Jerimaya 41:2 - FỊAFỊA BAỊBỤLỤ

² Isimẹlị Netanaya owiḅọtụḅọ ḅe na ori na simearị oyia owiapụ ma na nwẹnị saakị tẹ ịna okologie wụrọ-pakama tẹ kẹ Gedalaya Ayikamụ owiḅọtụḅọ, pịkị Safani taa-owiḅọtụḅọ ḅe ḅaa, gbala Babịlọnị Amadaḅọ ḅe ori kẹ Gọvịna mịẹm ẹrẹsị.

Jerimaya 41:2 Iomraidhean Croise

2 Samụẹlị 3:27

Abịna pịkịma-ḅo Hẹbụrọnị la tẹso, Johabụ nwẹnị ḅeri-ḅio ḅeri-ḅio ẹkwẹn ọ̀ pịrị ḅẹ ḅara kẹ ori ọkị akaka pịrị ogigo-ḅọkọ mẹ ogboku, tẹ nwẹnị anịjụ ò furo ḅụ ogie kẹ ò temi, anieḅụ ọ̀ nwẹnị fịị; ò iyimbere Asahẹlị sịḅị ẹrẹsị.

2 Amadapụ 25:25

Kụma sọnọma karama akalụ mẹ ḅụ, Isimẹlị anie Netanaya owiḅọtụḅọ, pịkị Ẹlịsama taa-owiḅọtụḅọ tẹ amada-furo mẹ ḅụ paka-ḅo ḅọ ḅe nwẹnị oyia apụ na ḅo owu kẹ Gedalaya paka tẹ ọ̀ ḅaa Mizipa ḅụ. Ọ̀ pịkị Juu-ḅẹ-apụ ma na Babịlọnị ḅẹ apụ ma na tẹ ori na sime apụ ma sọ ḅaam.

Devidi-Anume 109:5

À kẹ ịn mịẹarị iḅi ḅụ in si kẹ ị̀ gbẹẹarị, tẹ ḍiki-ḅioḅu kẹ ḅẹlẹma kiri ḍimarị.

Devidi-Anume 41:9

Ị̀ iḅi tẹịn ikiaḅọ ḅe, tẹ à kẹ ḅiokpọma tẹịn ḅọ ḅe, ị̀ na ị̀ fịye fị-fị ḅọ ḅe sọ, pịkị tẹ ị̀ na tụḅụrụ tẹẹ.

Jerimaya 40:14

tẹ ọ̀ ḅẹẹm, “Í gbeke nimi wararị mịnẹ Bahalisi, Amọnị ḅẹ amadaḅọ ḅe, Isimẹlị fịrịma tẹ ò ḅo ị́ ḅaa?” Kụma Gedalaya anị minini-a.

Jerimaya 40:16

Kụma Gedalaya pakịrịm, “Anie mịẹ ma! Isimẹlị ḅụ í ḍukoarị ye karakara ye-a!”

Jerimaya 40:5

Amụ à pakịrị-a ogbo Nebuzaradanị ḅẹẹm, “Pịkị-so Gedalaya dama-muu, Ahikamụ owiḅọtụḅọ, pịkị Safani taa-owiḅọtụḅọ tẹ Babịlonịya ḅẹ amadaḅọ ḅe kẹ Juda ḅẹ ama ma ḅẹrẹtọnḅọ mịẹ ḅọ ḅe. Í inetẹ ori na sime tẹ ị́ atomi ma ogboku anga ḅa, anịanịa í inetẹ í kuromarị í na-iḅi anga-anga mu ḅa.” Anịtẹso ọ̀ fịaị kẹ ḍie ị̀ pịrịm à kẹ soo, tẹ ị̀ wẹrịso tẹ arị à mu ḅẹ anga mum.

Jerimaya 40:7

Juda ḅẹ fịrịmẹnjị-opuapụ na ọmụapụ na ḅẹ jen-apụ amụ ḅara saakị Babịlonịya ḅẹ ọmụapụ ma pịrị-a. Ịn naam mịnẹ Babịlonịya ḅẹ amadaḅọ ḅe Gedalaya kẹ ḅẹrẹtọnḅọ sọma tẹ ọ̀ kẹ ama mẹ ḅụ ini ọkị so Babịlonịya mu-a apụ ma ḍikiḍikiḅọ mịẹ tẹ ama mẹ ḅio igoin-tẹịn apụ ma.

Jerimaya 40:8

Mie ḅụ Isimẹlị, Natanaya tụḅọ na, Johananị, Kariya tụḅọ na, Sẹraya, Tanihumẹti tụḅọ, Ẹfayị owiapụ-awọmẹ ma tẹ Nẹtofa ḅụ ḅo apụ ma, na Jezanaya, Mahaka ḅụ ḅọ apụ ma, na Jezanaya, Mahaka ḅụ ḅo ḅọ ḅe na nwẹnị ịna atomi na Gedalaya dama-mu Mizipa ḅụ.

Jerimaya 41:3

Isimẹlị pịkị Gedalaya na Mizipa ḅụ sime Izirẹlịapụ sọ kẹ sụa ḅaam, pịkị Babịlonịya ḅẹ ọmụapụ tẹ anịanga sime apụ sọ.

Jọnị 13:18

“Àrị ọmịnị-mgba gboloma ye ḍuko-a; à sẹlẹ-ọkị tẹ apụ ma à nwẹn nimi wararị; kụma Fịafịa Ḍiri mẹ ḍuko ye mẹ paka ḅa mịnẹ, ‘Ị̀ na ì fịye fịarị ḅọ amịna ḅụụ kẹ ị̀ na fịya-a ḅọ mịẹ tẹ.’