Jerimaya 40:1 - FỊAFỊA BAỊBỤLỤ

¹ KỊNỊNYANAḄỌ ḅe ẹkwẹn ị̀ pịrịm, Nebuzaradanị, ḅẹrẹtọn ọmụ-ogbo mẹ pịrịarị ọmụ-alaḅọ ḅe ị̀ ḅụụ ḅara-siin tẹso, Rama ḅụ. Ini ikoli kẹ ị̀ ịkasị tẹ ị̀ ọkị osi apụ ma tẹ Jeruselemu na Juda na ḅụ ịn kun apụ ma ḅụ sụa tẹ kẹ so Babịlonịya mu simem.

Jerimaya 40:1 Iomraidhean Croise

2 Paka-aị 16:1

Asa ama-da tẹ ini akụra ofori kụra amesi karama kụra ḅụ, Basa, Izirẹlị ḅẹ amadaḅọ nwẹnị mu Juda si anga sịẹ tẹ ọmụ gotẹ Rama nama kụrọma, mịẹ tẹ ọ̀ ḍụkụ tẹ gbọrụḅọ-sọ paka-so anịanịa so ḅo Asa, Juda ḅẹ amadaḅọ ḅe la ḅịa ḅara.

Devidi-Anume 107:16

Ori ojo aḅọkọ kan saram, pịkị ikulele kịnị kiki aị gboloki saram.

Devidi-Anume 68:6

Ori mie sime-yọ kẹ ngẹrị ḅọ mẹ pịrị angarị, tẹ ọ̀ pịkị ikoliapụ ma ḅọrọma pakama-ḅo tẹ ịn ḅioḅẹlẹarị, kụma kọngọ kụrọ maa apụ ma ini ngẹrị kịnị ofori anga ḅụ ḅụụ-yaụ ḅụ anga ḅa.

Jerimaya 31:15

KỊNỊNYANAḄỌ ḅe mẹẹ: Rama ḅụ ịn pọkọ naam, Tẹmẹ-akụ ḅara kẹ owuarị pọkọ. Resẹlị árị awọmẹ gotẹ owuarị, in fịị-faa tẹẹ; á dedema ọkị ḍụkụ-a.

Jerimaya 39:9

Kunoma ḅụ, Nebuzaradanị, ḅẹrẹtọn ọmụ-ogbo mẹ pịrị ọmụ-alaḅọ ḅe ikoliapụ ḅara kẹ opu ama mẹ ḅio kirikọn atomi ma, pịkị mangị paka mu ịna ḅụụ sọ apụ kẹ sụa, ọkị so Babịlonịya mum.

Jerimaya 42:7

Oyia aḍin ḅọrọ tẹso, KỊNỊNYANAḄỌ ḅe ẹkwẹn ị̀ pịrịm;

Izikẹlị 33:21

Ịn wa kun-so tẹ oyi maaịn finji karama kụra mẹ ḅụ oyi karama akalụ mẹ ḅẹ sọnọ karama eneḅaka mẹ ḅụ, gbọrụ owiḅọ Jeruselemu ḅụ mangị paka-ḅo tẹ ḍuko ị̀ pịrịm mịnẹ opu ama mẹ ḅịkị tẹẹ.

Fịrịmẹnjịapụ 21:13

Kụma ọ̀ nwẹnị pakịrị, “Ọmịnị owu ị̀ tẹmẹ lọkọma ma Jeruselemu ḅụ, ịn papaa ị̀ fịna tẹ so-a, tẹ KỊNỊNYANAḄỌ Jizọsị ḅe gotẹ ị̀ ḅaa ḅẹ sọ à mininim.”

Fịrịmẹnjịapụ 28:20

Mie à ḍuko ọ́ pịrị ḅẹ tẹ fịrịma ọ́ sịn ye. Ye ḅẹ karakara ḅụ, Izirẹlịapụ kẹ ḅiokpọmaḅọ tẹ ịn tọrụ kẹ ḍikiarị ḅọ ḅe anie ịn gotẹ ma ikoli ma kẹ ị̀ sụa wararị.”

Ẹfisọsị 6:20

Mị iḅi-oku mẹ sịḅị ẹrẹsị àrị amanyanaḅọ ẹrẹ ḅụ jen sịẹ mu ḅọ sọ wararị, karakaraye mịọkụ ikoli-warị ḅio arị emi ḅẹsọ. Ọ́ tẹkẹ ị̀ pịrị mịnẹ à ḅiokpọ tẹ iḅi-oku mẹ ḅẹ ẹkwẹn kọn, à mịẹ na-iḅi ḅara ḅụ.

Jọsụwa 18:25

Gibiyọnị na, Rama na, Birọtị na,

1 Samụẹlị 7:17

Anịtẹrẹmẹ ori ọḅụ pịkị-so Rama mu ḅa, gbala anịjụ mẹ anie ori ama ẹrẹsị, tẹ anịjụ mẹ ḅụ sọ ọ̀ karakara ḅẹrẹkọn Izirẹlị pịrịm. Tẹ ori anịjụ gbọrụ agbamịẹ-anga nama KỊNỊNYANAḄỌ ḅe pịrịm.