Jerimaya 40:3 - FỊAFỊA BAỊBỤLỤ

³ tẹ mịọkụ ò ḅiim ọ̀ mịẹ ḅẹ ye mẹ ọ̀ mịẹ tẹẹ. Mie-mẹmgba gotẹ mịẹ ye ị́ atomi ma si kẹ KỊNỊNYANAḄỌ ḅe mịẹ tẹ ọ̀ ḅịḅị poki-a.

Jerimaya 40:3 Iomraidhean Croise

Nehimaya 9:28

Kụma ini ịnyọsara tẹso, in pịkị si mịẹm ị́ tọrọkọ ḅụ, ị́ nwẹnị in sịkị inina fịya-a apụ ḅara-ḅio suu tẹ in nwẹnị anieḅụ ḅẹrẹtọn in pịrịm. Anịsọ in pịkịma-ḅo owu ị́ pịrị tẹso, So-ḅio ḅụ ị́ in naam. Tọnwa sakị ị́ nwẹn kẹ ịn ḅọrọma tẹ, ị́ ọkụrụkụrụ sime-ḅara gotẹ.

Nehimaya 9:33

Anịsọ ị́ karakaram, wamịna ọgọnọ gbana ye mamgba ḅụ; kẹ gotẹ ọkọ ḅẹẹarị, ị́ ị́ minini ye kokom, wamịnị masi si-sịḅịḅio-sụam.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 22:8

“Anie ḅọrọ tẹso, tọnwa jen asịẹ ḅẹ apụ mẹnjị ḅọrọ-ḅọrọtẹ ẹrị tẹ jụmọ-jụmọ gbela ḅa tiye ẹrẹsị yẹrị, KỊNỊNYANAḄỌ ḅe, nwẹn sime ye kẹ mị opu ama mẹ mịẹ mọ.

Jerimaya 39:16

à ḍuko Ẹbẹdị-mẹlẹkị, Sudanị ḅẹ ḅọ ḅe, pịrị mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko tẹẹ, “À ḍukom à mịẹ ḅa nwẹn ḅẹẹ gbọrụ ḅara mẹ, à gulugulu ọkị-ḅo mị opu ama mẹ ọgọnọ gbana ḅẹ-yearị, lọkọlọkọ-a. Tẹ miemẹ pakarị sakị, ị́ anịanga sime tẹ tọrụngbọ kẹ ẹrị ḅa.

Jerimaya 44:23

Mịọkụ ḅo ọ́ la wararị opu ḅụụ-fụka mẹ ọmịnị agba mịẹ-mịẹ oru-atamụnọ ma pịrịarị ye na ọ́ kẹ Tamụnọ mịẹ si, anie ori oloko ma koko-a ḅụ, anị ḅọrọ ḅom.”

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Kururu Owu-apọkọ 2:17

KỊNỊNYANAḄỌ ḅe ọ̀ mịẹ ḅẹ tọn ye mẹ mịẹ tẹẹ, ori ẹrẹma ye mẹ ọ̀ mịẹ tẹ; ọ̀ wẹrịtẹ ala tẹ sakị ḅụ tọn kuroma ḅara, ori ọkụrụkụrụ nyana-a ḅara kẹ kan-sara tẹ; ọ̀ mịẹ tẹ kịnị-na-fịya-a ḅọ ḅe í gotẹ ḍerekum, tẹ ị́ ọmụḅọ ḅe kụrọ saakị-gelemam.

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.

Romu 3:19

Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị.

Ditẹrọnọmị 29:25

Anịtẹso ọkụma tomi nwẹnị ḅẹẹ ḅa: Anị gotẹ ọkọ mịẹ ye, ịn KỊNỊNYANAḄỌ ịna aḍapụ ma Tamụnọ ḅe ọḅọkụ mẹ tẹ ori Ijiputi ḅẹ ama mẹ ḅio ini ọkị-ḅo sakị mẹ ḅụ ini na fị ye mẹ sịkịm,