Jerimaya 41:8 - FỊAFỊA BAỊBỤLỤ

⁸ Kụma ịna ogbo mẹ ḅio oyi owiapụ sime tẹ Isimẹlị ḅẹẹm, “Sisi wa ḅaa ma! Wa ịn kẹ witi na, bali na sịn afịaị na, olivu-olo na, ḅẹm na kẹ ḍụọ ḅio ḅọị wararị.” Mie ḅụ ọ̀ ḅarị ịn ḅaa-a som.

Jerimaya 41:8 Iomraidhean Croise

Jobu 2:4

Anịtẹso Ekwesu ḅe nwẹnị KỊNỊNYANAḄỌ ḅe pakịrị, “Amụ ị́ ḅara kẹ ọ̀ ḅụụ akụ tẹịn ye lama-a. Tomḅọ ọ̀ nyana ye mẹmgba pịrị pakama ḅa ò ḍumo gotẹ.

Egberima-Ẹkwẹn 13:8

Ngọ-kọnḅọ ḅe ori igbigi kẹ ò ḍumo ḅọrọmarị, kụma gbọrụḅọ-sọ igoinḅọ ḅe ẹrẹma-a.

Ayịzaya 45:3

Kanakana ḅọị ayọ ḅụ arị ngọ tan-tan ị́ pịrị ḅa; anịtẹso í nimi ḅa mịnẹ yẹrị anie KỊNỊNYANAḄỌ ḅee, tẹ Izirẹlịapụ tẹkẹarị Tamụnọ ḅe ẹrẹ kẹ ị́ sịn tẹẹ.

Jerimaya 41:9

Isimẹlị ọ̀ ḅaa atomi ma oju-akpakpa ma kẹ gbin suu suḅe mẹ anie Ama-da Asa soku opu suḅe mẹ, Izirẹlị ḅẹ Amadaḅọ Basa owu kẹ ọ̀ paka sakị. Isimẹlị fịtẹ oju-akpakpa ma kẹ suḅe mẹ ḅio suu ḅinmam.

Matiyo 16:26

Yee à paa ó gbela, tomḅọ bebe tomikiri mẹ nyana ọkị ḅẹ tẹ amịna ḍumo fama kụma ndẹẹ mḅọ nyana ḅarị sọye? Karakara-ḅara-ḅụ gbọrụ sọye sọ ofori! Ori inetẹ pịrị pakama tẹ kẹ ò ḍumo pakịrị ọkị ḅẹ gberie-sọ ofori.

Matiyo 6:25

Miemẹ anie à gotẹ ọ́ ḅẹẹarị mịnẹ ọmịnị ọ́ fị ḅẹ aị na, ó ḅuu ḅẹ aị na ẹrẹsị ḅụụ-ḅalaḅala ma, mịẹtẹ ó ḍumo sime ḅarị ḅara, anịanịa ọ́ sụa ḅẹ kapa. Mie-mẹmgba ọgọnọ ḅụ, ọ́ kọkọ nimi wararị, mịnẹ tomḅọ ḍumo mẹ, ḅịḅị-ḅio sụa fịye nẹngịm, anịsakị oju mẹ pịkị kẹ anị sụarị kapa nẹngịm.