Jerimaya 4:7 - FỊAFỊA BAỊBỤLỤ

⁷ Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 4:7 Iomraidhean Croise

2 Amadapụ 24:1

Ori Ama-daarị eneḅaka ḅụ mie Nebukadineza Babịlọnị ḅẹ amadaḅọ ḅe ḅo Juda gbaịn tẹ fọịn yee, tẹ Jehohakịmụ nwẹnị tẹra kụra kẹ ọ̀ fịrịmẹnjịḅọ so; anịtẹso ọ̀ nwẹnị pịkị tẹ sịḅị-kụrọma ọ̀ pịrị

2 Amadapụ 25:1

Ori ama-da tẹ esenia kụra karama kụra mẹ, ḅẹ oyia akalụ karama akalụ mẹ, ḅẹ oyi aḍin eneḅaka ḅụ, Nebukadineza Babịlọnị ḅẹ amadaḅọ ḅe nwẹnị ori ọmụ-ogbo mamgba na Jeruselemu ḅo tẹ anị ikelema-koro, tẹ nkọrọ soku, pịkị akpụrụ-awarị pike owu kẹ ịn paka ḅẹm gotẹ.

Ayịzaya 1:7

Ị́ amakiri mẹ papaa gberere simearị, tẹ ini í opu ama na dọkịma kiri lama tẹ. Ị́ tọrụ, tọrụ kẹ ḍikiarị ogbo jen asịẹ ḅẹ apụ ḅo ị́ ḍụọ-akiri ọkị tẹ ye mamgba guluguluma tẹ.

Ayịzaya 5:9

À naa tẹ Kụrọmamgba Nyana KỊNỊNYANAḄỌ ḅe ḅẹẹarị, “Mịna ḍụḅa tẹ iḅi awarị mamgba papaa koro-sime ḅa.

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 22:6

“Ị̀ ḅụụ ḅụ, Juda amada-warị mẹ Giliyadi amakiri na Lẹbanọnị Tụndụ ma na iḅi ḅara iḅi wararị; kụma arị anị kẹ fa tẹ yọ sọma ḅa, gbọrụḅọ-sọ anga-a yọ.

Jerimaya 22:7

À tomi kẹ fịrịmarị in ḅo anị kan gulugulumaa. Inimgba ịna akumbu ọkị-ḅo tẹ kẹ anị ḅẹ iḅi sida asịn ḅeriye ma pẹlẹ-pẹlẹ-gbin ḅa, tẹ arị kẹ fịnị ḅio wakị suu ḅa.”

Jerimaya 25:38

KỊNỊNYANAḄỌ ḅe ori atomi kẹ gbin-koroma-so tẹẹ, ọkụkụ amịna fukuru koroma-so pembe ḅara. Ọmụ na mẹnjị si-aị ma na KỊNỊNYANAḄỌ ḅe owi ịganị mẹ na amakiri mẹ kẹ ḅo ịkpa sọma tẹẹ.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 26:9

Tiye ẹrẹsị ị́ KỊNỊNYANAḄỌ ḅe ẹrẹ ḅụ ḍuko mịnẹ mị Tamụnọ-warị mẹ ḅo Silo na kịka ḅa, anịsakị mịẹ opu ama mẹ ini anị guluguluma tẹ gbọrụḅọ-sọ ḅarị anị ḅio anga ḅịa.” Anịtẹso tomi ma ḅo ì ikelema-korom.

Jerimaya 27:8

“Kụma gbọrụ sịẹ, anịanịa amadaḅọ daarị yọ, sịḅị-tuu ọ̀ ḅẹrẹtọn mẹ pịrị-a ḅẹḅẹ, anịsakị à fomu-ḅara kẹ anị sịẹ mẹ pịrị ḅa ọmụ ḅụ, ḅuru-ḅa ḅụ, pịkị obi ḅụ, nwenii à mịẹ tẹ Nebukadineza gbọrsịḅị anị guluguluma fama ḅa.

Jerimaya 33:10

Mie KỊNỊNYANAḄỌ ḅe ḅẹẹ ḅara: Tomi ḅẹẹarị mịnẹ mị yọ mẹ ịkpa kịkarị, anie tomi anịanịa nama sọ anị ḅio anga-a. Ịn karakaraye ḍukoarị; Juda ḅẹ ama ma na Jeruselemu ḅẹ etela ma na papaa kịnị ofori ḅara kẹ emi; tomi anịanịa nama sọ arị ayọ anga-a. Kụma mịna anga ma ḅụ ó siin naa ḅa

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 4:29

Asụ na iboli na ọmụapụ ma yoko-yokoarị ye mẹ ḅụ ḅẹḅọ-ḅẹḅọ mangị-soarị. Japụ mangị opu piri-ḅio mu ḅa, osi-apụ kpọlị iwo ḅa ịkụ ma ogboku ḅụ. Ama goyegoye ḅụ gbọrụḅọ-sọ kirikọn ḅịa, tẹ gbọrụḅọ-sọ ḅarị jen kẹ arị ḅio anga ḅịa.

Jerimaya 44:2

Kụrọmamgba nyana KỊNỊNYANAḄỌ ḅe, Izirẹlị sunsin pịrịarị Tamụnọ ḅe, ḅẹẹm, “Ọmịnị ḅarana àrị ọkị-ḅo Jeruselemu na Juda ḅẹ osi ama ma na ọgọnọ gbana gulugulu mẹ ẹrị tẹẹ. Mịọkụ mẹ ḅụ sọ arị paa kaan-sara wararị, tẹ gbọrụḅọ-sọ arị ḅio anga-a,

Jerimaya 46:18

Yẹrị, Kụrọmamgba nyana KỊNỊNYANAḄỌ ḅee, amadaḅọọ. Yẹrị anie Ḍumo wararị Tamụnọ ḅe. Tabọ Tụndụ gele fatẹ tụndụ ma saḅa ḅọrọ ḅara tẹ Kamẹlị Tụndụ mẹ sịẹ gele iwo abajị mẹ ḅọrọ ḅara, anị ḅara mie owu kẹ ị́ pakarị ḅọ ḅe kụrọ sime ḅarị ḅara.

Jerimaya 49:19

Ọkụkụ kpiti tẹ piri-ḅio Jodanị tọrụ akaka ḅụ paka iwo ḅo anana osuka fị-fị kiri mẹ la ḅara, à ḅo mịẹ tẹ Idọmụ ḅẹ apụ ma ḅiotọn-a ḅara kẹ ịna sịẹ koroma mangị ḅa. Anịtẹso yẹrị ḅarana sẹlẹ pakama-ḅo ḅarị ḅẹrẹtọnḅọ ḅe sịẹ mẹ da ḅa. Ini inetẹ tụḅọ kẹ ị̀ na pii-pii ḅẹẹ ḅẹ? Tọ ḅẹrẹtọnḅọ ḅiokpọtẹ ị̀ na kuḅu dama ḅẹ? Tọ ḅẹrẹtọnḅọ inetẹ ị̀ na tụḅụrụ ḅẹ?

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Jerimaya 50:44

“Yẹrị, KỊNỊNYANAḄỌ ḅe, ọkụkụ Jodanị tọrụ akaka ḅẹ opu kpiti tẹ piri mẹ ḅio paka iwo ḅo ịwọ osuka fị kiri mẹ la ḅara kẹ ḅo ḅa, tẹ Babịlonịya ḅẹ apụ ma mịẹ tẹ in ḅiotọn-a ḅara kẹ sarama ịna opu ama ḅụ mangị-so ḅa. Anịtẹso à sẹlẹ pakama-ḅoarị sịḅịdaḅọ sịẹ mẹ da ḅa. Ini inetẹ ịna pii-pii ḅẹ ḅe ḅọ tụḅọ? Ḅiokpọ tẹ ḅo ị̀ na kuḅu dama ḅẹ ḅọ tụḅọ? Tọ ḅẹrẹtọnḅọ inetẹ ị̀ na tụḅụrụ ḅẹ?

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Izikẹlị 12:20

Opu ama ma tẹ mịọkụ kịnị ḅin wararị aị ma in guluguluma tẹ bebe sịẹ mẹ ḅẹ amakiri mẹ kẹ ịkpa sọma ḅa. Anịtẹso in nimi ḅa mịnẹ yẹrị anie KỊNỊNYANAḄỌ ḅe.”

Izikẹlị 21:31

Ị̀ ịganị mẹ ọmịna aḅụụ ịnọ ḅa à kiki ofori ḅara kẹ anị wẹrịso tẹ anị ọmịna ọgọnọ fịnị kịka tẹ kọrị ḅẹ sakị. Tẹ arị ọ́ saḅama piri-ḅio-ḅẹ si anama ḅara kẹ kịnị na mịẹarị atomi pịrị ḅa, ḅaa-guluguluma nimi ḅara ḅa tẹ apụ.

Izikẹlị 32:2

Ori mẹẹ, “Fịị-fịị tomḅọ, sịḅị-oḅokuma ḅara kẹ Ijiputi ḅẹ amadaḅọ ḅe ḅeri nụnụ. Mie ị̀ ḅara ḅo oku mẹ da-saḅama ọ̀ pịrịị: Sịẹ-sịẹ ma ogboku ḅụ í ye mịẹarị ḅara ọkụkụ ọkụ, kụma ị́ kịka anị ḅara nẹngị ye isiḅiri, tẹ minji fomu-ma tọrụ okin saḅarị ye. Ị́ ị́ aḅụọ kẹ lịka wọlọgị tẹ tọrụ mẹ ḅẹ minji mẹ simarị.

Danẹlị 5:19

Ò gburo-gburo ḅara gotẹ tomikiri mẹ ḅụ simearị sịẹ-sịẹ mamgba na, kpo-kpo mamgba na pịkị ḅẹlẹ kịrị-kịrị mamgba na ḅẹ atomi ma ò ḍiki-ḅalafa tẹ sịḅị-tuu ọ̀ pịrịm. Ọ̀ kịnị ḅaa ḅẹ-ḅiiarị ḅẹḅẹ, ọ̀ ḅaam; ọ̀ kịnị ḍumoma ḅẹ-ḅiiarị ḅẹḅẹ, ò ḍumomam. Ọ̀ kụn, anịanịa ḅụụ-jịrị kẹ pịrị ḅẹ ḅọ goḅọ-goḅọ pịrịm.

Danẹlị 7:4

Tarị ye ḅe ọkụkụ kịkam, kụma igo kịka tẹ maa apamba-sụam. À paa kweinma ḍikiarị ogbo ịn pamba ma anyịma siinm. Ịn nama ḅe saakị-gelema tẹ ọ̀ kẹ tomḅọ kịkama sịẹmam. Anịtẹso ịn tomina kuroma kẹ ọ̀ pịrịm.

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.