Jerimaya 41:3 - FỊAFỊA BAỊBỤLỤ

³ Isimẹlị pịkị Gedalaya na Mizipa ḅụ sime Izirẹlịapụ sọ kẹ sụa ḅaam, pịkị Babịlonịya ḅẹ ọmụapụ tẹ anịanga sime apụ sọ.

Jerimaya 41:3 Iomraidhean Croise

2 Amadapụ 25:25

Kụma sọnọma karama akalụ mẹ ḅụ, Isimẹlị anie Netanaya owiḅọtụḅọ, pịkị Ẹlịsama taa-owiḅọtụḅọ tẹ amada-furo mẹ ḅụ paka-ḅo ḅọ ḅe nwẹnị oyia apụ na ḅo owu kẹ Gedalaya paka tẹ ọ̀ ḅaa Mizipa ḅụ. Ọ̀ pịkị Juu-ḅẹ-apụ ma na Babịlọnị ḅẹ apụ ma na tẹ ori na sime apụ ma sọ ḅaam.

Nimi Tolumaḅọ 9:18

Nimi, iḅi kẹ ọmụgbin-aị nẹngịm; kụma gbọrụ si-mịẹḅọ ḍuko ḅẹ ọkụ ofori iḅi gulugulumarị.

Jerimaya 41:2

Isimẹlị Netanaya owiḅọtụḅọ ḅe na ori na simearị oyia owiapụ ma na nwẹnị saakị tẹ ịna okologie wụrọ-pakama tẹ kẹ Gedalaya Ayikamụ owiḅọtụḅọ, pịkị Safani taa-owiḅọtụḅọ ḅe ḅaa, gbala Babịlọnị Amadaḅọ ḅe ori kẹ Gọvịna mịẹm ẹrẹsị.

Jerimaya 41:4

Anị ḅẹ ene-ḅaa mẹ ḅụ gbọrụḅọ-sọ amụ in Gedalaya ḅaa ye gboloma ye nimi-a ogbo,

Kururu Owu-apọkọ 1:2

Ḍin ḅụ árị akụ ḅara kẹ tẹmẹ-la owu kọnm, owu aminji á tọrụ ḅụ puu-puu saram. Á ḅẹlẹma apụ mamgba ogbo-ḅio ḅụ, gbọrụḅọ-sọ kọn tẹ á dedema-a; árị ikiapụ mamgba oḅori kẹ á sịn ḅara kẹ árị na mịẹ tẹẹ; ịn ḅo árị na fịya-a apụ sọ tẹẹ.