Jerimaya 40:5 - FỊAFỊA BAỊBỤLỤ

⁵ Amụ à pakịrị-a ogbo Nebuzaradanị ḅẹẹm, “Pịkị-so Gedalaya dama-muu, Ahikamụ owiḅọtụḅọ, pịkị Safani taa-owiḅọtụḅọ tẹ Babịlonịya ḅẹ amadaḅọ ḅe kẹ Juda ḅẹ ama ma ḅẹrẹtọnḅọ mịẹ ḅọ ḅe. Í inetẹ ori na sime tẹ ị́ atomi ma ogboku anga ḅa, anịanịa í inetẹ í kuromarị í na-iḅi anga-anga mu ḅa.” Anịtẹso ọ̀ fịaị kẹ ḍie ị̀ pịrịm à kẹ soo, tẹ ị̀ wẹrịso tẹ arị à mu ḅẹ anga mum.

Jerimaya 40:5 Iomraidhean Croise

2 Amadapụ 22:12

Amadaḅọ ḅe nwẹnị tọn Hilikaya agbamịẹḅọ ḅe na, Ahikamụ Safani owiḅọtụḅọ ḅe na, Akịbọ Mayịkaya owiḅọtụḅọ ḅe na, Safani ḍiri-kẹẹḅọ ḅe na, Asaya amadaḅọ ḅe fịrịmẹnjịḅọ ḅe na pịrị, tẹ ḅẹẹm,

2 Amadapụ 22:14

Anieḅụ Hilikaya agbamịẹḅọ ḅe na, Ahikamụ na, Akịbọ na, Safani na, Asaya na, nwẹnị Ịkịankoro-ẹrẹḅọ Huluda na ẹkwẹnma ḅẹ mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

2 Paka-aị 34:20

Amadaḅọ ḅe nwẹnị tọn Hilikaya na, Ahikamụ, Safani owiḅọtụḅọ ḅe na, Abidọnị, Mayịka owiḅọtụḅọ ḅe na Safani ḍiri-kẹẹḅọ ḅe na, Asaya, amadaḅọ ḅe fịrịmẹnjịḅọ ḅe na pịrị, tẹ ḅẹẹm,

Ẹzịra 7:27

Boma sime KỊNỊNYANAḄỌ wamịna ḍapụ ma Tamụnọ ḅe pịrịị, oriḅe tẹ mị-ḅara mẹ sime ye kẹ Amadaḅọ ḅe ḅioḅẹngbọ ḅụ suu kẹ KỊNỊNYANAḄỌ ḅe warị mẹ tẹ Jeruselemu ḅụ simearị ye mẹ mịẹ iḅima ḅẹ ye mẹ;

Ẹzịra 7:6

Ḅị Ẹzịra ḅe Babịlọnị ḅụ som. Ori anie ḍiri-kẹẹḅọ tẹ Mozizi oloko mẹ tẹ KỊNỊNYANAḄỌ Izirẹlịapụ tẹkẹarị Tamụnọ ḅe pịrị ye mẹ nimi lama wararị ḅọ; gbala KỊNỊNYANAḄỌ ọ̀ Tamụnọ ḅe ḅara ori ọgọnọ emi ẹrẹsị Amadaḅọ ḅe ori ọ̀ ḅara ḅii aị mamgba kẹ ọ̀ pịrịm.

Nehimaya 1:11

Yei KỊNỊNYANAḄỌ, yee ị́ í ḅeri-tokoloma ị́ fịrịmẹnjịḅọ tẹkẹ na, ị́ afịrịmẹnjịapụ ma tẹ ị́ ẹrẹ mangịma mẹ ḅẹlẹma apụ ma tẹkẹ na naa; tẹ mịmgba ị́ fịrịmẹnjịḅọ mịẹ ye mẹ ori na iḅi, tẹ ḅị tomḅọ ḅe ḍiki-tọrụ ḅụ ọkụrụkụrụ nyana ọ̀ pịrị.” Mịọkụ, yẹrị anie ò ḅio-koruḅọ.

Jobu 22:29

Kẹ gotẹ ọkọ ḅẹẹarị, Tamụnọ opu amịẹaị mịẹ ḅọ ḅe iderimarị, kụma ori ideri kiri ḅụ sime ḅọ ḅe ḅọrọmarị.

Egberima-Ẹkwẹn 16:7

Ị́ mịẹ ye KỊNỊNYANAḄỌ ḅe ḅụụ-ḅẹlẹarị ḅẹḅẹ, í inetẹ mịẹ tẹ si kẹ ị́ tọn-arị apụ í ikiapụ sọ ḅa.

Egberima-Ẹkwẹn 21:1

KỊNỊNYANAḄỌ sarasarama mẹnjịarị minji mẹ da anị mu ḅẹ anga pịrịarị ḅara mẹ, anie ọ̀ kẹ ḅẹrẹtọn amadaḅọ ḅe kuroma pịrịarị ḅara.

Jerimaya 15:11

KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 26:24

Kụma yẹrị, Ahikamụ, Safani tụḅọ ḅe, ị́ jụ emi ẹrẹsị in ị̀ saḅama tomi ma pịrị tẹ ini ị̀ ḅaa-a.

Jerimaya 39:14

amada-warị mẹ ḅẹ ogigo mẹ ḅio ị̀ ọkị-som. Ini ị̀ kẹ Gedalaya ḅara sụam, anie Ahikamụ owiḅọtụḅọ pịkị Safani taa-owiḅọtụḅọ ḅe. Ori mie ẹrị ḅarịye mịnẹ à gberie-sọ ị̀ la-a ḅara kẹ mu warị lam. Tẹ anie ḅụ à nwẹnị tomi ma ogboku sime.

Jerimaya 40:4

Mịọkụ arị ị́ aḅara ḅụ ikoli ma siin tẹ ị́ ḅụụ ḅara-siin-arị. Í ḅiiarị ị́ ị̀ na so Babịlonịya mu ḅẹḅẹ í inetẹ ọkọ mịẹ ḅa, tẹ arị í ḍikiḍiki ḅa. Bebe ama kiri mẹ sime ị́ pịrịm, sẹlẹ tẹ í ḅii-anga ḅii-anga mu.”

Jerimaya 41:1

Anị kụra mẹ ḅụ ḅẹ sọnọma karama akalụ mẹ ḅụ Isimẹlị, Natanaya owiḅọtụḅọ, pịkị Ẹlịsama taa-owiḅọtụḅọ ḅe, amada-furo mẹ ḅẹ ḅọ, pịkị amadaḅọ ḅe fịrịmẹnjị-opuapụ ma ḅẹ gbọrụḅọ, oyi owiapụ na Mizipa ḅụ Gedalaya ẹrị ḅẹ mum. Inimgba yefịarị ogbo,

Jerimaya 41:18

Babịlonịya ḅẹ apụ ma ḅara-gbarị ḅẹ ḅara. Ịn Babịlonịya ḅẹ apụ ma gotẹ ḅalafaam, anie Isimẹlị, Netanaya tụḅọ ḅe Gedalaya, Ahikamụ tụḅọ ḅe ḅaa ye mẹ ẹrẹsị, anie Babịlonịya ḅẹ amadaḅọ ḅe kẹ ama mẹ ḅụ ḅẹrẹtọnḅọ sọma ḅọ ḅe.

Jerimaya 41:2

Isimẹlị Netanaya owiḅọtụḅọ ḅe na ori na simearị oyia owiapụ ma na nwẹnị saakị tẹ ịna okologie wụrọ-pakama tẹ kẹ Gedalaya Ayikamụ owiḅọtụḅọ, pịkị Safani taa-owiḅọtụḅọ ḅe ḅaa, gbala Babịlọnị Amadaḅọ ḅe ori kẹ Gọvịna mịẹm ẹrẹsị.

Fịrịmẹnjịapụ 27:3

Anị ḅẹ ene-ḅaa ḅụ wa ḅo Sayịdọnị la tẹso, Julịyọsị kẹ Pọlụ ọkị iḅi ḅara gotẹ, ọ̀ nwẹnị minini ọ̀ pịrị mịnẹ ò koro mu ori ikiapụ la tẹ ịna ḅara ọ̀ ḅụụ-fụkamarị aị ọkị.

Fịrịmẹnjịapụ 27:43

Kụma ọmụ-alaḅọ ḅe Pọlụ ḅọrọma ḅẹ ḍọkịarị gotẹ minini ịn pịrị-a. Anie nakara ori okin ḍin apụ ma ḅẹẹm ini tarị minji koro tẹ okin mu kpongbo kpọlịị;

Fịrịmẹnjịapụ 28:10

Ịn tọnwa aị kẹ ḍie wa pịrịm, tẹ wa arụ ḅụkụlọ tẹ so ḅẹ sakị ịn pịkị tọrụ-minji wa ḅii ḅẹ aị kẹ arụ sẹịn wa pịrịm.

Hiburu 13:6

Ọkọẹrẹsị, ó yee wa ḅiokpọ tẹ ḅẹẹ, “KỊNỊNYANAḄỌ ḅe anie ḅarasụa ị̀ pịrịarị ḅọ, à ḅalafa ḅịa. Tụḅọ inetẹ tiye kẹ ị̀ mịẹ ḅẹ?”