ ị́ lama ḅịa, kẹ gotẹ ọkọ ḍukoarị, mị ama mẹ ḅio tọnwa atomi sime ị́ pịrị wararị.”

Romu 8:31

Ma mamgba ḅụ wa tiye ḍuko ḅẹ? Tamụnọ wamịnị na emi ogbo tụḅọ inetẹ wamịnị na tụḅụrụ ḅẹ?

Ditẹrọnọmị 20:4

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie oriḅe tẹ ọmịnị na fịya-a apụ na owu sọ ọ́ pịrị ḅẹ ọmịnị na muarị ḅọ, owu-ḅara-iḅi mẹ kẹ ọ́ pịrị ḅẹ ẹrẹsị.

2 Timoti 4:17

Kụma KỊNỊNYANAḄỌ ḅe ị̀ na sime tẹ ịnyọ kẹ ị̀ pịrịm, anie mịẹtẹ àrị inetẹ bebe oku mẹ ḍuko wasama Ja asịẹ ḅẹ apụ mamgba pịrị tẹ ịn naam; tẹ Tamụnọ ịn ḅaa-ḅẹrẹ-pẹlẹ ị̀ pịrị ḅẹ ye mẹ ḅio ị̀ pụkọ-pakamaḅom.

Jọsụwa 1:5

À wẹrịtẹ Mozizi na sime-ḅara mie arị ị́nịna sime ḅarị ḅara, ị́ ḍumo-ene mamgba ḅụ; inetẹ ị́ tọrọkọ sịẹ ḅẹ ḅọ ofori; arị í pikirima ḅịa, anịanịa ị́ sịkị.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”