Jerimaya 41:10 - FỊAFỊA BAỊBỤLỤ

¹⁰ Anịtẹso Isimẹlị nwẹnị amadaḅọ ḅe eremịna-awọmẹ ma na Mizipa ḅụ, ḅẹrẹtọn ọmụapụ ma pịrịarị ọmụ-alaḅọ Nebuzaradanị ḅe kẹ Gedalaya suku-ḅio wẹrị apụ ma ḅụ kirikọn-apụ mamgba na ọkị-so, ikoliapụ ḅara ḅụ, tẹ ịn kẹ Amọnị ibe pakịrị anga da-mum.

Jerimaya 41:10 Iomraidhean Croise

Nehimaya 2:10

Kụma Sanịbalatị, Ọrọnị ḅẹ ḅọ ḅe na, Tobaya fịrịmẹnjịḅọ, Amọnị ḅẹ ḅọ ḅe na, miemẹ naa tẹso, mịnẹ kịnị ḅo Izirẹlị ḅẹ awọmẹ ma iḅi ḍọkị ḅẹ ḅom mẹ anị nwẹnị gburo-gburoma ịna ḅioḅuma.

Nehimaya 2:19

Kụma Sanịbalatị, Ọrọnị ḅẹ ḅọ ḅe na, Tobaya, fịrịmẹnjịḅọ Amọnị ḅẹ ḅọ ḅe na, Gisẹmụ Arabụ ḅọ ḅe na anị naa tẹso, ịn nwẹnị wa kẹ kpọọti tẹ wa ḍiki-sima tẹ ḅẹẹ, “Ọ́ nwẹn mịẹarị ye mẹ ó tiye mịẹarị? Ọ́ sịḅị-kụrọma amadaḅọ ḅe pịrịarị?”

Jerimaya 22:30

“Ḅị tomḅọ ḅe ịn ḅẹrẹ-pẹlẹ ori ọgọnọ gbana tẹ mịnẹ ori awọmẹ fịị Ọ̀ mịẹ ye mịẹ ye gbala-gbala ḅara ḅẹ sọ ma gboo pịrị tomḅọ sọ ḅa. Ò furo-ḅẹ-apụ paka ḅịa Juda ḅụ ama-da ḅẹ apụ, Devidi tọrụ ḍima ḅẹ apụ ḅara ḅụ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 38:23

Anịtẹso à pịkị kẹ sụa ḍukom, “Í eremịna-awọmẹ mamgba ini ịn kẹ so mu Babịlonịya ḅẹ apụ ma pịrị ḅa, tẹ í ḅioju sọ ịna ḅara gbarị ḅịa. Ini ikoliḅọ ḅara kẹ ị́ kẹ so mu Babịlonịya ḅẹ amadaḅọ ḅe pịrị ḅa, tẹ ịn mịẹ opu ama mẹ dọkịma kiri lama ḅa.”

Jerimaya 39:6

Ribila ḅụ ọ̀ Zẹdẹkaya tọrụ-ogbo ḅụ ori owiapụ-awọmẹ ḅaam, tẹ ọ̀ pịkị Juda ḅẹ fịrịmẹnjị-opuapụ ma sọ ḅaam.

Jerimaya 40:14

tẹ ọ̀ ḅẹẹm, “Í gbeke nimi wararị mịnẹ Bahalisi, Amọnị ḅẹ amadaḅọ ḅe, Isimẹlị fịrịma tẹ ò ḅo ị́ ḅaa?” Kụma Gedalaya anị minini-a.

Jerimaya 40:7

Juda ḅẹ fịrịmẹnjị-opuapụ na ọmụapụ na ḅẹ jen-apụ amụ ḅara saakị Babịlonịya ḅẹ ọmụapụ ma pịrị-a. Ịn naam mịnẹ Babịlonịya ḅẹ amadaḅọ ḅe Gedalaya kẹ ḅẹrẹtọnḅọ sọma tẹ ọ̀ kẹ ama mẹ ḅụ ini ọkị so Babịlonịya mu-a apụ ma ḍikiḍikiḅọ mịẹ tẹ ama mẹ ḅio igoin-tẹịn apụ ma.