Jerimaya 42:10 - FỊAFỊA BAỊBỤLỤ

¹⁰ ‘Ọ́ ḍụkụ tẹ mị amakiri mẹ ḅụ anga tọrọkọ-tọrọkọ mu-mu, anịsakị mie à warị nama ḅara kẹ ọ́ nama sịẹma ḅarịye, tẹ ọ́ kan-sara ḅịa ye, àrị ọ́ kẹ ḍiḅi ḅa, tẹ suku-na-suku-na ọ́ nụnụ pakama-ḅo ḅịa. Àrị ọkị-ḅo ọmịna ọgọnọ gbana ḅaa guluguluma mẹ ị̀ mịẹ tẹ à ḅẹlẹma kururuarị.

Jerimaya 42:10 Iomraidhean Croise

2 Samụẹlị 24:16

Enjẹlị ḅe Jeruselemu fama ḅẹ tẹ ọ̀ ḅara sụn-pakama anị daa tẹso, KỊNỊNYANAḄỌ ḅe nwẹnị siye mẹ wẹrịso tẹ anị ḅụ pịkị, tẹ enjẹlị ḅe tẹ tomi ma ogbo-ḅio kịnị ḅaa kọrịnama mẹ kọrịarịḅọ ḅe ḅẹẹ, “Iḅi tẹ, mịọkụ ị́ ḅara kẹ ị́ ḅụụ wẹrịị.” Anịsakị KỊNỊNYANAḄỌ ḅe enjẹlị ḅe Arahụna, Jebusayịtị ḅọ ḅe mgbọlụ sẹlẹ kiri ḅụ emi.

Devidi-Anume 102:16

KỊNỊNYANAḄỌ ḅe siin Zayọnị nama sakị, ori ori opu la ḅara kẹ kịnị ḍie ḅa.

Devidi-Anume 106:45

In gotẹ ori ori ọḅọkụ mẹ kẹ ḅiokoromam, tẹ ori opu ḅẹlẹma mẹ ẹrẹsị ọ̀ ḅara wẹrịm.

Devidi-Anume 37:3

KỊNỊNYANAḄỌ ḅe kẹ ḅiokpọma tẹ iḅiye mị; amakiri mẹ ḅụ anga tẹ kpaịn simee.

Devidi-Anume 69:35

Ò Jeruselemu ḅọrọma tẹ siin Juda ḅẹ ama ma nama ḅa. Ori atomi ma anịanga anga tẹ anị kẹ ịna amakiri sọma ḅa;

Paka-so 32:14

Mie ḅụ KỊNỊNYANAḄỌ ḅe siye tẹ ọ̀ kẹ ori atomi mịẹ ḅẹ kuroma ye mẹ wẹrịsom.

Jerimaya 24:6

Ị̀ tọrụ ịna ọgọnọ sime ḅa, tẹ àrị ịn kẹ pịkị-ḅo mị amakiri mẹ la ḅa. Àrị ịn nama saakị tẹ ịn kan koroma ḅịa; arị ịn kẹ ḍiḅi tẹ ịn nụnụ pakama-ḅo ḅịa.

Jerimaya 26:19

Ama-da Hẹzịkaya na Juda ḅẹ apụ ma na ịn Mayịka ḅaa-a. Anie nakara Hẹzịkaya KỊNỊNYANAḄỌ ḅe mangịma tẹ ḅụụkụrọma tẹ mịẹ tẹ ò ḍiki-ḅụụjịrị nyana ọ̀ pịrịm. Tẹ KỊNỊNYANAḄỌ ḅe amịna kuroma ḍimam ọ̀ ḅẹẹm ori ọkị-ḅo ịna ọgọnọ gbana ḅa nwẹn ḅẹẹ opu ḅụụ-fụka mẹ gboloma ye ḅụ. Mịọkụ wa ḅalafama opu ḅụụ-fụka dogi-ḅo wamịna ọgọnọ gbana ḅẹ-yearị.

Jerimaya 27:11

Kụma gbọrụ sịẹ sịḅị-tuu Babịlonịya ḅẹ amadaḅọ ḅe pịrị tẹ fịrịmẹnjị ọ̀ pịrịarị ḅẹḅẹ, anịsakị à mịẹ tẹ anị amịna ḅara kuḅu ḅẹ amakiri ḅụ sime tẹ ḍụọ ḍiḅi-ḍiḅi tẹ anị yọ anga ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:28

Tẹ à tọrụ kẹ kiri lama tẹ suku-na-suku-na nụnụ pakama-ḅo, sukuruma-gbin, pịkị-iḅo, guluguluma, tẹ pịkị ịn kan-sara gbọrụ ḅara mẹ, mie à pịkị tọrụ kẹ kiri lama tẹ ịn kẹ ḍiḅi, tẹ ịn nama sịẹma ḅarị ḅara.

Jerimaya 33:7

À Juda na Izirẹlị na mịẹ tẹ ịn lọkọlọkọ ḅa, tẹ à siin ịn nama tẹ ịn tarị ḅara mẹ sime ḅa.

Jerimaya 43:4

Mie ḅụ Johananị-o, ọmụ-alapụ ma-o, tomi ma ḅụ ḅẹ gbọrụḅọ kịngẹ-o, KỊNỊNYANAḄỌ ḅe tọn ye mẹ poki tẹ Juda ḅẹ amakiri mẹ ḅụ sime-a.

Izikẹlị 36:36

Anịtẹso kpeki tẹ anga sime asịẹ ma tẹ fa-a so apụ ma nimi ḅa mịnẹ Yẹrị, KỊNỊNYANAḄỌ ḅe, siin fa tẹẹ opu ama nama-namam tẹ pịkị si tẹ ḍụọ-ḍiḅi akiri siin ḍiḅi-ḍiḅim. Yẹrị, KỊNỊNYANAḄỌ ḅe, minini tẹ à mịẹ ḅẹm — tẹ à mịẹ ḅa.”

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Jowẹlị 2:13

Ọmịnị ọmịna aḅioḅẹngbọ mamgba kẹ si ḅụ pịkị tẹ mẹ ḍie pakamaa, ọmịnị ọmịna akapa kan ḅụ-a. Ọ́ pịkịma KỊNỊNYANAḄỌ ḅe tẹ ó sunsin pịrịarị Tamụnọ ḅe ḍọkụma-ḅoo. Ori iḅi ḅioḅẹngbọ nyana wararị, tẹ ọkụrụkụrụ pịkị ọ̀ ḅụụ ḅin wararị. Ò ye-inemarị tẹ ò minini ye mịẹarị. Sakị mamgba ọ̀ tẹlẹma tẹ si-wẹrịsoarị, fomu-ḅara kẹ kịnị pịrị-a.

Emọsị 7:3

KỊNỊNYANAḄỌ ḅe ó kuroma ḍima tẹ ḅẹẹm, “Ị́ ẹrị ye mẹ paka ḅịa.”

Emọsị 7:6

KỊNỊNYANAḄỌ ḅe siin ó kuroma ḍima tẹ ḅẹẹm, “Miemẹ sọ paka ḅịa.”

Jona 3:10

Tamụnọ ịn mịẹ ye ẹrịm; ori ẹrịm mịnẹ ini ịna si-sịḅịḅio ye-mịẹ-ḅara mẹ ḅụ ḅara-siin tẹẹ. Mie ḅụ ori ò kuroma ḍima tẹ in fomu-a som, ọ̀ ḅẹẹm ọ̀ mịẹ ḅẹ ḅara mẹ.

Jona 3:4

Jona saakị opu ama mẹ mẹnjị-toluḅọrọ ma-mum, tẹ ò bebe gbọrụ ene kẹ mẹnjị tẹso, ò ḍuko-wasam, “Ḍin amesi sakị ḅụ Ninive faa ḅa!”

Jona 4:2

Tẹ ọ̀ nwẹnị tẹkẹ: “KỊNỊNYANAḄỌ, à paa ị̀ amakiri ḅio simearị sakị, à ḅẹẹ-a mịnẹ mị gbọrụ ḅara mẹ mie ị́ mịẹ ḅarị ḅara? Anị ẹrẹsị mie à mangị-so Sipeni mu sime yee. À nimim mịnẹ ị́yẹrị anie ḅẹlẹma na ọkụrụkụrụ na nyana kịnị pịrịarị Tamụnọ, sakị-mamgba ye-inema, sakị-mamgba bala ḅara kẹ kịnị na mịẹ, sakị-mamgba í kuroma ḍima tẹ ḅarị fomu-fomu-a ḅọ.

Fịrịmẹnjịapụ 15:16

KỊNỊNYANAḄỌ ḅe mẹẹ, miemẹ ḅọrọ saakị à pịkịma ḅo tẹ Devidi ama-da mẹ saakị sịẹma ḅa. Anị ḅụ kaan-sara tẹ anga ma à sin nama tẹ mịẹ kụrọma ḅa.

Ditẹrọnọmị 32:36

Gbala KỊNỊNYANAḄỌ ḅe ori atomi karakara ḍie-pakama ḅa, tẹ ọkụrụkụrụ nyana ori afịrịmẹnjịapụ pịrị ḅa ori ẹrịm mịnẹ ịna kụrọ so tẹ ḅẹẹ-sakị, tẹ kọn gbọrụḅọ-sọ ḅarị ofori, omoni furo-ḅẹ-ḅọ, anịanịa furo tụḅọ sọ.

Ḅẹrẹkọn-apụ 2:18

KỊNỊNYANAḄỌ ḅe ḅẹrẹkọn-apụ saakị pakama-ḅo ịn pịrị sakị, pịrị sakị, KỊNỊNYANAḄỌ ḅe ḅẹrẹkọnḅọ ḅe na emii, tẹ ori inina fịya-a apụ ma ḅara mẹ ḅụ ịn ḅọrọmam ḅẹrẹkọnḅọ ḅe ene mamgba ḅụ, gbala inima tẹ ḅụụ-fụka kẹ ịn pịrị, tẹ ịn ponomarị apụ ma gotẹ ịn kọn-arị ịna iningi mẹ KỊNỊNYANAḄỌ ḅe mịẹ tẹ ọ̀ sịḅị-kụrụkụrụarị ẹrẹsị.