Jerimaya 41:5 - FỊAFỊA BAỊBỤLỤ

⁵ owiapụ inia si nwẹnị Sẹkẹmụ na Silo na Sameriya na ḅụ sime tẹ ḅo la. Ini ịna asịḅị sẹịn-kpụkpụnụmam, tẹ ịna akapa kan tẹ ịna oju pẹlẹ-pẹlẹ pokolomam. Ini mbịaka na kụnụaị na ọkị-ḅo Tamụnọ-warị mẹ ḅio ḅo agbamịẹ ḅẹm.

Jerimaya 41:5 Iomraidhean Croise

Suku-saakị 33:18

Jekọbụ Padani-aramụ ḅụ ọ̀ mẹnjị kọnma so ye mẹ gberie-sọ ḅụụ la-a ḅara kẹ ò ḅo Sịkẹmụ opu ama aniemẹ tẹ Kenanị ama mẹ ḅio simearị ye mẹ lam; tẹ ori opu ama mẹ tọrọkọ akpụrụ-warị pike tẹ simem.

Suku-saakị 34:2

Hamọ, Hivayịtị kpo mẹ ḅẹ ḅọ ḅe owiḅọtụḅọ Sẹkẹmụ, ama mẹ ḅẹ amadaḅọ tụḅọ ḅe nwẹnị arị ẹrị tẹ kụrọ ḅara kẹ arị ọlọ tẹ nwẹnị arị na gboloma tẹ á mịẹ iderima.

Suku-saakị 37:12

Ori owiapụ-amịnapụ mị sakị mẹ ḅụ osuka kẹ ịna ḍaḅọ anana ogbo pịrị fị ḅẹ mum Sịkẹmụ ḅụ.

2 Samụẹlị 10:4

Anieḅụ Hanụnụ, Devidi afịrịmẹnjịapụ ma ọkịm, tẹ ịna aḅụụ gbọrụḅọ-gbọrụḅọ ḅekeke ḅẹ mpọrị kẹ maa anga ḍiya ḅẹ gbọrụ anga sẹịn-sẹịn siinm, tẹ ịna akonju ḅụ ịna vọrọrọ-akapa ma ḅụ ogboku kịrị-kịrị siinm, tẹ ịn fịrịma tẹ ịn som.

1 Amadapụ 12:1

Rihobohamụ nwẹnị Sẹkẹmụ mu gbala Izirẹlịapụ mamgba ọ̀ kẹ amadaḅọ mịẹ gotẹ Sẹkẹmụ ḅo tẹ

1 Amadapụ 12:25

Anịtẹso Jerobohamụ nwẹnị Iferemu tụndụ opu sịẹ mẹ ḅio Sẹkẹmụ ama mẹ nama kụrọma tẹ anịanga ḅụ anga. Anịanga ḅụ ọ̀ nwẹnị mu Pẹnụwẹlị ama nama kụrọma.

1 Amadapụ 16:24

Ọ̀ nwẹnị Sẹma ḅara ḅụ seleḅa pakịrị jei ẹndẹ (6,000) kẹ Sameriya ḅẹ tụndụ mẹ fẹ tẹ nwẹnị tụndụ mẹ ọgọnọ opu ama pakama tẹ anị nama kụrọma tẹ anị sịn Sameriya, kẹ gbala tụndụ mẹ nyanaḅọ Sẹma ḅẹ ẹrẹ kẹ anị kuro ḅụ.

1 Amadapụ 16:29

Juda ḅẹ Amadaḅọ Asa ama-da tẹ maa kụra fa kụra amesi karama kụra ḅụ mịẹ Omuri owiḅọtụḅọ Ehabụ ḅo Sameriya ḅụụ sime tẹ si maa kụra finji kẹ Izirẹlị da yee.

2 Amadapụ 25:9

Ọ̀ nwẹnị KỊNỊNYANAḄỌ ḅe warị mẹ na, amadaḅọ ḅe warị mẹ na, Jeruselemu ḅẹ awarị mamgba dọkịma; opu warị goyegoye ọ̀ dọkịmam.

1 Paka-aị 19:4

Anieḅụ Hanunu nwẹnị Devidi afịrịmẹnjịapụ ma ọkị tẹ ịna mpọrị sẹịn siin, tẹ ịna konju ḅiri ḅụ ịna opu akapa ma ogboku kịrị fongolo siin, tẹ ịn fịrịma pịkị; tẹ in som.

Devidi-Anume 102:14

Ị́ afịrịmẹnjịapụ ma á ḅẹlẹmarị, karakaraye kịnị á kan guluguluma sara tẹ sọ; ini á ḍiki sịḅị-kụrụkụrụarị, á kaan-kọsị-sara tẹ sọ.

Devidi-Anume 78:60

Ọ̀ Silo ḅẹ Tamụnọ-warị mẹ sịkịm, anie ọ̀ kẹ ò sime-yọ mịẹ sime anga mẹ wamịna ogboku ḅụ.

Ayịzaya 15:2

Dibọnị ḅẹ apụ kpọlị iwo tụndụ mẹ ḅẹ tẹkẹ anga mẹ ḅụ owu ḅẹ mu tẹ. Mohabụ ḅẹ apụ kururu ḅụ Nebo na Medeba na opu ama ma gotẹ owuarị. In kururu ḅụ ịna asịḅị na mpọrị na sịn siin tẹ.

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 41:4

Anị ḅẹ ene-ḅaa mẹ ḅụ gbọrụḅọ-sọ amụ in Gedalaya ḅaa ye gboloma ye nimi-a ogbo,

Jerimaya 47:5

Opu kururu ḅo Gaza ḅẹ apụ la tẹ, tẹ Asẹkẹlọnị ḅẹ apụ gbọsime wararị Filisiteni ḅụ kirikọn-apụ ma kururu mu tọ-sakị la ḅẹ?

Jerimaya 48:37

Inimgba ịna asịḅị sịn siin tẹ pịkị ịna mpọrị ma sẹịn-siin tẹẹ. Ini ịna aḅara puu-puu tẹ ịnọ paka wararị, tẹ ọrụḅọ-ọrụḅọ akpa ịnwaịn wararị.

Jerimaya 7:12

Silo muu, à tarị sẹlẹ ọkịm in sunsin ị̀ pịrị ḅẹm nwẹn ḅẹẹ anga mẹ, tẹ à kẹ anị mịẹ ye ẹrị, ị̀ atomi Izirẹlị asi gotẹ.

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Jowẹlị 2:13

Ọmịnị ọmịna aḅioḅẹngbọ mamgba kẹ si ḅụ pịkị tẹ mẹ ḍie pakamaa, ọmịnị ọmịna akapa kan ḅụ-a. Ọ́ pịkịma KỊNỊNYANAḄỌ ḅe tẹ ó sunsin pịrịarị Tamụnọ ḅe ḍọkụma-ḅoo. Ori iḅi ḅioḅẹngbọ nyana wararị, tẹ ọkụrụkụrụ pịkị ọ̀ ḅụụ ḅin wararị. Ò ye-inemarị tẹ ò minini ye mịẹarị. Sakị mamgba ọ̀ tẹlẹma tẹ si-wẹrịsoarị, fomu-ḅara kẹ kịnị pịrị-a.

Ditẹrọnọmị 14:1

Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Jọsụwa 18:1

Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.

Jọsụwa 24:32

Josẹfụ mgbe ma tẹ Izirẹlịapụ ma Ijiputi ḅụ ọkị-ḅo aị ma, Sẹkẹmụ ḅụ ini arị ḍiḅim, kiri mẹ tẹ Jekọbụ, Sẹkẹmụ ḍa, Emọ owiapụ-awọmẹ ḅara seleḅa pakịrị sọnọa si kẹ fẹẹ anga ḅụ anị ḅo sime anga sọ Josẹfụ ḅụụ ḅụ paka-ḅo apụ pịrịm.

Ḅẹrẹkọn-apụ 18:31

Mị-ḅara mie Tamụnọ warị mẹ Silo ḅụ sime mu la sakị, la sakị ḅụ in kpokobia mẹ tẹ Mayịka ḅara kẹ kara ye mẹ kẹ sịẹma wẹrị mu la ḅara.

Ḅẹrẹkọn-apụ 9:1

Abimẹlẹkị, Jerubalị owiḅọtụḅọ ḅẹ nwẹnị so Sẹkẹmụ ḅụ ò iyingi owiapụ-amịnapụ ḍọkụma-mu tẹ ini na bebe ò iyingi paka-furo mẹmgba ḅẹẹ,

1 Samụẹlị 1:7

Mị-ḅara mie kụra-kụra ḅụ anị mịẹ ma-mu ḅara; árị iwo KỊNỊNYANAḄỌ ḅe warị mẹ mu sakị mu sakị, mie á kẹ árị ịganịma-ịganịma ḅara. Anịẹrẹsị Ana tẹmẹ-la ḅara kẹ owu ḅa, tẹ fịye fị ḅịa.