Jerimaya 4:9 - FỊAFỊA BAỊBỤLỤ

⁹ KỊNỊNYANAḄỌ ḅe ḍukom, “Anị ene mẹ ḅụ, amadapụ na opu fịrịmẹnjịapụ na ịna ḅiokpọ fama ḅa agbamịẹapụ ḅụụ-gbiripu tẹ ịkịankoroapụ ḅụụ-bua ḅa.”

Jerimaya 4:9 Iomraidhean Croise

2 Amadapụ 25:4

Anịtẹso ịn nwẹnị opu ama mẹ ḅẹ onu mẹ ḅụ gbọrụ anga kan; amadaḅọ ḅe na, ọmụapụ mamgba na ori na nwẹnị ḍin ḅụ kan finjima onu ma ogboku, amadaḅọ ḅe ḍụọ akaka ḅụ, Babịlọnị ḅẹ apụ ma opu ama mẹ ikelema wararị ogboku ḅụ mangị-so, tẹ tọrụ kẹ Araba da-mu.

Devidi-Anume 102:4

Ini ì fomu kiri gbin tẹ, samụnọ tẹ osuka fomu ḅọlọlọma ḅara; ḅuru ḅarị ị̀ tarị-a.

Ayịzaya 19:16

Gbọrụ ene ḅụ, Ijiputi-ḅẹ-apụ ma ereme ịnyọ ofori ḅalafa kọn-kọn ḅara kẹ ḅalafaa ḅa. Ịna oju sẹkị ḅa opu tẹmẹ-naịn-naịn ḅụ, anie ịn KỊNỊNYANAḄỌ ḅe sụn-pakama tẹ kẹ in fomu ḅẹ ḅara mẹ ẹrị sakị.

Ayịzaya 19:3

Arị Ijiputi-ḅẹ-apụ ma tọn-arị aị ma pikirima tẹ ịn ḅarị tẹmẹ nyana ḅịa. Ini ịna oru-afụḅara ma tẹkẹ ḅa ịn ḅarasụa ịn pịrịị. In mu tọrụ tolu apụ ḅara ye ḅii ḅa, pịkị fịtẹ-apụ atẹmẹ ḅịḅị ḅii ḅa.

Ayịzaya 28:19

Anị ḅo ọ́ bịan siin ọ́ bịan ḅa, dede-ḅio goyegoye. Ọmịnị anị dogi ḅa eneḅaka na ḍin na ḅụ, gbarị-a ḅara. Ịwọ oku tẹ Tamụnọ ḅara ḅo ye, ḅo ye ịwọ tẹmẹ-naịn-naịnmaye kẹ ḅo ḅa!

Jerimaya 2:26

KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Jerimaya 25:34

Ọmịnị owuu, ọmịnị Sịḅịdapụ, ọmịnị anana-ḍikiḍikiḅọ ḅara kẹ ị̀ atomi ḍikiḍikiarị apụ, ọmịnị owu pakamaa! Ó kururu tẹ fọọn ḅio mbelembelee. Ịn pẹị ḅẹ nama ḅaa-ḅaa ḅara kẹ ọ́ ḅaa ḅẹ sakị mẹ ḅo la tẹẹ, tẹ ini ejimina amẹẹ keni-keni ḅara kẹ ó keni ḅa.

Jerimaya 37:19

Ọmịna ịkịankoroapụ ma tẹ ḍuko ọ́ pịrịm mịnẹ Babịlonịya ḅẹ amadaḅọ owu kẹ ọ́ paka ḅịa, anịanịa mị sịẹ mẹ paka ḅịa ḅẹ apụ ma, tiye ịna ḅụ paka?

Jerimaya 48:41

tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 52:7

ịn nwẹnị opu ama mẹ ḅẹ onu ma kan tolu. Karakaraye Babịlonịya ḅẹ apụ ma opu ama mẹ ikelema-korom sọ, ọmụ apụ mamgba mangị-so famam ḍin ḅụ. Ama-da warị mẹ akaka mẹ ḅẹ etela mẹ ḅụ mie ịn ḅọrọ-so yee, tẹ nwẹnị onu mẹ ḅẹ maa apakịrị gboloma ḅọkọ mẹ ḅụ ḅọrọ, tẹ mangị Jodanị akaka ḅẹ lẹsẹrẹ-kiri mẹ da-mu.

Fịrịmẹnjịapụ 13:41

Ó ḍikii, ọmịnị ye kẹ ye-sịn-a apụ! Ọ́ ḅụụ-buaa, tẹ fịị! Kẹ gotẹ ọkọ ḅẹẹarị, mịmgba ḅụ à mịẹarị ye mẹ, anie ó minini ḅịa ye, kịnị anị ḍuko finji ọ́ pịrịarị sakị sọ!