Jerimaya 41:18 - FỊAFỊA BAỊBỤLỤ

¹⁸ Babịlonịya ḅẹ apụ ma ḅara-gbarị ḅẹ ḅara. Ịn Babịlonịya ḅẹ apụ ma gotẹ ḅalafaam, anie Isimẹlị, Netanaya tụḅọ ḅe Gedalaya, Ahikamụ tụḅọ ḅe ḅaa ye mẹ ẹrẹsị, anie Babịlonịya ḅẹ amadaḅọ ḅe kẹ ama mẹ ḅụ ḅẹrẹtọnḅọ sọma ḅọ ḅe.

Jerimaya 41:18 Iomraidhean Croise

2 Amadapụ 25:22

Ini ma tẹ Nebukadineza Babịlọnị ḅẹ amadaḅọ ḅe wẹrịso tẹ Juda ḅẹ ama mẹ ḅio kọn apụ ma, ọ̀ Gedalaya Ahikamụ owiḅọtụḅọ, pịkị Safani taa-owiḅọtụḅọ ḅe tọnm ori ịna Gọvịna sọ.

2 Amadapụ 25:25

Kụma sọnọma karama akalụ mẹ ḅụ, Isimẹlị anie Netanaya owiḅọtụḅọ, pịkị Ẹlịsama taa-owiḅọtụḅọ tẹ amada-furo mẹ ḅụ paka-ḅo ḅọ ḅe nwẹnị oyia apụ na ḅo owu kẹ Gedalaya paka tẹ ọ̀ ḅaa Mizipa ḅụ. Ọ̀ pịkị Juu-ḅẹ-apụ ma na Babịlọnị ḅẹ apụ ma na tẹ ori na sime apụ ma sọ ḅaam.

Ayịzaya 57:11

KỊNỊNYANAḄỌ ḅe mẹẹ, “Ọ́ mịẹ tẹ ọ́ ḅalafaarị atamụnọ ma tọ apụ, mịẹ tẹ ọmịnị iruo-aị ḍuko ị̀ pịrị tẹ gbọrsịḅị ị̀ kẹ ḅioḅọrọmarị aị ma? Ọ́ kụn kẹ ị̀ pịrị mẹ dasịẹma ye mẹ anie à gbọsime tẹ ḅarị jen kẹ ḅịḅị fie-a alama ye mẹ ẹrẹsị mụnọọ?

Jerimaya 40:5

Amụ à pakịrị-a ogbo Nebuzaradanị ḅẹẹm, “Pịkị-so Gedalaya dama-muu, Ahikamụ owiḅọtụḅọ, pịkị Safani taa-owiḅọtụḅọ tẹ Babịlonịya ḅẹ amadaḅọ ḅe kẹ Juda ḅẹ ama ma ḅẹrẹtọnḅọ mịẹ ḅọ ḅe. Í inetẹ ori na sime tẹ ị́ atomi ma ogboku anga ḅa, anịanịa í inetẹ í kuromarị í na-iḅi anga-anga mu ḅa.” Anịtẹso ọ̀ fịaị kẹ ḍie ị̀ pịrịm à kẹ soo, tẹ ị̀ wẹrịso tẹ arị à mu ḅẹ anga mum.

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 42:11

Ọ́ ḅarị Babịlonịya ḅẹ amadaḅọ ḅe gotẹ ḅalafa ma. Àrị ọmịnị na emi, tẹ ọ̀ kụrọ ḅụ ọ́ pụkọ-pakamaḅo ḅa.

Jerimaya 42:16

anị sakị mie ó gotẹ ḅalafaarị ọmụ mẹ ḅo ọ́ bẹkẹ ḅarịye, tẹ ọmịna tẹmẹ-naịn-naịnmarị ḅuru-ḅa mẹ ó pono mu ḅarịye, tẹ ọmịna anịanga Ijiputi ḅụ fịị ḅarịye.